ප්රජාතන්ත්රවාදී ජාතික සන්ධානයේ සාමාජික පක්ෂ අතර බරපතල දේශපාලන අර්බුදයක් ඇති වී ඇති බව වාර්තා වෙයි. ජනතා විමුක්ති පෙරමුණ නිශේධ බලයක් වැනි අයුතු බලයක් භාවිත කරන බව ප්රජාතන්ත්රවාදී ජාතික සන්ධානයේ නියෝජ්ය නායක සරත් මන්මේන්ද්ර මහතා ප්රකාශ කර තිබේ. නිශේධ බලයට එරෙහිව සෙසු පක්ෂ හතර සටන් වැදීමට සූදානමක සිටින බවද ඔහු පැවසීය. ඒ සඳහා වන තීරණාත්මක සාකච්ඡව පැවැත්වෙන්නේ අගෝස්තු මස 3 වනදායි. පක්ෂ නායක සරත් ෆොන්සේකා නොමැතිව පක්ෂ නායකයන්ගේ රැස්වීමක් එදින පැවැත්වීමට නියමිතයි. එහිදී ජනතා විමුක්ති පෙරමුණේ නිශේධ බලයට එරෙහිව විසඳුමක් ලබා ගැනීමට ඔවුන් සූදානම් වෙති. ජනාධිපතිවරණයට එරෙහිව කුසලානය ශ්රේෂ්ඨාධිකරණය හමුවේ පෙත්සමක්ද ගොනු කළ අතර එම පෙත්සමෙන්ද තමන් ඉවත් වීමට සූදානම් බව සෙසු පක්ෂ හතර සඳහන් කරයි.
