කොළඹ මහ නගර සභාවේ අයවැය පරාජය වීම සම්බන්ධයෙන් අදහස් දක්වමින් අමාත්ය වසන්ත සමරසිංහ මහතා ප්රකාශ කළේ, මෙම තත්ත්වය ආයතනය පවත්වාගෙන යාමට හෝ එහි කටයුතු වලට කිසිසේත්ම බාධාවක් නොවන බවයි.
ජාතික ජන බලවේගයේ නගරාධිපතිනිය විසින් ඉදිරිපත් කරන ලද අයවැය යෝජනාවට පක්ෂව ඡන්ද 57ක් ලැබී ඇති අතර විරුද්ධව ඡන්ද 60ක් ලැබී තිබේ.
කෙසේ වෙතත්, අදාළ පනතට අනුව ලබන වසරේදී අයවැය පරාජය වුවද නගර සභාව විසුරුවා හැරීමේ හැකියාවක් නොමැති බව අමාත්යවරයා පෙන්වා දුන්නේය.
යම් හෙයකින් තෙවන වරටත් අයවැය පරාජයට පත් වුවහොත්, ඉන් පසුව සිදු කළ යුත්තේ කුමක්ද යන්න පිළිබඳව නීතිමය ප්රතිපාදන පවතින බවත්, එහිදී නව නගරාධිපතිවරයෙකු පත් කර ගැනීමට සිදුවන බවත් ඔහු සඳහන් කළේය.
නමුත් එවැනි පත් කිරීමක් සිදු කිරීමට නම් විපක්ෂයේ කණ්ඩායම් 20ක් පමණ එකතු වීමට සිදුවනු ඇති බවද වසන්ත සමරසිංහ මහතා වැඩිදුරටත් අවධාරණය කළේය.
