අම්බලන්ගොඩ පොලිස් වසමේ අම්බලන්ගොඩ නගර සභාව ආසන්න මාර්ගයේ යතුරුපැදියකින් ගමන් කරමින් සිටි පුද්ගලයෙකුට සිදු කරන ලද වෙඩි තැබීමකින් තුවාල ලබා ප්‍රතිකාර සඳහා බලපිටිය රෝහලට ඇතුලත් කිරීමෙන් පසු මිය යන ලදී.
මෙම අපරාධය සඳහා සැකකරුවන් පැමිණි බවට සැක කරන කාර් රථයක් කරන්දෙණිය පොලිස් වසමේ එගොඩවෙල ප්‍රදේශයේ අතර හැර දමා ගොස් තිබියදී, විමර්ශන නිලධාරීන් විසින් සොයා ගෙන වැඩිදුර විමර්ශනය සඳහා අම්බලන්ගොඩ පොලිස් ස්ථානයට ඉදිරිපත් කර ඇත.
සැකකරුවන් අත්අඩංගුවට ගැනීම සඳහා ඇල්පිටිය කොට්ඨාස භාර ජ්‍යෙෂ්ඨ පොලිස් අධිකාරිවරයාගේ අධීක්ෂණය යටතේ පොලිස් කණ්ඩායම් කිහිපයක් විමර්ශන සිදු කරනු ලබයි.
