මහවැලි ගඟෙහි ඉහළ ධාරා ප්‍රදේශවලට ලැබෙමින් පවතින අධික වර්ෂාපතනය සහ මහවැලි ගඟෙහි වාර්මාර්ග දෙපාර්තමේන්තුව මගින් නඩත්තු කරනු ලබන ජලමාපකවල අගයන් සලකා බැලීමේදී මහවැලි ගඟ ද්‍රෝණිය ආශ්‍රිත පහත් බිම් ප්‍රදේශවලට මහ ගංවතුර තත්ත්වයක් ඇති වී ඇති අතර තවදුරටත් එම ජලමට්ටම් ඉහල යනු ඇත.
එම නිසා එම ප්‍රදේශ වල මහවැලි ගඟට ආසන්නව පදිංචි මහජනතාව ඒ සම්බන්ධව ඉතා දැඩි විමසිල්ලෙන් පසුවන ලෙසත්, ඇතිවන මහ ගංවතුර තත්ත්වයකින් ආරක්ෂා වීමට කටයුතු කරන ලෙසත් ඉල්ලා සිටිනු ලැබේ.
ගංඟාව දෙපස පහත් බිම්වල වෙසෙන ජනයා හැකි ඉක්මනින් ඉන් ඉවත්වීම වඩාත් සුදුසු බව වාරිමාර්ග දෙපාර්තමේන්තුව කියා සිටී.
