ගංවතුර ගැන මහියංගන රෝහල දැනුවත් කර තිබුනේ නෑ..

මෑත ඇතිවූ ගංවතුර තත්ත්වය හමුවේ මහියංගණ රෝහලේ කාර්ය මණ්ඩලය පිරිස නිසි පරිදි දැනුවත් කර නොතිබූ බව රජයේ වෛද්‍ය නිලධාරීන්ගේ සංගමය පවසයි.

ඒහි ලේකම් වෛද්‍ය ප්‍රභාත් සුගතාස මහතා ඒම රෝහලේ නිරීක්ෂණ චාරිකාවකින් අනතුරුව මෙම කරුණු අනාවරණය කළේය.

ඔහුගේ ප්‍රකාශය අනුව, ප්‍රදේශයේ අනෙකුත් ආයතනවලට ගංවතුර අවදානම පිළිබඳව කලින්ම තොරතුරු දැනුම් දී තිබුණ ද, මහියංගණ රෝහල් කාර්ය මණ්ඩලයට එවැනි නිසි දැනුවත් කිරීමක් සිදු වී නොමැත.

මෙම තත්ත්වය හේතුවෙන්, ගංවතුර අනතුරකදී නියමිත වේලාවට රෝහල් කාර්ය මණ්ඩලයට මෙන්ම ප්‍රතිකාර ලබන රෝගීන්ට ද එම ස්ථානයෙන් ආරක්ෂිතව ඉවත් වීමට අවස්ථාවක් නොලැබුණු බව වෛද්‍ය සුගතාස මහතා වැඩිදුරටත් චෝදනා කරයි.

එමෙන්ම, කාර්ය මණ්ඩලය සහ රෝගීන් ඉවත් කර ගැනීම සඳහා අදාළ පාර්ශ්වයන්ගෙන් අවශ්‍ය සහයෝගය නොලැබුණු බව ද ඔහු පෙන්වා දෙයි.