සුළි කුණාටුවෙන් දිවි අහිමි වූවන් වෙනුවෙන් වන්දි පිරිනැමීමේදී නීත්යානුකූල උරුමකරුවන් හඳුනාගැනීම සම්බන්ධයෙන් පරිපාලනමය බාධා මතුව ඇති බව ආරක්ෂක අමාත්යාංශයේ ආපදා කළමනාකරණ අංශයේ අතිරේක ලේකම් කේ.ජී. ධර්මතිලක මහතා පෙන්වා දෙයි.
රජයේ ප්රවෘත්ති දෙපාර්තමේන්තුවේ පැවැති ප්රවෘත්ති සාකච්ඡාවකට එක්වෙමින් ඒ මහතා මේ බව අනාවරණය කළේය.
මියගිය පුද්ගලයන් 265 දෙනෙකුගේ පවුල් සඳහා මේ වන විටත් වන්දි මුදල් පිරිනමා අවසන්ය. තවත් මරණ 221ක් සම්බන්ධයෙන් අදාළ වන්දි ගෙවීමේ කටයුතු මේ දිනවල ක්රියාත්මක වේ.සමස්ත ක්රියාවලියේ වර්තමාන ප්රගතිය 41.2% ක් ලෙස සටහන් වේ.
අතිරේක ලේකම්වරයා සඳහන් කළ පරිදි, ඇතැම් පවුල්වල සියලුම සාමාජිකයන් මෙම ස්වභාවික විපතින් මියයාම හේතුවෙන් වන්දි මුදල් භාර දිය යුතු නිසි පාර්ශවය තීරණය කිරීම සංකීර්ණ වී ඇත.
උරුමකරුවන් සම්බන්ධ මෙම නීතිමය ගැටලු විසඳා ගනිමින්, ඉදිරි සති දෙකක කාලය තුළ වන්දි ගෙවීමේ වේගය දෙගුණයකින් වැඩිකිරීමට අපේක්ෂා කරන බවද ඔහු වැඩිදුරටත් පැවසීය.
