මහා භාණ්ඩාගාරයේ විදේශ සම්පත් දෙපාර්තමේන්තුව සතු අමෙරිකානු ඩොලර් මිලියන 2.5ක මුදලක් (ශ්රී ලංකා රුපියල් කෝටි 75කට අධික) අස්ථානගත වීමේ සිද්ධිය සම්බන්ධයෙන් වන විමර්ශන තීරණාත්මක අදියරකට එළඹ තිබේ.
මෙම මූල්ය මංකොල්ලය සඳහා මෙරට රාජ්ය නිලධාරීන්ගේ සම්බන්ධයක් පවතින්නේ ද යන්න සෙවීම සඳහා මහජන ආරක්ෂක අමාත්යාංශය සහ ජාත්යන්තර පොලිස් කණ්ඩායම් ඒකාබද්ධ මෙහෙයුමක් ආරම්භ කර ඇත.
සැකකටයුතු කාලසීමාව තුළ භාණ්ඩාගාර නිලධාරීන් ඔවුන්ගේ පෞද්ගලික ජංගම දුරකථන මගින් ලබාගෙන ඇති විදේශීය ඇමතුම් පිළිබඳව පුළුල් විමර්ශනයක් පවත්වන බව මහජන ආරක්ෂක අමාත්යාංශයේ නියෝජ්ය අමාත්ය සුනිල් වටගල මහතා අනාවරණය කළේය.
අදාළ මුදල ඕස්ට්රේලියාවට ලැබිය යුතු ණය වාරිකයක කොටසක් වීම හේතුවෙන්, මෙම ඇමතුම් ලබාගත් පාර්ශ්වයන්ගේ තරාතිරම සහ අනන්යතාවය තහවුරු කරගැනීම සඳහා ඕස්ට්රේලියානු ෆෙඩරල් පොලීසිය සිය සහාය ලබා දෙමින් සිටී.
මෙම සිදුවීම හුදු හැකර්වරුන්ගේ ක්රියාවක් පමණක්ද, නැතහොත් අභ්යන්තර නිලධාරීන්ගේ සහාය ඇතිව සිදුවූවක්ද යන්න පිළිබඳව තවමත් ස්ථීර නිගමනයකට පැමිණ නොමැති බව ජ්යෙෂ්ඨ පොලිස් නිලධාරීන් පවසයි.
මූලික පරීක්ෂණවලට අනුව, ව්යාජ ඊමේල් පණිවුඩ මගින් බැංකු ගිණුම් විස්තර වෙනස් කරමින් හැකර්වරුන් විසින් මෙම මුදල ඩොබොයි හෝ ඕස්ට්රේලියාවේ පවත්වාගෙන යන තෙවන පාර්ශ්වීය ගිණුමකට හරවා ගෙන ඇති බව හෙළි වී තිබේ.
මෙම සිද්ධිය සම්බන්ධයෙන් සහකාර අධ්යක්ෂවරයෙකු ඇතුළු නිලධාරීන් පස් දෙනෙකුගේ වැඩ තහනම් කර ඇති අතර, ඉන් එක් නිලධාරියෙකු වූ රංග රාජපක්ෂ මහතා පසුගියදා කුලියාපිටිය ප්රදේශයේදී අභිරහස් ලෙස මියගොස් තිබුණි. ඔහුගේ මරණය විමර්ශනවලට දැඩි බාධාවක් බව පොලීසිය පවසයි.
2026 වසරේ ශ්රී ලංකාව සිය විදේශ ණය පියවීමට උත්සාහ කරන අවස්ථාවක මෙවැනි මූල්ය අහිමිවීමක් සිදුවීම දළ නිල සංචිත කෙරෙහි ද සෘණාත්මක බලපෑමක් එල්ල කර ඇත.
මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව සහ ශ්රී ලංකා පරිගණක හදිසි ප්රතිචාර සංසදය එක්ව පරීක්ෂණ තවදුරටත් ඉදිරියට ගෙන යනු ලබයි.
අනේ, atagala
ReplyDeleteමියගියකෙනා මාලිමාවට සම්බන්ධයි.අන්තරයේ ප්රබලයෙක්ලු.ඔය තැනට දැම්මෙත් මේ ආණ්ඩුවලු.ඒ කියන්නේ පක්ෂයට තද ඇලීිමක් තියෙන කාඩර්වරයෙක්.පක්ෂයට ඕනෑ නිසා එවැනි වංචාවක් කලාද කියන සැකය තදින් එනවා නේද? ඡෙප්පන්ගේ තද අමානුෂික හිත් එයාම තමා මරාගත්ත දැඩි වේදනාත්මක මරණයෙන් පේනවා තමන් කරගත්තත් අනුන් කළත්.අතීතයේ ත්රස්තවාදි රොත්තකට බලය දුන්නාම ඉදිරියට තව දරුණු කථාම ඇසේවි උන්ගෙන්,බලාගෙන,උන් කියන විදියට කළත් බේරිමක් නැහැ නොකලොත් ඒත් බේරිලා ඉන්න දෙන්නේ නැහැ කාඩර් එක.ඔහුට සංසාරය පුරා මෙවැනි දරුණු මරණයක් අත් නොවේවා කළ්යාණ මිත්රයෝම හමුවේවා.
Deleteමේ නිලදාරීන් එකා පිට එකා මැරුනත් බලන්න කෙනෙක් නෑ. හැබැයි පඩි වැඩි කර ගන්න ඒවට මස් කට්ට පස්සෙ යන බල්ලො කපුටො වගේ රොක් වෙනවා. කොරෝනා කාලෙ දැක්කනෙ ලැජ්ජ නැති ගුරුවරු වැඩි පඩි ඉල්ල ඉල්ල මස් කට්ට පස්සෙ ගිය හැටි. හැබැයි දරුවන්ට කුනුහරුප උගන්නන එකට කිසිම උදගෝශනයක් කරේ නෑ.
ReplyDelete