හිටපු ජනාධිපති රනිල් වික්රමසිංහ මහතා වෙත බ්රිතාන්යයේ වුල්වර්හැම්ප්ටන් විශ්වවිද්යාලයෙන් ලැබුණු බව කියන ආරාධනය සම්බන්ධ තොරතුරු, අපරාධමය කරුණුවලදී අන්යෝන්ය සහයෝගීතාව දැක්වීමේ පනත යටතේ විධිමත් ලෙස ලබාගැනීමට අපරාධ පරීක්ෂණ දෙපාර්තමේන්තුව තීරණය කර තිබේ.
නීතිපති දෙපාර්තමේන්තුව ලබාදුන් උපදෙස් මත මෙම පියවර ගෙන ඇති බව වාර්තා වේ.
රජයේ නීතිඥ සජිත් බණ්ඩාර මහතාගේ අත්සනින් යුතුව අපරාධ පරීක්ෂණ දෙපාර්තමේන්තුව වෙත යොමුකළ ලිපියක් මගින් දැනුම් දී ඇත්තේ, 2002 අංක 25 දරන අපරාධමය කරුණුවලදී අන්යෝන්ය සහයෝගීතාව දැක්වීමේ පනත ප්රකාරව අදාළ තොරතුරු ලබාගැනීමට විධිමත් අයදුම්පතක් ඉදිරිපත් කරන ලෙසයි.
මෙම නඩුව මේ සතියේ කොළඹ කොටුව මහේස්ත්රාත් අධිකරණය හමුවේ කැඳවූ අවස්ථාවේදී, අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ නීතිපති දෙපාර්තමේන්තුවෙන් ලැබුණු උපදෙස් ලිපිය අධ්යයනය කර ඉදිරි පියවර පිළිබඳව අධිකරණය දැනුවත් කරන බවයි.
අදාළ පනත යටතේ නිල වශයෙන් ඉල්ලා සිටින තොරතුරු, මීට පෙර තැපැල් මාර්ගයෙන් එම විශ්වවිද්යාලය මගින් ලබාදී ඇති බවත්, එම තොරතුරු දැනටමත් තම දෙපාර්තමේන්තුව සතුව පවතින බවත් අපරාධ පරීක්ෂණ දෙපාර්තමේන්තුව මෙහිදී අධිකරණයට වැඩිදුරටත් කරුණු පැහැදිලි කළේය.
එමෙන්ම, විමර්ශනයට භාජනය වී ඇති මෙම බ්රිතාන්ය සංචාරය සම්බන්ධයෙන් හිටපු ජනාධිපති ආර්යාව වන මෛත්රී වික්රමසිංහ මහත්මියගෙන් ලබාගත් ප්රකාශයට අදාළ විස්තර ද අපරාධ පරීක්ෂණ දෙපාර්තමේන්තුව විසින් අධිකරණයට ඉදිරිපත් කරනු ලැබීය.
අයෙත් කට්ටියකට uk යන්න CHANCE එකක් වගේ
ReplyDeleteමේ ගමන නම් නඩුව දාපු ලප secretary යවන්න ඔනෙමය්.
රට යන කට්ටිය DUTY ෆ්රී එකෙන් මොනවා හරි ගන්න අමතක කරන්න එපා , ඔයාලටත් දීමනාවක් හම්බවෙනවා හොඳේ
මොන විහුලුවක්ද මේක. වැඩක් කරල පෙන්නපල්ල. මොනව හරි මෙගා පොරොජෙක්ට් එකක් පටන්ගන්න ට්රයිකරපල්ල. මේ නාට්ය පෙන්න පෙන්න, මහ දවල් බාන්ඩාගාරෙ සුද්ද කර කර, බොරු කිය කිය, හොරකන් කර කර, මිනී මර මර, උද්දච්ච කමට කියව කියව ඉන්නෙ නැතුව.
ReplyDelete