සලේ පස්සට අත තිබ්බම සුළුදිය පහවෙන බියගුළු කැනහිලෙක්.. ඒ මස්වැද්දා බේරගන්න හදන එවුන්ට වැහි නැති හෙණ ගහනවා..

 සුරේෂ් සලේ යනු කැරපොත්තෙකුට හෝ මීයෙකුට පවා බිය වන, පස්සට අත තැබූ විට සුළුදිය පහවන බියගුළු කැනහිලෙකු බවත්, එවැනි මස්වැද්දන් ආරක්ෂා කිරීමට ඉදිරිපත් වන පිරිස්වලට වැහි නැති හෙණ වැදිය යුතු බවත් වමේ කේන්ද්‍රයේ කැඳවුම්කරු චමීර පෙරේරා මහතා පවසයි.

මාධ්‍ය හමුවක් අමතමින් ඔහු අවධාරණය කළේ රාජපක්ෂ පවුල රැකීම වෙනුවෙන් අපරාධ කළ කිසිවෙකුට මෙවර ගැලවීමක් නොමැති බවයි.

සුරේෂ් සලේ රණවිරුවෙකු ලෙස හඳුන්වා දීමට දරන උත්සාහය දැඩි ලෙස විවේචනය කළ පෙරේරා මහතා, සැබෑ රණවිරුවන් යනු රට වෙනුවෙන් ඇස්, මස්, ලේ දන් දුන් පිරිසක් මිස රාජපක්ෂලාගේ පවුල රැකීමට මස්වැද්දන් ලෙස වැඩ කළ අය නොවන බව පෙන්වා දුන්නේය.

සලේ යනු ත්‍රස්තවාදීන් සමඟ එක්ව ට්‍රිපොලි ප්ලටූන් වැනි මිනීමරු කල්ලි මෙහෙයවමින්, මාධ්‍යවේදීන් ඝාතනය කිරීමට සහ විරුද්ධවාදීන් අතුරුදන් කිරීමට කොන්ත්‍රාත් ඉටුකළ පුද්ගලයෙකු බවට ඔහු චෝදනා කළේය.

පාස්කු දින සිදුකළ මනුෂ්‍ය සංහාරය යනු බලය ලබා ගැනීම සඳහා සැලසුම් සහගතව සිදුකළ කුමන්ත්‍රණයක් බවත්, එහි විමර්ශන දැන් අවසාන භාගයට පැමිණ ඇති බවත් ඔහු සඳහන් කළේය. හිටපු ජනාධිපති ගෝඨාභය රාජපක්ෂට පැනවූ විදේශ ගමන් තහනම මින් නතර නොවන බවත්, මෙම මහා කේඩවාචකය සැලසුම් කළ සියලු දෙනාට දඬුවම් ලැබෙනු ඇති බවත් ඔහු විශ්වාසය පළ කළේය.

විමල් වීරවංශ, සරත් වීරසේකර සහ උදය ගම්මන්පිල වැනි පුද්ගලයන් හිටිහැටියේම සලේ වෙනුවෙන් පෙනී සිටින්නේ ගෝඨාභය රාජපක්ෂ කොටු වන බව දන්නා නිසා යැයි පෙරේරා මහතා පැවසීය.

ගෝඨාභයගේ වනචර බැටෑලියනයට දැන් උන්හිටි තැන් අහිමි වී ඇති බවත්, යුක්තිය ඉටුකිරීමේ ක්‍රියාදාමය හමුවේ ඔවුන් දැඩි භීතියට පත්ව ඇති බවත් ඔහු පැවසීය.

මෙම මස්වැද්දන් සහ ත්‍රස්තවාදීන් වෙනුවෙන් උපවාස කිරීමට හෝ පාරට බැසීමට පෙර පාස්කු ප්‍රහාරයෙන් මියගිය අහිංසක මිනිසුන් පිළිබඳව සිතා බලන ලෙස චමීර පෙරේරා මහතා ජනතාවගෙන් ඉල්ලා සිටියේය.

වින්දිතයන් වෙනුවෙන් යුක්තිය ඉටුකරන ලෙස රජයට බල කරන අතරම, අවශ්‍ය වුවහොත් පාරට බැස පාර අත්පත් කරගෙන මෙම අපරාධකරුවන්ට එරෙහිව සටන් කිරීමට සූදානම් විය යුතු බවද ඔහු වැඩිදුරටත් කියා සිටියේය.