ඉකුත් 17 වැනිදා දිවයින පුරා සිදුවූ හදිසි විදුලි බිඳවැටීමට සැබෑ හේතුව නොරොච්චෝල බලාගාරයේ භාවිත කළ ප්‍රමිතියෙන් තොර බාල ගල්අඟුරු බවත්, බලාගාරය අක්‍රිය වීමෙන් පසු හදිසි විදුලි උත්පාදනය වෙනුවෙන් පෞද්ගලික ඩීසල් බලාගාර වෙත දිනකට රුපියල් බිලියන 1.3ක් බැගින් අමතර මුදලක් ගලා යන බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී. වී. චානක මහතා අනාවරණය කළේය.
හිරු නාලිකාවේ විකාශය වූ ‘සලකුණ’ දේශපාලන සංවාදාත්මක වැඩසටහනට එක්වෙමින් මන්ත්‍රීවරයා මේ බව සඳහන් කළේය.
විදුලි බිඳවැටීමට ඉහළ කොත්මලේ බලාගාරයේ දෝෂයක් හේතු වූ බවට අමාත්‍යවරයා කළ ප්‍රකාශය සම්පූර්ණයෙන්ම අසත්‍යයක් බව පෙන්වා දුන් මන්ත්‍රීවරයා, ඉහළ කොත්මලේ බලාගාරයේ බිඳවැටීම සිදුවූයේ ඊට පෙර දින දහවල් කාලයේ බවත්, 17 වැනිදා දිවයින පුරා සිදුවූ මහා විදුලි බිඳවැටීමට එමඟින් කිසිදු බලපෑමක් එල්ල නොවූ බවත් අවධාරණය කළේය.
ජාතික විදුලිබල පද්ධතියේ සම්මත ක්‍රමවේදයට අනුව, මෙගාවොට් 2,800ක ඉල්ලුමක් පවතින අවස්ථාවක පද්ධතියේ හදිසි බිඳවැටීමක් පාලනය කරගැනීම සඳහා 10%ක එනම් මෙගාවොට් 280ක අතිරේක ධාරිතාවක් ක්ෂණිකව ක්‍රියාත්මක වන පරිදි සූදානම්ව තබාගත යුතු බව මන්ත්‍රීවරයා පෙන්වා දුන්නේය.
කෙසේ වෙතත්, නොරොච්චෝල බලාගාරයේ පළමු ජනක යන්ත්‍රයේ ධාරිතාව මෙගාවොට් 178 සිට 5 දක්වා ක්ෂණිකව පහත වැටෙද්දීත්, ජාතික පද්ධති පාලන මධ්‍යස්ථානය සතුව එවැනි කිසිදු සංචිතයක් නොතිබූ බවට ඔහු චෝදනා කළේය. එම මෙගාවොට් 280ක සංචිතය නිසි පරිදි ක්‍රියාත්මක වූයේ නම්, පළමු යන්ත්‍රය අක්‍රිය වුවද සමස්ත පද්ධතියම සම්පූර්ණයෙන් බිඳවැටීම වැළැක්වීමට ඉඩකඩ තිබූ බව මන්ත්‍රීවරයා සඳහන් කළේය.
නොරොච්චෝල බලාගාරය අක්‍රිය වීමට ප්‍රධානතම හේතුව බාල ගල්අඟුරු දහනය වීම නිසා බොයිලේරුවේ ඩ්‍රම් එක තුළ අධික පීඩනයක් හටගෙන එහි ඇති ඩයෆ්‍රම් එක පිපිරී යාම බව ඩී. වී. චානක මහතා මෙහිදී විස්තර කළේය.
"බාල ගල්අඟුරු නිසා දිනපතාම අධික ලෙස අළු එකතු වෙනවා. ඉංජිනේරුවරුන්ට සහ සේවකයන්ට සිදුවුණේ අළු අස්කර කර ඉන්න මිසක් නිසි නඩත්තු කටයුතු කරන්න නෙවෙයි. අවසානයේ පීඩනය දරාගන්න බැරුව ඩයෆ්‍රම් එක පුපුරා ගියා. මේ ක්‍රමය නැවත යථා තත්ත්වයට පත් කරන්න නම් පද්ධතිය සිසිල් වෙන්න දින 5ත් 7ත් අතර කාලයක් යනවා. නොරොච්චෝල මෙගාවොට් 810ම අහිමි වෙලා තියෙන්නේ මේ නිසයි." යැයි මන්ත්‍රීවරයා ප්‍රකාශ කළේය.
නොරොච්චෝල බලාගාරය අක්‍රිය වීමෙන් මතුවූ විදුලි හිඟය පියවා ගැනීම සඳහා විදුලිබල මණ්ඩලය ඩීසල් බලාගාර වෙත යොමුවීම පිටුපස දැවැන්ත ව්‍යාපාරික ජාවාරමක් පවතින බව පෙන්වා දුන් මන්ත්‍රීවරයා, ඩීසල් මඟින් විදුලිය උත්පාදනය කිරීම වෙනුවෙන් එක් දිනකට රුපියල් බිලියන 1.3ක් බැගින් අමතර මුදලක් රජයට වැය කිරීමට සිදුවන බව පැවසීය. විදුලිය විසන්ධි වීමෙන් පීඩාවට පත් ජනතාවගේ මුදල් මෙලෙස පුද්ගලික ඩීසල් බලාගාර හිමියන් අතට පත්වන බවද ඔහු චෝදනා කළේය.
මෙම බිඳවැටීම පිළිබඳව සත්‍ය තොරතුරු අනාවරණය කරගැනීමට මාසයක කාලයක් අවශ්‍ය බව පවසමින් රජය කාලය මරමින් සිටින බවත්, පාලකයන් විසින් රට හමුවේ සත්‍ය සඟවමින් විවිධ පරස්පර ප්‍රකාශ සිදුකරන බවත් මන්ත්‍රීවරයා වැඩිදුරටත් කියා සිටියේය.
Controversy Surrounds Power Outage as Politician Highlights Inadequate Coal Supply
The massive power outage that impacted Sri Lanka on the 17th was primarily attributed to a substandard supply of low-quality coal used at the Norochcholai power plant. D.V. Chanaka, a Member of Parliament from the Sri Lanka Podujana Peramuna, revealed that the government is incurring an additional cost of Rs. 1.3 billion each day as it depends on private diesel power plants to cover the sudden loss of electricity after the Norochcholai facility went offline.
Speaking during the politically charged program "Salakuna" aired on Hiru TV, Chanaka refuted earlier claims made by a minister that the outage was caused by a fault at the Upper Kotmale power plant. He emphasized that the incident at Upper Kotmale occurred a day prior, asserting that it had no bearing on the nationwide power failure on the 17th.
Chanaka outlined that the national electricity system requires a reserve of at least 10%, or 280 megawatts, to manage unexpected outages effectively when the demand hits 2,800 megawatts. He criticized the national system control center for lacking adequate reserves, highlighting a rapid drop in the capacity of the first generator at Norochcholai from 178 megawatts to just 5 megawatts.
He pointed out that had the 280 megawatt reserve been operational, the total collapse of the system could have been averted, even with the primary generator offline. The main issue leading to the shutdown of Norochcholai, according to Chanaka, was an explosion in the boiler drum caused by the excessive pressure generated from the burning of low-grade coal.
"The daily accumulation of ash from low-quality coal was overwhelming. Instead of proper maintenance, engineers and workers were simply clearing out the ash. Ultimately, the diaphragm couldn’t withstand the pressure and exploded. To restore the system could take between 5 to 7 days to cool it down,” he stated, noting that the loss of 810 megawatts from Norochcholai is directly linked to this incident.
Moreover, Chanaka exposed what he described as a massive business operation behind the Electrical Board's shift to diesel plants in response to the power crisis, revealing that the government is forced to spend an additional Rs. 1.3 billion daily for electricity generation through diesel. He accused private diesel plant owners of profiting from the financial strain placed on the public.
Chanaka criticized the government for stalling the release of factual information regarding the outage, claiming that authorities are merely buying time while they continue to issue conflicting statements that obscure the truth from the public.
*Note: In case of any discrepancy between the Sinhala and English versions, the Sinhala version shall prevail.
