ශ්රී ලංකන් ගුවන් සේවයේ සමස්ත පරිගණක හා ඩිජිටල් මෙහෙයුම් පද්ධතිය ජාත්‍යන්තර හැකර්වරුන් කණ්ඩායමකගේ පාලනයට නතුව ඇති බවත්, එමගින් ජාතික ගුවන් සේවය ඕනෑම මොහොතක අනතුරකට ලක්කිරීමේ බරපතළ අවදානමක් මතු කර ඇති බවත් පාර්ලිමේන්තු මන්ත්‍රී දයාසිරි ජයසේකර මහතා (20) පාර්ලිමේන්තුවේදී අනාවරණය කළේය.
පාර්ලිමේන්තු සභාවාරය අමතමින් මන්ත්‍රීවරයා පෙන්වා දුන්නේ, පසුගිය ජූනි 28 සහ 29 යන දිනවලදී ‘බ්ලැක්නෙට්’ නමැති සංවිධානාත්මක හැකර් කල්ලියක් විසින් ශ්රී ලංකන් ගුවන් සේවයේ පද්ධතිය මුළුමනින්ම සිය ග්‍රහණයට ගෙන ඇති බවයි. එම ප්‍රහාරය තහවුරු කරමින් අදාළ හැකර්වරුන් Dark Web හරහා වීඩියෝ පටයක්ද මුදාහැර ඇති බව හෙතෙම සඳහන් කළේය.
එම පද්ධතිය යළි නිදහස් කිරීම සහ සාමාන්‍ය භාවිතයට ඉඩදීම වෙනුවෙන් හැකර්වරුන් විසින් බිට්කොයින් ක්‍රිප්ටෝ මුදල් මාධ්‍යයෙන් ඇමෙරිකානු ඩොලර් 50,000 ක (රුපියල් කෝටි එකහමාරකට අධික) කප්පම් මුදලක් ඉල්ලා ඇතැයිද ජයසේකර මහතා හෙළි කළේය.
ගුවන් සමාගමේ සේවකයන්ගේ සියලුම විද්‍යුත් තැපැල් පද්ධති පවා මේ වන විට හැකර්වරුන් අතට පත්ව ඇති අතර, පද්ධතිය ආරක්ෂා කිරීම සඳහා තිබූ විද්‍යුත් තැපැල් ආරක්ෂණ පද්ධතියද හදිසියේම අක්‍රිය කර තිබූ බව හෙතෙම කියා සිටියේය.
"අදටත් ශ්රී ලංකන් ගුවන් සේවයේ පද්ධතිය ගැන කිසිම විශ්වාසයක් තබන්න බැහැ. හැකර්වරුන්ගේ අතේයි පාලනය තියෙන්නේ. ඔවුන්ට ඕනෑම වෙලාවක මේ පද්ධතිය බිඳවට්ටලා ගුවන් මෙහෙයුම් කඩාකප්පල් කරන්න පුළුවන්. මෙය රටක් හැටියට දැවැන්ත ජාතික අර්බුදයක්," යැයි මන්ත්‍රීවරයා අවධාරණය කළේය.
මෙම බරපතළ සයිබර් අනතුර සම්බන්ධයෙන් පරීක්ෂණයක් ආරම්භ කිරීමට උත්සාහ කළ නිලධාරියාට විරුද්ධව මේ වන විට ජනාධිපති ලේකම් කාර්යාලය හරහා පරීක්ෂණයක් ආරම්භ කරමින් සිද්ධිය යටපත් කිරීමට උත්සාහ කරන බවටද මන්ත්‍රීවරයා චෝදනා නැඟීය.
එමෙන්ම, සිංගප්පූරුවේ ස්ථානගතව සිටින ඇමෙරිකානු ආරක්ෂක උපදේශක අංශ විසින් රාජ්‍ය තාන්ත්‍රික මට්ටමින් ශ්රී ලංකන් ගුවන් සේවයේ සයිබර් පද්ධතිය යථා තත්ත්වයට පත් කර දීමට උපකාර කිරීමට සූදානම් බව දැනුම් දී තිබුණද, ශ්රී ලංකා බලධාරීන් අද වනතුරුත් එම සහාය ලබාගැනීමට කටයුතු නොකිරීම සැකකටයුතු බවද දයාසිරි ජයසේකර මහතා වැඩිදුරටත් පාර්ලිමේන්තුව හමුවේ ප්‍රකාශ කළේය.
Major Cybersecurity Breach Threatens SriLankan Airlines
The entire computer and digital operations system of SriLankan Airlines has fallen under the control of an international hacker group, raising serious concerns about a potential disaster for the national airline, Parliamentarian Dayasiri Jayasekara revealed during a recent parliamentary session.
Jayasekara highlighted that the notorious hacker collective known as 'Blacknet' had completely hijacked the airline's systems on June 28 and 29. He confirmed that the hackers also released a video through the Dark Web, substantiating their attack.
In exchange for restoring access to the system, the hackers demanded a ransom of $50,000 in Bitcoin, an amount exceeding 1.5 crore Sri Lankan Rupees.
All electronic mail systems for the airline's employees are reportedly compromised, with the previously existing email security measures abruptly deactivated, he noted.
“Today, it's impossible to have any trust in the operations of SriLankan Airlines. The hackers control everything. At any moment, they could disrupt our airline operations completely. This constitutes a significant national crisis,” Jayasekara emphasized.
He further alleged that efforts by officials to initiate an investigation into this serious cyber incident have been impeded, with the Presidential Secretary's office attempting to downplay the situation.
While American security consultants based in Singapore have expressed willingness to assist in restoring the airline's cyber systems to their original state, Jayasekara remarked that Sri Lankan authorities have still yet to act on this offer, raising suspicions about their responsiveness.
*Note: In case of any discrepancy between the Sinhala and English versions, the Sinhala version shall prevail.
