ලංකා සතොසට අයත් කිලෝග්‍රෑම් 54,860ක සුදුළූණු තොගයක් නීතිවිරෝධී ලෙස පෞද්ගලික ව්‍යාපාරික ආයතනයකට අලෙවි කිරීමේ සිද්ධිය සම්බන්ධයෙන් අත්අඩංගුවට ගත් ව්‍යාපාරිකයන් දෙදෙනෙකු වෙළිසර මහේස්ත්‍රාත් අධිකරණය විසින් නඩුවෙන් නිදහස් කිරීමට නියෝග කර තිබේ.
නීතිපති විසින් මෙම ව්‍යාපාරිකයන්ට එරෙහිව තවදුරටත් නීතිමය කටයුතු පවත්වාගෙන නොයන බව අධිකරණයට දැනුම් දීමෙන් අනතුරුව, සැකකරුවන් දෙදෙනා මෙලෙස නඩුවෙන් නිදහස් කිරීමට නියෝග කෙරිණි.
අපරාධ පරීක්ෂණ දෙපාර්තමේන්තුව (CID) විසින් මීට පෙර මෙම සැකකරුවන් අත්අඩංගුවට ගෙන තිබුණි.
