ආපදාව ගොඩදාන්න අපට පුළුවන්.. රතු තරුව ඇවිත් රට බේරා ගන්නවා..- මාලිමා මන්ත‍්‍රී

පවතින ආපදා තත්ත්වය ඉතා හොඳින් කළමනාකරණය කිරීමට ජාතික ජන බලවේග ආණ්ඩුවට හැකියාව ඇති බව එම පක්ෂ පාර්ලිමේන්තු මන්ත්‍රී සුදත් බලගල්ල මහතා පැවසුවේය.

තමන් විපක්ෂයේ සිටියදී ද රතු තරුව බලකාය සමඟ රටේ ආපදා තත්ත්වයන් කළමනාකරණය කිරීමට කටයුතු කර ඇති බවද හෙතෙම පැවසුවේය. 

සුනාමිය පැමිණි අවස්ථාවේදී ද ඒ බව හොඳින් දැකගත හැකි වූ බවත් ඔහු කියා සිටියි.

ඒ අනුව තම පක්‍ෂය සතු ස්වේච්ඡා බලකාය මෙම ආපදා තත්ත්වයෙන් රට මුදාගැනීම සඳහාද කටයුතු කරන බවත් ඒ මහතා පැවසුවේය.

අද පාර්ලිමේන්තුව අමතමින් ඒ මහතා මේ අදහස් පළ කළේය.