ප්රවීණ රංගවේදියෙකු වූ කලාසූරී සතිස්චන්ද්ර එදිරිසිංහ මහතා සිය දිවිසැරිය නිමා කර තිබේ.
පෞද්ගලික රෝහලක නේවාසිකව ප්රතිකාර ලබමින් සිටියදී ඒ මහතා අභාවප්රාප්ත වූ බව පවුලේ ආරංචි මාර්ග තහවුරු කරයි.
අභාවප්රාප්ත වන විට ඒ මහතා 84 වන වියේ පසු විය.
සිංහල සිනමාව, වේදිකාව සහ ටෙලිනාට්ය කලාව ප්රභාමත් කළ විශිෂ්ට කලාකරුවෙකු වූ කලාසූරී සතිස්චන්ද්ර එදිරිසිංහ මහතා දශක පහකට අධික කාලයක් ශ්රී ලාංකේය කලා ක්ෂේත්රයට අනුපමේය මෙහෙවරක් ඉටු කළ ප්රාඥයෙකි.
"මාතර ආච්චි" චිත්රපටය හරහා සිනමා අධ්යක්ෂණයට පිවිසි ඔහු, 'රාජගෙදර මාරුව', 'ශ්රී මදාරා' සහ 'සත්යග්රහණය' වැනි අර්ථපූර්ණ නිර්මාණ රැසක් ප්රේක්ෂකයා වෙත දායාද කළේය.
'මහගෙදර', 'බඹරු ඇවිත්' සහ 'මතු යම් දවසක' වැනි චිත්රපටවල ඔහු කළ රංගනයන් විචාරක පැසසුමට ලක් විය.
ටෙලිනාට්ය කලාවේ මුල් අවධියේ සිටම එහි උන්නතිය උදෙසා කටයුතු කළ ඔහු, 'මහමෙර' වැනි ටෙලිනාට්ය හරහාද 'හුණු වටයේ කථාව' වැනි වේදිකා නාට්ය හරහාද සිය ප්රතිභාව විදහා පෑවේය.
කලාවට කළ සේවය උදෙසා ඔහු "කලාසූරී" රාජ්ය සම්මානයෙන් පිදුම් ලැබූ අතර, ඔහු සිනමාකරුවෙකුට එහා ගිය සමාජ ක්රියාකාරිකයෙකු ලෙසද ප්රකට විය. විශේෂයෙන්ම බොදු සිනමාව සහ සදාචාරාත්මක කලාවක් උදෙසා ඔහු දැක්වූ කැපවීම අතිමහත්ය.
අජරාමර නිවන් සුව අත්වේවා!
ReplyDelete