2026 වර්ෂයේ වෙසක් පුන් පොහොය දිනය මැයි මස 30 වන දිනට නියම කරන ලෙසත්, ඒ අනුව එදින වෙසක් පුර පසළොස්වක පොහොය දිනය ලෙස ප්රකාශයට පත් කිරීමට පියවර ගන්නා ලෙසත් ත්රෛනිකායික මහානායක ස්වාමීන්ද්රයන් වහන්සේලා ජනාධිපති අනුර කුමාර දිසානායක මහතාගෙන් ඉල්ලා සිටිති.
ජනාධිපතිවරයා වෙත විශේෂ ලිපියක් යොමු කරමින් මහානායක හිමිවරුන් පෙන්වා දෙන්නේ දැනට රාජ්ය පරිපාලන අමාත්යාංශය මගින් ප්රකාශිත දින දර්ශනයන්හි 2026 මැයි මස 01 වන දින වෙසක් පොහොය ලෙස සටහන් කර ඇති බවයි. එහෙත් සම්බුදු තෙමඟුල සිහිපත් කෙරෙන වෙසක් පොහොය දිනය විසා නැකත හා බැඳී පැවතිය යුතු වුවද, මැයි 01 වන දිනට එම නැකත නොයෙදෙන බව උන්වහන්සේලා පෙන්වා දෙති.
චිරාගත ශාසන සම්ප්රදායට අනුව සිද්ධාර්ථ කුමාරෝත්පත්තිය, සම්බුද්ධත්වය සහ පරිනිර්වාණය යන තෙමඟුලම විසා නැකතින් සිදුව ඇති බැවින්, වෙසක් පොහොය විසා නැකත යෙදෙන පසළොස්වක දිනකම යෙදිය යුතුය.
මේ සම්බන්ධයෙන් නක්ෂත්ර ප්රවීණයන්ගේ ද අදහස් විමසා ඇති අතර, ඒ අනුව විසා නැකත යෙදෙන 2026 මැයි මස 30 වන දින වෙසක් පුර පසළොස්වක පොහොය ලෙස යොදා ගැනීම වඩාත් සුදුසු බවට තීරණය කර ඇත.
ඒ අනුව 2026 මැයි 30 වන දින වෙසක් පොහොය ලෙස ප්රකාශයට පත් කරන ලෙසත්, එදිනට අදාළව රාජ්ය උත්සව සහ ආගමික කර්තව්යයන් සංවිධානය කිරීමට නිලධාරීන්ට උපදෙස් ලබා දෙන ලෙසත් ජනාධිපතිවරයාගෙන් ඉල්ලා සිටිති.
මෙම දැනුම්දීම සඳහා අතිපූජ්ය තිබ්බටුවාවේ ශ්රී සිද්ධාර්ථ සුමංගල මහානායක හිමි (මල්වතු පාර්ශ්වය) , අතිපූජ්ය වරකාගොඩ ධම්මසිද්ධි ශ්රී පඤ්ඤානන්ද ඤාණරතන මහානායක හිමි (අස්ගිරි පාර්ශ්වය) , අතිපූජ්ය කරගොඩ උයන්ගොඩ මෛත්රී මූර්ති මහානායක හිමි (අමරපුර මහා නිකාය) සහ අතිපූජ්ය මකුලෑවේ ශ්රී විමල මහානායක හිමි (රාමඤ්ඤ මහා නිකාය) යන මහානායක ස්වාමීන්ද්රයන් වහන්සේලා සිය අත්සනින් යුතුව එකඟතාව පළ කර ඇත.
මෙම ලිපියේ පිටපත් බුද්ධ ශාසන, ආගමික හා සංස්කෘතික කටයුතු අමාත්යවරයා වෙත සහ රාජ්ය පරිපාලන, ස්වදේශ කටයුතු හා පළාත් පාලන අමාත්යවරයා වෙත ද අවශ්ය කටයුතු සඳහා යොමු කර තිබේ
නිරාගමික ජෙප්පො බුද්ධාගමට රිසිසේ පහර දෙනවා
ReplyDeleteඔය මොනවත් නෙමෙයි මැයි පලවෙනිදා දැන්මහම විපක්ෂයේ මැයි දින උත්සව හරහා ආණ්ඩුවට එල්ල වන ජනතා විරෝධය දියාරු කරන්න.ආණ්ඩුවට සෙනඟ නෑ.අනිත් පක්ෂ මැයි දින පෙළපාලි රැස්වීම් තියන්න හැදුවොත් මුන්ට පුළුවන් මෙන්න විපක්ෂය උන් පෝය දවසේ රැස්වීම් පෙළපාලි තියෙනවා කියලා ඒවා තහනම් කරන්න
ReplyDeleteමාහා නායක ස්වාමීන්වහන්සේලා දෙන විධාන මෙම ජනතාව රවට්ටලා ආපු ආණ්ඩුව අහන්නේ නෑ. ඔවුන් පිලිපදින්නේ පල්ලි දෙන අණ විතරයි.
ReplyDeleteආණ්ඩුව මොනවා කිව්වත් වෙසක් මැයි 30 නම් 30 සමරනවා.
ReplyDeletecommunist karayo danna Buddhagamak naha. Ape jaathiya saha aagama nathi karala daanna aapu haththak.
ReplyDeleteMeka waradi , May 1 nemey June 1 wenna ona
ReplyDeleteඅවසරයි නායක හාමුදුරුවනේ,මෙලෙස ප්රමාදවී ලිපි ඉදිරිපත් කිරීම ගැන කනගාටුයි.දැන් මේ වනවිට සියලු දින දර්ශනයන් වගේම අනෙකුත් සියලු දිනපොත් ලේඛණ සාදා අවසන් කර ඇති නේද?ඔබ වහන්සේලා මීට වඩා මනා අවබෝධයකින් වගකීමෙන් ඉදිරියේදී කටයුතු කිරීම අගය කරනවා.තෙරුවන් සරණයි!
ReplyDelete2025.05.27 නේද ගැසට් පත්රිකාව ප්රකාශයට පත් කළේ? දැන්ද පෝය තියෙන දිනේ ගැන විවාදය මතු වෙන්නේ?
ReplyDeleteදැක්ක ද ..මේකෙ වැරදි headline එක නිසා මෝඩ මිනිස්සු වැරදි අදහසක් ගන්න හැටි..
ReplyDeleteමේ හෙඩ් ලයින් එක හිතා මතාම ආණ්ඩු වට වැරද්ද යන ලෙස සකස් කර ඇත.
Delete