යුනෙස්කෝ සදහා වූ ශ්රී ලංකා ජාතික කොමිෂන් සභාවේ (SLNCU) මහලේකම් මහාචාර්ය ප්රභාත් ජයසිංහ මහතා විසින් අත්යවශ්ය සේවා කොමසාරිස් ජනරාල්වරයා වෙත ලිපියක් යොමු කරමින් නකල්ස් රක්ෂිතය හරහා යෝජිත විකල්ප මාර්ගය පිළිබඳව දැඩි අවධානය යොමු කර ඇත.
මෙම මාර්ගය මධ්යම කඳුකරයේ යුනෙස්කෝ ලෝක උරුම තත්ත්වයට ඇති විය හැකි බලපෑම් සම්බන්ධයෙන් එහිදී අවධාරණය කෙර තිබේ.
හුන්නස්ගිරිය-මීමුරේ මාර්ගයට හානි වීමෙන් පසු මීමුරේ ප්රදේශයට ප්රවේශය යථා තත්ත්වයට පත් කිරීම සඳහා තාවකාලික මාර්ගයක් ලෙස නකල්ස් රක්ෂිතය හරහා (තල්දෙණිය-තංගප්පුව සිට අත්තලවෙට්ටුව හරහා) පැරණි බොරළු මාර්ගය නැවත විවෘත කිරීමේ යෝජනාව සම්බන්ධයෙන් මෙම ලිපිය මගින් කරුණු දක්වයි.
අත්යවශ්ය ප්රවේශය සහතික කිරීමේ මානුෂීය අවශ්යතාව අවබෝධ කර ගනිමින් වුවද , මෙම මාර්ගය දීර්ඝ කාලීනව පරිසරයට ඇති කළ හැකි බරපතල බලපෑම් පිළිබඳව අවධානය යොමු කරන ලෙස SLNCU ඉල්ලා සිටී.
නකල්ස් සංරක්ෂණ වනාන්තරය යනු හෝර්ටන් තැන්න සහ ශ්රී පාදය සමඟ එක්ව යුනෙස්කෝව විසින් ලෝක උරුම අඩවියක් ලෙස ජාත්යන්තරව පිළිගෙන ඇති ශ්රී ලංකාවේ මධ්යම කඳුකරයේ අත්යවශ්ය කොටසකි.
පාරිසරික වශයෙන් සංවේදී මෙම කලාපය හරහා ඕනෑම ආකාරයක මාර්ග සංවර්ධනයක් හෝ නව වාහන ප්රවේශයක් එම ස්ථානයේ අඛණ්ඩතාවයට සහ ලෝක උරුමයක් ලෙස සටහන් කිරීමට හේතු වූ සුවිශේෂී විශ්වීය වටිනාකමට අහිතකර ලෙස බලපෑම් කළ හැකි බව මහලේකම්වරයා පෙන්වා දෙයි.
නවදිල්ලියේ යුනෙස්කෝ කලාපීය කාර්යාලය දැනටමත් ශ්රී ලංකා යුනෙස්කෝ ජාතික කොමිෂන් සභාව වෙත මේ සම්බන්ධයෙන් විමසීම් කර ඇති අතර, එය වර්ධනය වන ජාත්යන්තර අවධානයක් පෙන්නුම් කරයි.
මෙම උත්සුකයන් තීව්ර වුවහොත්, මධ්යම කඳුකරය අන්තරායකර ලැයිස්තුවට ඇතුළත් කිරීමේ හෝ ලෝක උරුම තත්ත්වයෙන් ඉවත් කිරීමේ (Delisting) බරපතල අවදානමකට ශ්රී ලංකාව මුහුණ දිය හැකි බව අවධාරණය කෙරේ.
විදේශීය සංවර්ධන හවුල්කරුවන්ගේ අවධානය යොමු වී ඇති මොහොතක, ගෝලීය වශයෙන් වැදගත් ස්ථාන ආරක්ෂා කිරීමේ දී ශ්රී ලංකාව සිය දීර්ඝකාලීන කැපවීම්වලට අනුකූලව ක්රියා කිරීම, පරිත්යාගශීලීන්ගේ විශ්වාසය පවත්වා ගැනීමට සහ ඉදිරි කාලය තුළ සුමට සහයෝගීතාවයකට පහසුකම් සැලසීමට උපකාරී වනු ඇත.
යුනෙස්කෝ ශ්රී ලංකා ජාතික කොමිෂන් සභාව විසින්, අත්යවශ්ය ප්රවේශය සඳහා යෝජිත මාර්ගය නැවත විවෘත කිරීම පිළිබඳව තීරණයක් ගැනීමට පෙර වන සංරක්ෂණ දෙපාර්තමේන්තුව , වනජීවී සංරක්ෂණ දෙපාර්තමේන්තුව , යුනෙස්කෝ නියෝජිතයින් සහ අනෙකුත් අදාළ බලධාරීන් සමඟ සාකච්ඡා කර එකඟතාවයකට පැමිණීම, පීඩාවට පත් ප්රජාවන්ගේ අත්යවශ්ය අවශ්යතා සහ ශ්රී ලංකාවේ දීර්ඝකාලීන උරුම වගකීම් යන දෙකම සමබරව සහ අන්යෝන්ය වශයෙන් ශක්තිමත් වන ආකාරයකින් සලකා බැලිය යුතු බවට යෝජනා කරයි.
මෙම ලිපියේ පිටපත් ජනාධිපති ලේකම් , අග්රාමාත්ය ලේකම් , පරිසර අමාත්යාංශයේ ලේකම් ඇතුළු අදාළ අමාත්යාංශ ලේකම්වරුන් , මාතලේ දිස්ත්රික් ලේකම්වරුන් , සහ වන සංරක්ෂණ/වනජීවී දෙපාර්තමේන්තුවල ප්රධානීන් වෙත යොමු කර ඇත.
දැන් ලාල්කාන්ත UNESCO එකට තග දායිද?
ReplyDeleteලලාට ඕන ඕන විදිහට වැඩ කරන්න මේක කැලා නීතිය තියන රටක්ද ?
ReplyDeleteශ්රී ලංකාවේ ජාතික උරුම වනාන්තර පනත වැනි නිශ්චිත පනත්, මෙම ප්රදේශ තුළ වන විනාශය සහ ඉදිකිරීම් තහනම් කරයි.
ReplyDeleteලෝක උරුම අඩවි යනු සංස්කෘතික, ඓතිහාසික හෝ විද්යාත්මක වැදගත්කමක් ඇති බවට යුනෙස්කෝව විසින් පරිපාලනය කරන ලද ජාත්යන්තර ගිවිසුමක් යටතේ නීතිමය ආරක්ෂාවක් ඇති සන්ධිස්ථාන සහ ප්රදේශ වේ. මෙම ස්ථාන "මනුෂ්යත්වයට කැපී පෙනෙන වටිනාකමක් ඇති බවට සැලකෙන ලොව පුරා සංස්කෘතික හා ස්වාභාවික උරුමයන්" අඩංගු බවට විනිශ්චය කරනු ලැබේ.
ReplyDeleteත්රස්තයොන්ට මොන ලෝක උරුමය?
ReplyDelete'SIRASA' doobila /Deewani koheda den inne.?
ReplyDelete