මහනුවර දිස්ත්රික් ලේකම් කාර්යාලයේ ඊමේල් ලිපිනයට (26) වන දින ඊ මේල් පණිවිඩයක් මගින් මහනුවර දිස්ත්රික් ලේකම් කාර්යාලයේ ස්ථාන 05 ක බෝම්බ සඟවා ඇති බවට ලද පණිවිඩයක් සම්බන්ධයෙන් මහනුවර කොට්ඨාස භාර ජ්යෙෂ්ඨ පොලිස් අධිකාරීවරයාට කරන ලද දැනුම් දීමක් මත මහනුවර පොලිස් ස්ථානයේ නිලධාරීන්, පොලිස් නිල සුනඛ කොට්ඨාසය, පොලිස් විශේෂ කාර්ය බලකා බෝම්බ නිෂ්ක්රීය අංශය සහ යුද හමුදා බෝම්බ නිෂ්ක්රීය අංශයේ නිලධාරීන් කැඳවා සෝදිසි මෙහෙයුමක් දියත් කරන ලදී.
මෙම සෝදිසි මෙහෙයුම් කටයුතු 2025.12.26 වන දින උදෑසන සිට සවස් කාලය වන තුරු ක්රියාත්මක කල අතර එහිදී සැකකටයුතු කිසිදු පුපුරන ද්රව්යයක් හමුවී නොමැත.
මෙම තොරතුර යම්කිසි මහජන කැළඹීමක් ඇති කිරීමට ගත් උත්සහයක් බවට පොලිසිය සැක කරනු ලබන අතර මෙම තොරතුර සම්බන්ධව පරිඝණක අපරාධ විමර්ශන අංශය මගින් වැඩිදුර විමර්ශන සිදු කරනු ඇත.
