ලක්‍ෂ අටේ ගල් රෝල මං ගියාම හයහමාරයි කිවුවා.. සල්ලි දීල ගේන්න යැවුවා..- කඩුවෙල ක්‍ෂණික ප‍්‍රසම්පාදන

 

කඩුවෙල මහ නගර සභාවේ කටයුතු සඳහා ගල් රෝල් තුනක් මිලදී ගැනීමේදී රුපියල් ලක්ෂ අටක් ලෙස ප්‍රකාශ වූ මිල තමන් සහ තම මන්ත්‍රීවරුන් දුටු සැණින් රුපියල් ලක්ෂ හය දක්වා අඩු වූ බව නගරාධිපති රන්ජන් ජයලාල් මහතා පවසයි.

බොහෝ පිරිසකට අතීතය අමතක වී ඇති බවත්, වර්තමානයේ පවතින වගකීම්වලට මුහුණ දීමට තම කණ්ඩායමට සිදුව ඇති බවත් ඒ මහතා සඳහන් කළේය. 

නගර සභාව සඳහා ගල් රෝල් තුනක් මිලදී ගැනීමට තීරණය කළ අවස්ථාවේදී එහි මුල් මිල ලෙස ලක්ෂ අටක් ප්‍රකාශ වුවද, නගරාධිපතිවරයා ලෙස තමන් දුටු විට එය ලක්ෂ හයහමාර දක්වා අඩු කිරීමට අදාළ පාර්ශවයන් එකඟ වූ බව ඔහු පෙන්වා දෙයි.

එමෙන්ම, සමන්ත නම් මන්ත්‍රීවරයා දුටු විට එම මිල තවත් රුපියල් පනස් දහසකින් අඩු වී ලක්ෂ හය දක්වා පහත වැටුණු බව රන්ජන් ජයලාල් මහතා වැඩිදුරටත් අනාවරණය කළේය. 

 මෙම තත්ත්වය පැහැදිලි කරමින් ඔහු ප්‍රකාශ කළේ, මෙම වෙනස පිළිබඳව සියලු දෙනා අවධානය යොමු කළ යුතු බවයි