විස්සයි20 ලෝක කුසලාන ක්රිකට් තරඟාවලියේ වඩාත්ම අවධානයට ලක්වන ඉන්දියාව සහ පාකිස්ථානය අතර තරඟය එළඹෙන පෙබරවාරි 15 වන ඉරිදා කොළඹ ආර්. ප්රේමදාස ජාත්යන්තර ක්රීඩාංගණයේදී පැවැත්වීමට නියමිතය.
මෙම තීරණාත්මක තරඟය නැරඹීම සඳහා පවතින දැඩි උනන්දුව හමුවේ, මේ වන විට ප්රවේශපත්රයක මිල රුපියල් 100,000 දක්වා ඉහළ ගොස් ඇති බව වාර්තා වේ.
දකුණු ආසියානු කලාපය පුරා පවතින දැඩි ඉල්ලුම සහ සීමිත ප්රවේශපත්ර සංඛ්යාව හේතුවෙන් මෙලෙස කළු කඩයේ මිල ගණන් සීඝ්රයෙන් ඉහළ ගොස් ඇත.
පූර්ව ලියාපදිංචි වූවන් සඳහා ප්රවේශපත්ර නිකුත් කර අවසන් බවට කටකතා පැතිර යන අතර, අන්තර්ජාලය හරහා ප්රවේශපත්ර නිකුත් කිරීම සම්බන්ධයෙන් ජාත්යන්තර ක්රිකට් කවුන්සිලය (ICC) මෙතෙක් නිශ්චිත ප්රකාශයක් සිදු කර නොමැත.
තරඟය නැරඹීම සඳහා ඉන්දියාවේ සිට පැමිණෙන ප්රේක්ෂකයින් සංඛ්යාව ඉහළ යාමත් සමඟ මුම්බායි සහ කොළඹ අතර ගුවන් ගාස්තු ද විශාල ලෙස ඉහළ ගොස් ඇත.
ඉන්දීය මාධ්ය වාර්තාවලට අනුව, ඉන්දු-පාකිස්ථාන තරඟය තහවුරු වීමත් සමඟ මිනිත්තු කිහිපයක් ඇතුළත ගුවන් ගාස්තු රුපියල් 10,000කින් පමණ ඉහළ ගොස් තිබේ.
මේ වන විට මුම්බායි-කොළඹ දෙපස ගමන් ගාස්තුව රුපියල් 60,000 ඉක්මවා ඇති අතර, චන්දිගාර් සහ දිල්ලි සිට පැමිණෙන ගුවන් ගමන් සඳහා ද දැඩි ඉල්ලුමක් පවතී.
මොළයක් රටේ ජනාධිපති උනාම පේනවා නේද? රටට අවස්ථා උදා කරලා දෙනව ලෝකෙ ඉස්සරහ බැබලෙන්න.
ReplyDeleteඉස්සරත් අපි බැබලුණා, උගන්ඩාවේ, අයිස්ලන්තෙ සහ පාතාලෙ. 🤣
ඩෝබි නේද? 😄
ReplyDelete