දකුණු කොරියාවේ ස්ථාපිත කර ඇති අමෙරිකානු ගුවන් ආරක්ෂක පද්ධති මැදපෙරදිග කලාපය වෙත යළි යෙදවීමට අමෙරිකා එක්සත් ජනපදය ගෙන ඇති තීරණයට දකුණු කොරියානු රජය සිය විරෝධය පළ කර තිබේ.
දකුණු කොරියානු ජනාධිපති ලී ජේ-මියුන්ග් පවසා ඇත්තේ, දකුණු කොරියාවේ සිටින අමෙරිකානු හමුදාවන්ට (USFK) ඔවුන්ගේ හමුදා අවශ්යතා අනුව ඇතැම් ගුවන් ආරක්ෂක පද්ධති විදේශගත කිරීමට හැකියාව පවතින බවයි. "අපි අපේ විරෝධය ප්රකාශ කර ඇති නමුත්, සැබෑ තත්ත්වය නම් අපගේ ස්ථාවරය සම්පූර්ණයෙන්ම ක්රියාත්මක කිරීමට අපට නොහැකි වීමයි" යනුවෙන් ජනාධිපතිවරයා අමාත්ය මණ්ඩලය හමුවේ ප්රකාශ කර ඇත.
ඉරානය එල්ල කරන ඩ්රෝන සහ මිසයිල ප්රහාර හමුවේ මැදපෙරදිග කලාපයේ ආරක්ෂක පද්ධති සඳහා අවශ්ය මිසයිල නාශක ප්රමාණය අවම වෙමින් පවතින බව වාර්තා වේ. මේ හේතුවෙන් දකුණු කොරියාවේ ඇති 'පේට්රියට්' මිසයිල පද්ධති මැදපෙරදිගට රැගෙන යාමට වොෂින්ටනය සහ සෝල් පාලනය අතර සාකච්ඡා පවතින බව දකුණු කොරියානු විදේශ අමාත්ය චෝ හ්යුන්තහවුරු කර තිබේ.
මෑතකදී දකුණු කොරියාවේ ඔසාන් ගුවන් කඳවුරේ අමෙරිකානු යුද ප්රවාහන ගුවන් යානා කිහිපයක් දක්නට ලැබීමෙන් මෙම පද්ධති රැගෙන යාමේ සූදානම තවදුරටත් තහවුරු වන බව මාධ්ය වාර්තා පෙන්වා දෙයි.
උතුරු කොරියාව සමඟ පවතින දැඩි නොසන්සුන්තා හමුවේ මෙම පද්ධති ඉවත් කිරීම පිළිබඳව දකුණු කොරියාව තුළ යම් කනස්සල්ලක් මතු වී ඇත. කෙසේ වෙතත්, ජනාධිපති ලී පවසන්නේ මෙම පද්ධති ඉවත් කළද උතුරු කොරියාවට එරෙහිව පවතින ආරක්ෂක ශක්තියට ඉන් දැඩි බලපෑමක් සිදු නොවන බවයි.
ආරක්ෂක විශ්ලේෂකයින් පෙන්වා දෙන්නේ දකුණු කොරියාව සතු 'චොන්ගුන්ග්' වැනි දේශීය මිසයිල ආරක්ෂක පද්ධති පැවතුණද, අමෙරිකානු පේට්රියට් පද්ධතිය තවමත් ඔවුන්ගේ ආරක්ෂක ව්යුහයේ ප්රධාන අංගයක් වන බවයි. මෙම පියවර හරහා අමෙරිකා එක්සත් ජනපදය සිය ආසියානු මිත්ර රටවලට වඩා මැදපෙරදිග අවශ්යතාවලට ප්රමුඛත්වය ලබා දෙන බවට වැරදි වැටහීමක් ඇති විය හැකි බවට ද ඇතැම් විශේෂඥයෝ අනතුරු අඟවති
