ඊශ්රායලය සහ ඉරානය අතර පවතින යුදමය වාතාවරණය හේතුවෙන් ලෝක වෙළඳපොළේ තෙල් මිල ඉහළ යමින් පවතින පසුබිමක, පකිස්ථාන රජය එරට පෙට්රල් මිල ලීටරයකට රුපියල් 80 කින් අඩු කිරීමට පියවර ගෙන ඇත.
මෙම මිල සංශෝධනයත් සමඟ පකිස්ථානයේ පෙට්රල් ලීටරයක නව මිල රුපියල් 378 ක් දක්වා අඩු වනු ඇත.
පසුගිය සිකුරාදා රාත්රියේ ජාතිය අමතමින් අග්රාමාත්ය ෂෙහ්බාස් ෂරීෆ් මහතා ප්රකාශ කළේ, රජය විසින් පනවනු ලබන ඉන්ධන බදු අඩු කිරීම හරහා ජනතාවට මෙම සහනය ලබා දෙන බවයි.
මෙම නව මිල අඩු කිරීම අවම වශයෙන් ඉදිරි මාසයක කාලයක් සඳහා බලාත්මක වන බවද ඔහු වැඩිදුරටත් සඳහන් කළේය.
පසුගිය දිනවල පකිස්ථාන රජය විසින් ඉන්ධන මිල 42.7% කින් ඉහළ දැමීමට ගත් තීරණයත් සමඟ එරට පෙට්රල් මිල රුපියල් 485 දක්වා ඉහළ ගිය අතර, මෙයට එරෙහිව ජනතාව වීදි බැස විරෝධතාවල නිරත විය.
ඉන්ධන පිරවුම්හල් අසල දැවැන්ත පෝලිම් නිර්මාණය වීම හේතුවෙන් ඇති වූ මහජන පීඩනය සමනය කිරීම සඳහා රජය මෙම මිල අඩු කිරීමේ තීරණය ගෙන ඇත.
කෙසේ වෙතත්, ඩීසල් මිලෙහි කිසිදු සංශෝධනයක් සිදු කර නොමැති අතර එය රුපියල් 520 ක මට්ටමේම පවතී.
ජනතාවට සහන සැලසීම සඳහා ඉස්ලාමාබාද් අගනුවර රජය සතු පොදු ප්රවාහන සේවා ඉදිරි දින 30 පුරා ජනතාවට නොමිලේ ලබා දීමට අභ්යන්තර කටයුතු අමාත්ය මොහ්සින් නක්වි මහතා තීරණය කර ඇත.
පන්ජාබ් ප්රාන්ත රජය පොදු ප්රවාහන ගාස්තු ඉවත් කර ඇති අතර බස් රථ සහ ට්රක් රථ සඳහා ඉලක්කගත සහනාධාර ලබා දීමට පියවර ගෙන ඇත. සින්ධ් සහ කරච්චි බලධාරීන් යතුරුපැදි කරුවන් සහ කුඩා ගොවීන් සඳහා විශේෂ සහනාධාර හඳුන්වා දී ඇත.
ඉන්ධන ඉතිරි කර ගැනීම සඳහා රජයේ කාර්යාල සඳහා දින හතරක වැඩ සතියක් හඳුන්වා දීමටත්, පාසල් නිවාඩු දීර්ඝ කර සමහර පන්ති මාර්ගගත ක්රමයට පැවැත්වීමටත් බලධාරීන් තීරණය කර ඇත.
මැදපෙරදිග අර්බුදය හේතුවෙන් හෝර්මුස් සමුද්ර සන්ධිය හරහා සිදුවන බලශක්ති ප්රවාහනයට බාධා එල්ල වීම නිසා ආසියාවේ රටවල් කිහිපයක්ම බලශක්ති අර්බුදයකට මුහුණ දී සිටී. පකිස්ථානය වැනි දුර්වල ආර්ථිකයන් සහිත රටවල් ඉහළ යන බලශක්ති මිල සහ සැපයුම් දාම බිඳ වැටීම හේතුවෙන් දැඩි අවදානමකට ලක්ව ඇති බව ජාත්යන්තර මූල්ය අරමුදල අනතුරු අඟවා ඇත.
අනේ අපිට කාන්චනගෙ සාක්කුවට යන ගානවත් අඩුකර ගන්න බෑනෙ....
ReplyDeleteeka dan aane pelawattata
Deleteapi me dawaswala salaka balanawa