යෝෂිතට තවත් ලෙඩක්.. අල්ලසෙන් කැදවයි.. නාවික හමුදා කාලයේ චෝදනාවක්..

 හිටපු ජනාධිපති මහින්ද රාජපක්ෂ මහතාගේ පුත්‍ යෝෂිත රාජපක්ෂ මහතාට ඉදිරි 16 වැනිදා අල්ලස් හෝ දූෂණ විමර්ශන කොමිෂන් සභාව හමුවේ පෙනී සිටින ලෙස දන්වා තිබේ.

මෙම කැඳවීම සිදුකර ඇත්තේ ඔහුට එරෙහිව ක්‍රියාත්මක වන සිදු කරමින් ඇති පරීක්ෂණයකට අදාළව ප්‍රකාශයක් සටහන් කරගැනීම සඳහාය.

යෝෂිත රාජපක්ෂ මහතා ශ්‍රී ලංකා නාවික හමුදාවට බැඳීමෙන් අනතුරුව, වැඩිදුර උපෙදස් සහ පුහුණුව ලැබීම සඳහා බ්‍රිතාන්‍යය බලා පිටත්ව ගොස් තිබේ.

එලෙස විදේශගතව උසස් පුහුණුවක් ලැබීම මෙරට පවතින නීතිරීතිවලට පටහැනිව සිදුවූවක් බවට එල්ල වී ඇති පැමිණිල්ලක් මත මෙම විමර්ශන ක්‍රියාත්මක වේ.

මහින්ද රාජපක්ෂ මහතා මෙරට ජනාධිපති ධුරය හෙබවූ වකවානුවේ, එනම් එල්.ටී.ටී.ඊ. ත්‍රස්තවාදයට එරෙහිව යුද්ධය පැවැති සමයේදී යෝෂිත රාජපක්ෂ මහතා උප ලුතිනන්වරයෙකු ලෙස නාවික හමුදා සේවයට එක්විය.

මෙලෙස උප ලුතිනන්වරයෙකු වශයෙන් මූලික හමුදා පුහුණුව නිම කිරීමෙන් පසුව, ඔහු බ්‍රිතාන්‍ය රජය වෙතින් උසස් නාවික පුහුණුවක් ලබාගෙන ඇත.