2026 පළමු මාස හත තුළ ශ්‍රී ලංකාවේ අපනයන ඇමරිකානු ඩොලර් බිලියන 10 ඉක්මවයි...

 ශ්‍රී ලංකාවේ අපනයන ක්ෂේත්‍රය 2026 වසරේදී ද සිය ධනාත්මක වර්ධනය අඛණ්ඩව පවත්වාගෙන ගිය අතර, වසරේ පළමු මාස හත තුළ සමස්ත අපනයන ආදායම ඇමරිකානු ඩොලර් බිලියන 10 සන්ධිස්ථානය පසුකර යාමට සමත් විය. 2026 ජනවාරි-ජූලි කාලසීමාව තුළ ඇස්තමේන්තුගත භාණ්ඩ හා සේවා අපනයන ආදායම ඇමරිකානු ඩොලර් මිලියන 10,487.80 ක් දක්වා ළඟා වී ඇති අතර, එය 2025 වසරේ අදාළ කාලසීමාවට සාපේක්ෂව 5.5% ක වර්ධනයකි.

සමස්ත අපනයන ඉපැයීම් සඳහා ප්‍රධානතම දායකත්වය භාණ්ඩ අපනයන අංශයෙන් හිමි වූ අතර, 2026 ජනවාරි-ජූලි කාලය තුළ ඉන් ලැබුණු ආදායම ඇමරිකානු ඩොලර් මිලියන 8,188.32 ක් විය. මෙය පෙර වසරේ අනුරූප කාලසීමාවට සාපේක්ෂව 5.05% ක වැඩිවීමක් වන අතර, එමඟින් ගෝලීය වෙළෙඳපොළ තත්ත්වයන් වෙනස් වෙමින් පවතින පසුබිමක වුවද ශ්‍රී ලංකාවේ භාණ්ඩ අපනයන ක්ෂේත්‍රයේ පවතින අඛණ්ඩ ශක්තිමත්භාවය පිළිඹිබු වේ.

මේ අතර, සේවා අපනයන අංශය ද අඛණ්ඩව ප්‍රබල වර්ධනයක් පෙන්නුම් කළ අතර, 2026 වසරේ පළමු මාස හත තුළ එය ඇස්තමේන්තුගත ඇමරිකානු ඩොලර් මිලියන 2,299.48 ක් දක්වා ළඟා විය. මෙය පෙර වසරට සාපේක්ෂව 7.02% ක වර්ධනයක් වන අතර, එමඟින් ශ්‍රී ලංකාවේ සමස්ත අපනයන ආදායම සඳහා සේවා අංශයෙන් ලැබෙන දායකත්වය තවදුරටත් ශක්තිමත් කර ඇත.

ශ්‍රී ලංකා රේගුව විසින් නිකුත් කරන ලද තාවකාලික දත්ත සහ මැණික් හා ස්වර්ණාභරණ මෙන්ම ඛනිජ තෙල් නිෂ්පාදන සඳහා ඇස්තමේන්තුගත අපනයන අගයන්ට අනුව, 2026 ජූලි මාසයේදී ශ්‍රී ලංකාවේ භාණ්ඩ අපනයන ආදායම ඇමරිකානු ඩොලර් මිලියන 1,285.31 ක් වූ අතර, එය 2025 ජූලි මාසයට සාපේක්ෂව 1.3% ක සුළු අඩුවීමකි.

මේ අතර, සේවා අපනයන අංශය සිය ධනාත්මක වර්ධන වේගය අඛණ්ඩව ඉදිරියට ගෙන යමින්, 2026 ජූලි මාසයේදී ඇස්තමේන්තුගත ඇමරිකානු ඩොලර් මිලියන 351.92 ක ආදායමක් උපයා ඇති අතර, එය පෙර වසරේ ජූලි මාසයට සාපේක්ෂව 3.75% ක වර්ධනයකි.

ඒ අනුව, භාණ්ඩ හා සේවා යන අංශ දෙකම ඇතුළත් ශ්‍රී ලංකාවේ සමස්ත අපනයන ආදායම 2026 ජූලි මාසයේදී (ඇස්තමේන්තුගත) ඇමරිකානු ඩොලර් මිලියන 1,637.26 ක් දක්වා ළඟා වූ අතර, එය 2025 ජූලි මාසයට සාපේක්ෂව 2.63% ක වර්ධනයකි.

2026 ජූලි මාසයේ අපනයන ක්‍රියාකාරීත්වය පිළිබඳව අදහස් දක්වමින් ශ්‍රී ලංකා අපනයන සංවර්ධන මණ්ඩලයේ (EDB) සභාපති සහ ප්‍රධාන විධායක නිලධාරී මංගල විජේසිංහ මහතා ප්‍රකාශ කළේ, “2026 වසරේ පළමු මාස හත ඇතුළත සමස්ත අපනයන ආදායමෙන් ඇමරිකානු ඩොලර් බිලියන 10 සීමාව පසුකර යාම ශ්‍රී ලංකාව ලැබූ සුවිශේෂී ජයග්‍රහණයක් වන අතර එය අපගේ අපනයන ප්‍රජාවේ ඔරොත්තු දීමේ හැකියාව සහ අධිෂ්ඨානය මනාව පිළිඹිබු කිරීමක්" බවයි. "ගෝලීය වෙළෙඳ පරිසරය තුළ පවතින අවිනිශ්චිතතාවන් මධ්‍යයේ වුවද, ශ්‍රී ලාංකික අපනයනකරුවන් අඛණ්ඩව නව අවස්ථා හඳුනා ගනිමින්, වෙනස් වන වෙළෙඳපොළ තත්ත්වයන්ට හැඩගැසෙමින් ජාත්‍යන්තර වෙළෙඳපොළ තුළ සාර්ථකව තරඟ වදින බව මෙම දක්ෂතාවයෙන් තහවුරු වන" බව ද ඔහු සඳහන් කළේය.

"අපගේ වත්මන් ප්‍රමුඛතාවය විය යුත්තේ පවතින අපනයන අංශවල තරඟකාරීත්වය ශක්තිමත් කරන අතරම, නව නිෂ්පාදන, සේවා සහ වෙළෙඳපොළවල් සංවර්ධනය කිරීම වේගවත් කරමින් මෙම වර්ධන වේගය තවදුරටත් ඉදිරියට ගෙනයාම" බව ද විජේසිංහ මහතා පෙන්වා දුන්නේය. තවද, තිරසාර අපනයන වර්ධනයක් ළඟා කර ගැනීම සඳහා ඉහළ අගය එකතු කිරීම් සිදු කිරීම, නවෝත්පාදනය, තාක්ෂණය වැළඳගැනීම, වෙළෙඳපොළ විවිධාංගීකරණය සහ ගෝලීය අගය දාමයන් සමඟ ඒකාබද්ධ වීම අත්‍යවශ්‍ය වන බව ද ඔහු අවධාරණය කළේය. "ව්‍යාපාර ජාත්‍යන්තරව ව්‍යාප්ත කිරීම සඳහා හිතකර පරිසරයක් නිර්මාණය කිරීමට සහ වඩාත් විවිධාංගීකරණය වූ, තරඟකාරී මෙන්ම ඔරොත්තු දීමේ හැකියාවෙන් යුත් අපනයන මුහුණුවරක් ගත් ආර්ථිකයක් බවට පත්වීමේ ශ්‍රී ලංකාවේ අභිලාෂයට සහාය වීම සඳහා අපනයන සංවර්ධන මණ්ඩලය අපනයනකරුවන්, කර්මාන්ත සංගම් සහ රජයේ පාර්ශවකරුවන් සමඟ අඛණ්ඩව සමීපව කටයුතු කරන" බව ද ඔහු වැඩිදුරටත් කියා සිටියේය.

---

Sri Lanka's Export Sector Achieves Robust Growth in 2026

Sri Lanka's export sector recorded a remarkable performance in 2026, maintaining a positive growth trajectory throughout the year. Between January and July, total export revenues surged past the significant milestone of USD 10 billion, reaching an estimated USD 10,487.80 million. This figure marks a notable increase of 5.5% compared to the same period in 2025.

The primary driver of this growth came from the goods export sector, which generated an income of USD 8,188.32 million during the January to July period. This represents a 5.05% rise from the corresponding timeframe of the previous year, reflecting the sector’s resilience amidst shifting global market conditions.

In addition to goods, the services export sector showcased consistent growth, achieving an estimated income of USD 2,299.48 million in the first seven months of 2026. This is a significant increase of 7.02% compared to the previous year, further solidifying the contribution of services to Sri Lanka's overall export earnings.

According to preliminary data from the Sri Lankan Customs, the goods export revenue in July 2026 was estimated at USD 1,285.31 million, which shows a slight decline of 1.3% from July 2025. Meanwhile, the services sector continued its positive growth momentum, generating an estimated USD 351.92 million in July 2026, a robust rise of 3.75% from the previous year.

Overall, Sri Lanka's total export income, including both goods and services, reached an estimated USD 1,637.26 million in July 2026, reflecting a growth of 2.63% compared to July 2025.

Commenting on the export activities during July 2026, Mangala Wijesinghe, Chairman and CEO of the Sri Lanka Export Development Board (EDB), highlighted the achievement of surpassing the USD 10 billion threshold in total export earnings as a significant victory for the nation. He emphasized that this milestone is a testament to the potential and capabilities of the export community in Sri Lanka, noting, "Despite uncertainties in the global trade environment, Sri Lankan exporters are consistently recognizing new opportunities and adapting to changing market conditions to compete successfully in international markets."

Wijesinghe further pointed out that the current priority should be to enhance the competitiveness of existing export sectors while accelerating the development of new products, services, and markets to sustain this growth trajectory. He stressed the necessity for value addition, innovation, technology adoption, market diversification, and integration with global value chains to achieve sustainable export growth. “The EDB is committed to working closely with exporters, industry associations, and government stakeholders to support Sri Lanka’s aspiration to transform into a competitive and multifaceted export-oriented economy,” he added.

*Note: In case of any discrepancy between the Sinhala and English versions, the Sinhala version shall prevail.