සිර දඬුවම ක‍්‍රියාත්මක නොකරන්න හේතු ඇත්නම් කියන්නැයි ඥාණසාර හිමිට අධිකරණයෙන් නියෝගයක්..

 ඉස්ලාම් දහමට අපහාස කිරීම සම්බන්ධයෙන් වරදකරු කරමින් නියම කරන ලද සිරදඬුවම ක්‍රියාත්මක නොකිරීමට කිසියම් හේතුවක් ඇත්නම් ලබන මස 01 වැනිදා අධිකරණය හමුවේ කරුණු දක්වන ලෙස කොළඹ අතිරේක මහේස්ත්‍රාත් ළහිරු සිල්වා මහතා බොදුබල සේනා සංවිධානයේ මහලේකම් පූජ්‍ය ගලගොඩඅත්තේ ඥානසාර හිමියන්ට ඊයේ (24) නියෝග කළේය.

අදාළ පැමිණිල්ල අධිකරණය හමුවේ කැඳවූ අවස්ථාවේදී විත්තිකාර ඥානසාර හිමියන් අධිකරණයේ පෙනී නොසිටි අතර, උන්වහන්සේ අසනීප තත්ත්වයෙන් පසුවීම ඊට හේතුව බව පෙනී සිටි ජනාධිපති නීතිඥවරයා අධිකරණය හමුවේ සඳහන් කළේය.

ඥානසාර හිමියන් වෙනුවෙන් කරුණු දැක්වූ ජනාධිපති නීතිඥ අනුර මැද්දෙගොඩ මහතා අධිකරණයට පෙන්වා දුන්නේ, මහේස්ත්‍රාත් අධිකරණය ලබාදුන් තීන්දුවට එරෙහිව මහාධිකරණය වෙත ඉදිරිපත් කළ ප්‍රතිශෝධන අයැදුම්පත ප්‍රතික්ෂේප වීමෙන් අනතුරුව ඒ සම්බන්ධයෙන් මේ වන විට ශ්‍රේෂ්ඨාධිකරණය හමුවේ අභියාචනයක් ගොනු කර ඇති බවයි.

එම අභියාචනය සලකා බලා අවසන් වන තෙක් මෙම සිරදඬුවම ක්‍රියාත්මක කිරීම අත්හිටුවන ලෙස ජනාධිපති නීතිඥවරයා මෙහිදී ඉල්ලා සිටියේය.

කෙසේ වෙතත්, ඉදිරිපත් වූ කරුණු සලකා බැලූ අතිරේක මහේස්ත්‍රාත්වරයා නියෝග කළේ අදාළ කරුණු විත්තිකරු අධිකරණය හමුවේ පෙනී සිටීමෙන් අනතුරුව ඉදිරිපත් කරන ලෙසයි. ඒ අනුව සිරදඬුවම ක්‍රියාත්මක නොකිරීමට හේතු දක්වන්නේ නම් ලබන 01 වැනිදා කරුණු ඉදිරිපත් කරන ලෙස නියෝග කෙරිණි.

පසුගිය 2016 වසරේ ජූලි මස 16 වනදා කිරුළපන ප්‍රදේශයේ පැවති ප්‍රවෘත්ති සාකච්ඡාවකදී ජාතීන් අතර සංහිඳියාව උල්ලංඝනය වන ආකාරයෙන් කටයුතු කළ බවට චෝදනා කරමින් දණ්ඩ නීති සංග්‍රහයේ 291 වගන්තිය යටතේ පොලිසිය විසින් ඥානසාර හිමියන්ට එරෙහිව මෙම නඩුව පවරා තිබුණි.

දීර්ඝ නඩු විභාගයකින් අනතුරුව 2025 ජනවාරි 09 වන දින තීන්දුවක් ප්‍රකාශයට පත් කළ මහේස්ත්‍රාත් අධිකරණය ඥානසාර හිමියන්ට මෙම සිරදඬුවම නියම කර තිබිණි.

---

Colombo Court Orders Gnanасара Thera to Explain Non-Implementation of Jail Sentence

In a significant development, Colombo's Additional Magistrate Lahiru Silva has directed the Secretary of the Bodu Bala Sena organization, Ven. Galagodaaththe Gnanasara Thera, to appear in court on January 1 to provide reasons why a custodial sentence related to derogatory remarks against Islam should not be enforced.

During the court proceedings, it was noted that Gnanasara Thera was absent due to health issues, as pointed out by the President's Counsel representing him. The lawyer revealed that following the rejection of an appeal to the Supreme Court against a decision made by the Magistrate's Court, a petition has now been filed for consideration in the Supreme Court.

The President's Counsel urged the court to temporarily suspend the enforcement of the custodial sentence until the appeal is resolved. However, the Additional Magistrate ordered that Gnanasara Thera must present himself in court to provide further details on his absence and the reasons for not implementing the sentence.

In 2016, Gnanasara Thera faced charges under section 291 of the Penal Code for allegedly inciting communal discord during a media briefing in the Kirulapone area. Following a prolonged trial, the Magistrate's Court imposed the custodial sentence on January 9, 2025, after finding him guilty of the charges.

*Note: In case of any discrepancy between the Sinhala and English versions, the Sinhala version shall prevail.