හිටපු ජනාධිපති මහින්ද රාජපක්ෂ මහතා මේ වන විට විටින් විට හටගන්නා අධි රුධිර පීඩනය සහ දැඩි විශාද තත්ත්වයෙන් පෙළෙමින් රෝහල්ගතව ප්‍රතිකාර ලබන බවත්, ඔහුගේ බිරිඳ වන ශිරන්ති රාජපක්ෂ මහත්මිය ජීවිත අවදානමක් සහිත විවෘත හදවත් සැත්කමකට භාජනය වීමට නියමිතව ඇති බවත් පාර්ලිමේන්තු මන්ත්‍රී නාමල් රාජපක්ෂ මහතා වෙනුවෙන් පෙනී සිටි ජනාධිපති නීතිඥ අලි සබ්රි මහතා කොළඹ ප්‍රධාන මහෙස්ත්‍රාත් අධිකරණය හමුවේ කරුණු දක්වමින් (27) අනාවරණය කළේය.
ක්‍රිෂ් සමාගම් ගනුදෙනුවෙන් රුපියල් මිලියන 70ක මුදලක් අල්ලස් වශයෙන් ලබාගැනීමේ සිද්ධියට අදාළ නඩුව කොළඹ ප්‍රධාන මහෙස්ත්‍රාත් අසංග එස්. බෝදරගම මහතා හමුවේ කැඳවූ අවස්ථාවේදී, නාමල් රාජපක්ෂ මහතාට විශේෂ කරුණු මත ඇප ලබා දෙන ලෙස ඉල්ලා මෝසමක් ඉදිරිපත් කරමින් ජනාධිපති නීතිඥවරයා මේ බව සඳහන් කළේය.
අධිකරණය හමුවේ කරුණු දැක්වූ ජනාධිපති නීතිඥ අලි සබ්රි මහතා පෙන්වා දුන්නේ, නාමල් රාජපක්ෂ මහතාගේ පියා වන හිටපු ජනාධිපතිවරයා රෝගාතුරව පසුවන බැවින් ඔහුව රැකබලා ගැනීම අත්‍යවශ්‍ය කරුණක් බවයි. මෙතෙක් කලක් ඔහුව රැකබලා ගනු ලැබුවේ මව වන ශිරන්ති රාජපක්ෂ මහත්මිය වුවද, ඇයද මේ වන විට බරපතළ හෘද රෝගී තත්ත්වයක් හේතුවෙන් රෝහල්ගතව ප්‍රතිකාර ලබන බව ඔහු පැවසීය.
ශිරන්ති රාජපක්ෂ මහත්මියගේ හෘදයට රුධිරය සපයන ප්‍රධාන නාලය අවහිර වී ඇති බැවින් ශල්‍යකර්ම දෙකක් සිදු කිරීමට වෛද්‍යවරුන් නිර්දේශ කර තිබූ බවත්, ඉන් එක් ශල්‍යකර්මයක් දැනටමත් සිදු කර ඇය හෘද ස්පන්දන යන්ත්‍රයක ආධාරයෙන් පසුවන බවත් අධිකරණයට දැනුම් දුන්නේය. ඇයට අවශ්‍ය දෙවන ශල්‍යකර්මය වන අතිශය අවදානම් සහගත විවෘත හදවත් සැත්කම එදින පස්වරුවේ සිදු කිරීමට නියමිතව තිබූ බවත්, එම සැත්කමෙන් පසුව ඇය ජීවතුන් අතර සිටීද නැද්ද යන්න පවා වෛද්‍යවරුන්ට ස්ථිරව ප්‍රකාශ කළ නොහැකි තත්ත්වයක පවතින බවත් ජනාධිපති නීතිඥවරයා අවධාරණය කළේය.
"මේ සැකකරු මහින්ද රාජපක්ෂ සහ ශිරන්ති රාජපක්ෂ යන දෙපළගේ වැඩිමහල් පුත්‍රයායි. මොවුන් ජීවත් වුණේ එකම නිවසේ. සැකකරුට අද දිනයේ ඇප ලබා දුන්නොත් ඔහුට ගොස් මව දැකබලා ගැනීමට හැකියාව ලැබෙනවා. සමහරවිට ඔහු සිය මව දකින අවසන් දිනය අද වෙන්නත් පුළුවන්. ආණ්ඩුක්‍රම ව්‍යවස්ථාව අනුව වරද ඔප්පු වන තුරු සැකකරුවකු නිර්දෝෂී ලෙස සැලකිය යුතුයි. එම නිසා සැකකරුවකු රක්ෂිත බන්ධනාගාරගත කිරීම දඬුවමක් ලෙස ක්‍රියාත්මක නොවිය යුතුයි. ඕනෑම දැඩි කොන්දේසියක් යටතේ හෝ ඔහුට ඇප නියම කරන්නැයි ඉල්ලා සිටිනවා," යනුවෙන් නීතිඥවරයා වැඩිදුරටත් අධිකරණයෙන් ඉල්ලා සිටියේය.
මෙහිදී අල්ලස් හෝ දූෂණ චෝදනා විමර්ශන කොමිෂන් සභාව වෙනුවෙන් පෙනී සිටි සහකාර නීති අධ්‍යක්ෂිකා තනුජා බණ්ඩාර මහත්මිය අධිකරණයට දන්වා සිටියේ, මෙම මෝසම පිළිබඳව තමන් දැනුවත්ව නොසිටි බවයි. දූෂණ විරෝධී පනතේ 149 වන වගන්තිය යටතේ අල්ලස් කොමිසමේ අධ්‍යක්ෂ ජනරාල්වරයා ඉදිරිපත් කර ඇති සහතිකය අනුව සැකකරු විමර්ශන අවසන් වන තුරු රක්ෂිත බන්ධනාගාරගත කළ යුතු බවත්, සුවිශේෂී කරුණු ඉදිරිපත් කර නොමැති අවස්ථාවක ඇප ලබාදිය නොහැකි බවත් ඇය පෙන්වා දුන්නාය. එබැවින් විත්තිය ඉදිරිපත් කළ කරුණුවලට ලිඛිතව පිළිතුරු දැක්වීමට පැමිණිල්ලට කාලය අවශ්‍ය බව ඇය පැවසුවාය.
දෙපාර්ශ්වයේ කරුණු දැක්වීම් සලකා බැලූ ප්‍රධාන මහෙස්ත්‍රාත් අසංග එස්. බෝදරගම මහතා සඳහන් කළේ, මීට පෙර විත්තිය ඉදිරිපත් කළ දීර්ඝ ඇප අයදුම්පතේ මෙම කරුණු ඇතුළත් කර නොතිබූ බැවින්, අලුතින් ඉදිරිපත් කළ කරුණු සුවිශේෂී තත්ත්වයන්ද නැද්ද යන්න සලකා බැලීමට අධිකරණයට බලය ඇති බවයි. කෙසේ වෙතත්, ඒ පිළිබඳව පැමිණිල්ලේ ස්ථාවරය අධිකරණයට දැනුම් දිය යුතු බැවින්, අදාළ ස්ථාවරය (28) දින ඉදිරිපත් කරන ලෙස අල්ලස් කොමිසමට නියෝග කළ මහෙස්ත්‍රාත්වරයා, ඇප ඉල්ලීම පිළිබඳ නියෝගය අද ප්‍රකාශයට පත් කරන බව දැනුම් දුන්නේය.
මේ අතර, එයාර් බස් ගනුදෙනුවෙන් රුපියල් මිලියන 100ක මුදලක් අල්ලස් වශයෙන් ලබාගැනීමේ සිද්ධිය සම්බන්ධයෙන් නාමල් රාජපක්ෂ මහතාට එරෙහිව කොළඹ ස්ථිර ත්‍රිපුද්ගල විශේෂ මහාධිකරණය හමුවේ අධිචෝදනා 24ක් යටතේ නඩු පවරා ඇති බැවින්, මහෙස්ත්‍රාත් අධිකරණය හමුවේ එම නඩු කටයුතු අවසන් කර සැකකරු 28 වනදා දක්වා රක්ෂිත බන්ධනාගාරගත කර තැබීමටද මහෙස්ත්‍රාත්වරයා නියෝග කර තිබේ.
Former President Mahinda Rajapaksa Hospitalized; Son Seeks Bail Amid Serious Charges
In a troubling turn of events, former President Mahinda Rajapaksa is currently receiving treatment in hospital due to escalating high blood pressure and severe depression. His wife, Shiranthi Rajapaksa, is scheduled for a life-threatening open-heart surgery, which was disclosed by Presidential Attorney Ali Sabry during proceedings at the Colombo Chief Magistrate's Court on October 27.
The court case surrounding the alleged embezzlement of 70 million rupees linked to a deal with a dairy company brought Namal Rajapaksa, the son of the former president, into the spotlight today. His attorney presented a bail application, citing special circumstances to secure his release.
Sabry highlighted the critical need for Namal Rajapaksa to be present to care for his ailing father, who is in a vulnerable state due to health complications. Previously, Namal's mother, Shiranthi, played a crucial role in his father's care; however, she too has been hospitalized due to severe cardiac issues.
Doctors have recommended two surgical procedures for Shiranthi Rajapaksa, as the main artery supplying blood to her heart is blocked. One surgery has already been performed, and she is currently relying on a cardiac monitor. The second, highly risky open-heart surgery, is slated for the afternoon, leaving her medical team uncertain about her survival afterward, according to the attorney's statements to the court.
"The accused is the eldest son of Mahinda Rajapaksa and Shiranthi Rajapaksa. They have lived under one roof together. If bail is granted today, he may have a chance to see his mother, possibly for the last time. According to the Constitution, a suspect is presumed innocent until proven guilty. Thus, detention should not be the default punishment. We are requesting bail under reasonable conditions," Sabry appealed further to the court.
Meanwhile, Tanusha Bandara, an assistant legal director representing the Commission to Investigate Allegations of Bribery or Corruption, informed the court that she was unaware of the bail application. Under Section 149 of the Anti-Corruption Act, she stated that the suspect should remain in custody until the investigations conclude, emphasizing that bail could not be granted without substantial grounds.
Considering the arguments presented, Chief Magistrate Asanga S. Bodaragama noted that the new facts had not been included in earlier bail applications and that the court possessed the authority to assess whether these facts constitute special circumstances. However, since the stance of the involved parties must be formally communicated to the court, he ordered the Commission to submit their position by the 28th, indicating that a ruling on the bail petition will be made on that date.
In addition, Namal Rajapaksa faces 24 serious charges linked to a separate incident involving the alleged acceptance of 100 million rupees in bribes related to an airbus transaction. The Chief Magistrate ordered that court proceedings on this matter be concluded and that the accused remain in custody until the 28th.
*Note: In case of any discrepancy between the Sinhala and English versions, the Sinhala version shall prevail.
