මිනුවන්ගොඩ, අලුතෝපල ප්‍රදේශයේ ක්‍රීඩා පිට්ටනියක පැවති ක්රිකට් තරඟයක් අතරතුර සිදුවූ අනතුරකින් 41 හැවිරිදි පුද්ගලයෙකු ජීවිතක්ෂයට පත්ව තිබේ.
පොලීසිය පැවසුවේ මෙම අනතුර සිදුව ඇත්තේ, තරඟය අතරතුර පන්දුවක් උඩින් ඇල්ලීමට (Catch) උත්සාහ කිරීමේදී ක්‍රීඩකයන් දෙදෙනෙකු එකිනෙකා ගැටීමෙන් බවයි.
අනතුරින් බරපතල තුවාල ලැබූ අදාළ පුද්ගලයා ප්‍රතිකාර සඳහා මිනුවන්ගොඩ රෝහලට ඇතුළත් කිරීමෙන් පසු සිය තුවාල හේතුවෙන් මියගොස් ඇත.
මෙසේ මියගොස් ඇත්තේ පළුගහවෙල, කටුවැල්ලේගම ප්‍රදේශයේ පදිංචිකරුවෙකි.
මිනුවන්ගොඩ පොලීසිය සිද්ධිය සම්බන්ධයෙන් වැඩිදුර විමර්ශන පවත්වයි.
