විමුක්ති එස්. රුද්රිගු
මෙරට රාජ්ය ආයෝජන, ඉලක්ක ගත දළ දේශීය නිෂ්පාදිතයෙන් සියයට 40 ප්රතිශතයට වඩා අඩු බවත් සැලසුම් කළ ආයෝජන ක්රියාත්මක කිරීමට අපොහොසත් වුවහොත් එය මෙරට ආර්ථිකයට වර්ධනය වීමට තිබෙන හැකියාවට බාධා එල්ල කරනු ඇති බවත් ජාත්යන්තර ණය ශ්රේණිගතකිරීමේ ආයතනයක් වන ෆිච් රේටින්ස් පසුගියදා ප්රකාශ කළේය.
එය රාජ්ය ණය සහ අයවැය Bඟය අඩුකර ගැනීමට රජය ඉදිරියේ දී ක්රියාත්මක කිරීමට බලාපරොත්තු වන ප්රතිපත්ති වලට අභියෝගයක් එක් කළ හැකි බව ද එම ආයතනය පැවැසුවේය.
කෙසේ නමුත් මැදි කාලීනව මෙරට රාජ්ය ණය ප්රමාණය අඩු කර ගැනීමට රජය අඛණ්ඩව කැපවී සිටින බව ලබන වසර සඳහා ඉදිරිපත් කළ අයවැයෙන් පෙනී යන බව ෆිච් රේටින්ස් ප්රකාශ කළේය.
මෙම වසරේ අයවැය ඉලත්තපහසුවෙන් පසුකර යාමෙන් පසුව මැදි කාලීනව රාජ්ය ණය අඩු කර ගැනීම සඳහා ශ්රී ලංකාව මෙලෙස අවධානය යොමු කර තිබෙන බව ද ෆිව් රේටින්ස් පැවැසුවේය.
යාම ලබන වසරේ මූල්ය ඉලක්ක පහසුවෙන් පසු කර සඳහා රජයේ ආදායම ශක්තිමත්ව වර්ධනය කර ගැනීම අත්යඅවශ්ය කරුණක් බව විශ්වාස කරන්නේ යැයි එම ආයතනය ප්රකාශ කළේය.
ලබන වසරේදී දළ දේශීය නිෂ්පාදිතයෙන් සියයට 5.1 ක අයවැය හිගයක් අපේක්ෂා කරන බවත් එය මෙම වසරේ රජය අපේක්ෂා කරන සියයට 4.5 ක අයවැය හිඟයට වඩා ඉහළ බවත් ෆිච් රේටින්ස් ආයතනය පැවැසුවේය.
පසුගිය අයවැයෙන් මෙම වසර සඳහා දළ දේශීය නිෂ්පාදිතයෙන් සියයට 6.7 ක අයවැය හිඟයක් අපේක්ෂා කළත් මෙම වසරේ දී මෙරට අයවැය හිගය සියයට 5.4 ක් වනු ඇතැයි පසුගිය මාර්තු මාසයේ දී ජාත්යන්තර මූල්ය පුරෝකතනය අරමුදල කළේය.
නව අයවැය යෝජනාවට අනුව ලබන වසරේ පොලී ගෙවීම් වලට පෙර ප්රාථමික ශේෂය දළ දේශීය නිෂ්පාදිතයෙන් සියයට 2.5 ක අතිරික්තයක් ලෙස පවතිනු ඇති බව ද ෆිච් රේටින්ස් ප්රකාශ කළේය.
ඒය මෙම වසරේදී අපේක්ෂා කල සියයට 3.8 ක අතිරික්තයට වඩා පහළ මට්ටමක පැවැතියත් ජාත්යන්තර මූල්ය අරමුදල මෙරටට ලබාදී ඇති සියයට 2.3 ක ඉලක්කයට වඩා ඉහළ බව ද එම ආයතනය පැවැසුවේය.
මැදි කාලීන මූල්ය රාමුව යටතේ රජය 2030 වසර වන විට මුල්ය හිඟය දළ දේශීය නිෂ්පාදිතයෙන් සියයට 3.8 ක් දක්වා අඩුකර ගැනීමට ඉලක්ක කර තිබෙන බව ද ෆිච් රේටින්ස් ප්රකාශ කළේය.
ලබන වසර සඳහා ෆිව් රේටින්ස් පුරෝකතනය කළ අයවැය හිගය වූ සියයට 4.6 ට වඩා අයවැය පුරෝකතනය මගින් ඉදිරිපත් කර ඇති අයවැය හිඟය ඉහළ බව ද එම ආයතනය පෙන්වා දුන්නේය.
මෙම වසරේ දළ දේශීය නිෂ්පාදිතයෙන් සියයට 15.9 ක් රජයේ ආදායම ලබන වසරේ දී සියයට 15.4 ක් දක්වා පහළ වැටෙනු ඇතැයි රජය අපේක්ෂා කරන බවත් කෙසේ නමුත් එය සියයට 15.3 ක් වූ ෆිව් රේටින්ස් පුරෝකතනයට වඩා එය ඉහළ බවත් එම ආයතනය ප්රකාශ කළේය.
මෙරට දේශීය නිෂ්පාදිතයට සාපේක්ෂව බදු ආදායම වර්ධනය කර ගැනීමට හැකියාව නොලැබුණහොත් එය ශ්රී ලංකාවට මූල්ය ආතතීන් ඇති කළ හැකි බවද ෆිච් රේටින්ස් පැවැසුවේය.
මෙරට ඉහළ රාජ්ය ණය ප්රමාණය තවමත් මෙරට ණය ගිණුමේ ප්රධාන දුර්වලතාවක් බව ද ෆිච් රේටින්ස් ප්රකාශ කළේය.
