ගංවතුර උවදුර හේතුවෙන් රට ඉතාමත් තීරණාත්මක මොහොතකට මුහුණදී සිටින අවස්ථාවක විගණකාධිපති තනතුර දෙසැම්බර් 07 වනදා සිට පුරප්පාඩු වී තිබීමත් ඒ හමුවේ විගණන සේවා කොමිසමට සභාපතිවරයෙකු නොමැති වීමත් ගැටලු සහගත තත්ත්වයක් මතුකර ඇතැයි මුදල් කාරක සභාවේ සභාපති ආචාර්ය හර්ෂ ද සිල්වා මහතා ජනාධිපති අනුර කුමාර දිසානායක මහතාට ලිපියක් යවමින් අවධාරණය කර තිබේ.
හෙතෙම මෙම ලිපිය දෙසැම්බර් 22 වනදා දිනැතිව යොමුකර තිබෙන අතර ආණ්ඩුක්රම ව්යවස්ථාවේ 148 වගන්තිය අනුව රාජ්ය මූල්ය පිළිබඳ සම්පූර්ණ පාලනය පාර්ලිමේන්තුව සතු බවත් එය ක්රියාත්මක වීම සඳහා ස්වාධීන විගණන යාන්ත්රණයක් අවශ්ය බවත් පෙන්වාදී තිබේ.
එසේම, ආණ්ඩුක්රම ව්යවස්ථාවේ 154 වන වගන්තියට අනුව විගණකාධිපතිවරයෙකු පත්වන බවත් එම විගණකාධිපතිවරයා විසින් රාජ්ය ආයතන විගණනය කර ඒ පිළිබඳව පාර්ලිමේන්තුවට වාර්තා කරන බවත් සඳහන්ය.
මේ නිසා, විගණකාධිපති ධුරය පුරප්පාඩුවීම නිසා මෙම අනිවාර්ය ව්යවස්ථාපිත ක්රියාවලියට බාධා සිදුවනු ඇතැයි ආචාර්ය හර්ෂ ද සිල්වා මහතා ජනාධිපතිවරයාට පෙන්වාදී ඇත.
එසේම, රාජ්ය ගිණුම් කාරක සභාවත්, පොදු ව්යාපාර පිළිබඳ කාරක සභාවත් විගණකාධිපතිවරයා විසින් නිකුත් කරන විගණන වාර්තා මත සෘජුවම කටයුතු කරන නිසා මෙම තනතුර පුරප්පාඩුවීම පාර්ලිමේන්තුව විසින් සිදුකරන මූල්ය අධීක්ෂණයට බාධාවක් වනු ඇති බවත් සඳහන්ය.
ජාතික විගණන කාර්යාලයේ අයවැය සහ ක්රියාකාරී වැඩසටහනේ වගකීම සහ අධීක්ෂණය මුදල් කාරක සභාව සතු හෙයින් එහි සභාපතිවරයා ලෙස ඉතාමත් ඉක්මනින් විගණකාධිපතිවරයෙකු පත්කරන ලෙස අවධාරණය කිරීම සිය වගකීම යැයි තමා සිතන බව ආචාර්ය හර්ෂ ද සිල්වා මහතා මෙම ලිපියේ සඳහන් කර ඇත.
මේ නිසා, ඔහු ජනාධිපතිවරයාගෙන් ඉල්ලා තිබෙන්නේ ප්රමාදයකින් තොරව සුදුසු පුද්ගලයෙකු විගණකාධිපති තනතුරට පත් කරන ලෙසයි.
කය්යනයකට ඕන ඌට වන්දිහට්ටිකම් කරන ඩෝබියෙක් දාගන්න. හොර හැත්ත.
ReplyDeleteAnura has given few names non of them are qualified to this position. They are his close buddies. Anura is trying to cover up their mismanagement & their corruptions . That's the main reason . Therefore this government is not in a hurry to fill this position until they find a corrupt fellow.
ReplyDelete