පකිස්ථානය සහ ඇෆ්ගනිස්ථානය අතර පවතින දේශසීමා ගැටුම් උච්චතම අවස්ථාවකට පත්වෙමින්, පකිස්ථානය අද ( 27) ඇෆ්ගනිස්ථානයේ තලේබාන් බලධාරීන්ට එරෙහිව "විවෘත යුද්ධයක්" ප්රකාශයට පත් කළේය. දෙරට අතර දේශසීමා ආසන්නයේ දරුණු වෙඩි හුවමාරු සහ පිපිරීම් වාර්තා වෙමින් පවතින පසුබිමක මෙම තීරණය ගෙන තිබේ.
පකිස්ථාන ආරක්ෂක අමාත්ය ඛවාජා අසීෆ් X සමාජ මාධ්ය ජාලයේ සටහනක් තබමින් ප්රකාශ කර ඇත්තේ තම රටේ "ඉවසීමේ සීමාව ඉක්මවා ගොස් ඇති" බවයි. "දැන් අප සහ ඔබ අතර පවතින්නේ විවෘත යුද්ධයකි" යැයි පවසමින් ඔහු තවදුරටත් සඳහන් කළේ මෙය තීරණාත්මක සටනක් වනු ඇති බවයි.
ආරක්ෂක අමාත්යවරයා වැඩිදුරටත් චෝදනා කළේ නේටෝ (NATO) හමුදා ඉවත් වීමෙන් පසු ඇෆ්ගනිස්ථානය කලාපීය ස්ථාවරත්වයට මුල් තැන දෙනු ඇතැයි බලාපොරොත්තු වූවත්, වර්තමානය වන විට ඇෆ්ගනිස්ථානය ඉන්දියාවේ ජනපදයක් බවට පත්ව ඇති බවයි. එසේම, තලේබාන් රජය කාන්තාවන්ට ඉස්ලාමය මගින් ලබා දී ඇති මූලික අයිතිවාසිකම් උදුරා ගනිමින් තම පුරවැසියන් පීඩාවට පත් කරන බව ද ඔහු සඳහන් කළේය.
පකිස්ථාන අභ්යන්තර කටයුතු අමාත්ය මොහ්සින් නක්වි පවසා ඇත්තේ පකිස්ථාන හමුදාව විසින් දියත් කරන ලද මෙම ප්රහාරය ඇෆ්ගනිස්ථානයේ ආක්රමණශීලී ක්රියාවන්ට ලබා දුන් සුදුසු පිළිතුරක් බවයි.
පකිස්ථාන තොරතුරු අමාත්යාංශයට අනුව, තලේබාන් හමුදා විසින් කයිබර් පක්තුන්ක්වා පළාතේ ස්ථාන කිහිපයකට අහේතුකව වෙඩි ප්රහාර එල්ල කර ඇත.
මේ අතර, තලේබාන් ප්රකාශක සබිහුල්ලා මුජාහිඩ් ප්රකාශ කර ඇත්තේ පකිස්ථාන හමුදා ස්ථාන ඉලක්ක කර ගනිමින් කන්දහාර් සහ හෙල්මන්ඩ් ප්රදේශවල දැවැන්ත ප්රතිප්රහාර දියත් කර ඇති බවයි. මෙම ගැටුම්වලින් පකිස්ථාන සොල්දාදුවන් පිරිසක් මිය ගොස් ඇති බවත් තවත් පිරිසක් අත්අඩංගුවට ගත් බවත් තලේබාන් පාර්ශවය පවසන අතර, ඔවුන් පවසන්නේ මෙය මීට දින කිහිපයකට පෙර සිවිල් වැසියන් මිය ගිය පකිස්ථාන ගුවන් ප්රහාරවලට එරෙහිව ගත් පියවරක් බවයි.
පසුගිය ඔක්තෝබර් මාසයේ ඇති වූ ගැටුම්වලින් පුද්ගලයන් 70කට වැඩි පිරිසක් මිය යාමෙන් පසු දෙරට අතර දේශසීමා බොහෝ දුරට වසා දමා ඇත.
කටාර් සහ තුර්කිය මැදිහත් වී සිදු කළ සාම සාකච්ඡා ද මෙතෙක් සාර්ථක වී නොමැති බව වාර්තා වේ.
පකිස්ථානය දිගින් දිගටම චෝදනා කරන්නේ ඇෆ්ගනිස්ථාන භූමියේ සිට ක්රියාත්මක වන සටන්කාමී කණ්ඩායම් පාලනය කිරීමට තලේබාන් රජය අපොහොසත් වී ඇති බවයි.
කොහෙ හරි කුප්ප වැඩක් , සක්කිලි වැඩක් යටි කූට්ටු වැඩක් වෙනවනං , ඉන්දියන් කුජීත යො ඒක පිටිපස්සෙ ඉන්නවා
ReplyDelete