මැදපෙරදිග කලාපයේ පවතින උණුසුම් දේශපාලනික හා ආරක්ෂක තත්ත්වය හමුවේ, ශ්රී ලංකාව සංචාරය සඳහා අධි අවදානම් සහිත කලාපයක් ලෙස හඳුන්වමින් ඕස්ට්රේලියානු මාධ්ය ජාලයක් විසින් පළ කළ වාර්තාව මෙරට ඕස්ට්රේලියානු මහ කොමසාරිස්වරයා විසින් නිල වශයෙන් ප්රතික්ෂේප කර තිබේ.
අදාළ මාධ්ය නාලිකාව සිය වාර්තාව මගින් ඊශ්රායලය, ලෙබනනය, ඕමානය සහ කටාර් වැනි රටවල් සමඟ ශ්රී ලංකාව ද එකම වර්ණයකින් (එකම අවදානම් මට්ටමක) සිතියම්ගත කරමින් මෙම පුවත ප්රචාරය කර තිබුණි.
කෙසේ වෙතත්, මෙම වාර්තාව සම්බන්ධයෙන් පැහැදිලි කිරීමක් කරමින් කොළඹ සිටින ඕස්ට්රේලියානු මහ කොමසාරිස්වරයා අවධාරණය කර ඇත්තේ, ඕස්ට්රේලියානු ජාතිකයින්ට ශ්රී ලංකාව තුළ සංචාරය කිරීමේදී කිසිදු විශේෂ ආරක්ෂක අවදානමක් පවතින බවට මෙතෙක් නිවේදන නිකුත් කර නොමැති බවයි.
එමෙන්ම ඕස්ට්රේලියානු රජයේ නිල වෙබ් අඩවි හරහා ද මෙවැනි අවදානම් සහගත නිවේදනයක් ශ්රී ලංකාව සම්බන්ධයෙන් නිකුත් කර නොමැති බව ඒ මහතා වැඩිදුරටත් සඳහන් කළේය.
"බළලා මල්ලෙන් එළියට පැන්නා"... ඕක තමයි ඇමරිකන් ගැත්තන් ලෝකය පුරා සිදුකරන්නේ. මේ වගේ එවුන් දාලා උන්ට ත්රස්තවාදය වපුරන්න අවශ්ය වටපිටාව නිර්මාණය කරන්නයි ඔය වගේ ප්රචාර ගෙනයන්නේ 🤮😡
ReplyDelete