ඉරානයට යුධ ආයුධ සපයනු ලබන ඕනෑම රටකට එරෙහිව වහාම ක්රියාත්මක වන පරිදි දැඩි ආර්ථික සම්බාධක පැනවීමට ඇමරිකානු ජනාධිපති ඩොනල්ඩ් ට්රම්ප් තීරණය කර ඇත.
ඒ අනුව, එවැනි රටවල් විසින් ඇමරිකා එක්සත් ජනපදය වෙත අලෙවි කරනු ලබන සියලුම භාණ්ඩ සඳහා සියයට 50ක දැවැන්ත බද්දක් පැනවීමට නියමිත බව ඔහු ප්රකාශ කළේය.
ජනාධිපති ට්රම්ප් සිය 'Truth Social' සමාජ මාධ්ය ගිණුම හරහා මෙම අනතුරු ඇඟවීම නිකුත් කර ඇති අතර, මෙම බදු පැනවීම් සම්බන්ධයෙන් කිසිදු නිදහස් කිරීමක් හෝ සහනයක් ලබා නොදෙන බව අවධාරණය කර ඇත.
"ඉරානයට හමුදා ආයුධ සපයන රටක් ඇමරිකා එක්සත් ජනපදයට අලෙවි කරන ඕනෑම සහ සියලුම භාණ්ඩ සඳහා වහාම ක්රියාත්මක වන පරිදි 50% ක බද්දක් අය කරනු ලැබේ," යනුවෙන් ඔහු එහි සඳහන් කර තිබේ.
මෙම තීරණය ගෙන ඇත්තේ ට්රම්ප් පරිපාලනය සහ ඉරානය අතර තාවකාලික සටන් විරාමයක් ප්රකාශයට පත් කර පැය කිහිපයකට පසුවය.
මෙම සටන් විරාමයත් සමඟ ලෝක වෙළඳාමට තීරණාත්මක වන හෝමුස් සමුද්ර සන්ධිය තාවකාලිකව නැවත විවෘත කිරීමට ඉරානය එකඟ වී ඇත.
මීට අමතරව, ඉරානය සමඟ පවතින සම්බාධක සහ බදු ලිහිල් කිරීම් පිළිබඳව ද සිය රජය සාකච්ඡා කරමින් සිටින බව ජනාධිපතිවරයා වැඩිදුරටත් සඳහන් කර තිබේ.
කෙසේ වෙතත්, ඉරානයේ යුධ ශක්තිය ශක්තිමත් කිරීමට සහය දෙන රටවලට එරෙහිව මෙම දැඩි බදු ප්රතිපත්තිය අඛණ්ඩව ක්රියාත්මක වන බව මෙම ප්රකාශය මගින් පැහැදිලි වෙයි
