විදුලි ගාස්තු තවත් 50%කින් වැඩි කරන්නයි බලපෑම්..?

විදුලි බිල තවත් 50%කින් පමණ ඉහළ නැංවීම සඳහා මහජන උපයෝගිතා කොමිෂන් සභාවට මේ වන විට දැඩි බලපෑම් එල්ල වෙමින් පවතින බව විදුලිය පාවිච්චි කරන්නන්ගේ සංගමයේ ලේකම් සංජීව ධම්මික මහතා පවසයි.

මාධ්‍ය වෙත අදහස් දක්වමින් ඔහු සඳහන් කළේ, ලෝකයේ පවතින යුද්ධය සහ රටේ පවතින නියඟය වැනි කරුණු පදනම් කර ගනිමින් මෙලෙස විදුලි බිල ඉහළ නැංවීමට රජය සූදානම් වන බවයි. 

මෙය ජනතාව මත පටවන දැවැන්ත බරක් වන අතර, මේ පිටුපස විශාල කුමන්ත්‍රණයක් ක්‍රියාත්මක වන බවට තොරතුරු ලැබී ඇති බව ද ඔහු අවධාරණය කළේය.

මෙම තත්ත්වය හමුවේ වගකීමෙන් බැහැරව කටයුතු කරන අදාළ අමාත්‍යවරුන් වහාම ධුරවලින් ඉවත් කිරීමට ජනාධිපතිවරයා කටයුතු කළ යුතු බවට ද සංජීව ධම්මික මහතා මෙහිදී ඉල්ලීමක් කළේය.