ඉරානය සමඟ පවතින යුද්ධය හේතුවෙන් මතුව ඇති දේශපාලන අර්බුදය හමුවේ ඇමරිකානු ජනාධිපති ඩොනල්ඩ් ට්රම්ප් සිය කැබිනට් මණ්ඩලයේ ප්රධාන සංශෝධනයක් සිදු කිරීමට සලකා බලමින් සිටින බව වාර්තා වේ.
පසුගියදා නීතිපතිනි පැම් බොන්ඩී ධුරයෙන් ඉවත් කිරීමෙන් අනතුරුව, තවත් ප්රබල අමාත්යවරුන් කිහිප දෙනෙකු ඉවත් කිරීමට ජනාධිපතිවරයාගේ අවධානය යොමුව ඇති බව ධවල මන්දිර අභ්යන්තර ආරංචි මාර්ග පවසයි.
පසුගිය පෙබරවාරි 28 වැනිදා ආරම්භ වූ ඉරාන යුද්ධය මේ වන විට සති පහක් පුරා ඇදී යමින් පවතින අතර, මේ හේතුවෙන් ඇමරිකාවේ ඉන්ධන මිල ඉහළ ගොස් ඇති බව සඳහන් වේ. නවතම රොයිටර්/ඉප්සොස් මත විමසුම්වලට අනුව ට්රම්ප්ගේ ජනප්රියතාවය 36% දක්වා පහත වැටී ඇති අතර, එය ඔහුගේ වත්මන් ධුර කාලය තුළ වාර්තා වූ අඩුම අගයයි. එමෙන්ම, ඉරානය සමඟ යුද්ධය ආරම්භ කිරීමට ගත් තීරණයට ඇමරිකානුවන්ගෙන් 60% ක්ම සිය අකමැත්ත පළ කර ඇත.
එළඹෙන නොවැම්බර් මාසයේ පැවැත්වීමට නියමිත මධ්යකාලීන මැතිවරණයට මෙම තත්ත්වය අහිතකර ලෙස බලපානු ඇතැයි රිපබ්ලිකන් පක්ෂය තුළ දැඩි කනස්සල්ලක් මතුව තිබේ.
ධවල මන්දිර ආරංචි මාර්ගවලට අනුව පහත සඳහන් නිලධාරීන්ගේ තනතුරු අහිමි වීමේ අවදානමක් පවතී.
තුල්සි ගැබාර්ඩ් (Tulsi Gabbard): ජාතික බුද්ධි අංශ අධ්යක්ෂවරිය. මැදිහත් නොවන විදේශ ප්රතිපත්තියක් වෙනුවෙන් පෙනී සිටින ඇය, මීට පෙර ඉරානයට එරෙහි හමුදා ක්රියාමාර්ග විවේචනය කිරීම සම්බන්ධයෙන් ජනාධිපතිවරයා ඇය පිළිබඳව නොසතුටින් පසුවන බව පැවසේ.
හොවාර්ඩ් ලුට්නික් (Howard Lutnick): වාණිජ ලේකම්. ඔහු සහ මියගිය ලිංගික අපරාධකරුවෙකු වූ ජෙෆ්රි එප්ස්ටයින් (Jeffrey Epstein) අතර පැවති සම්බන්ධතාවය සම්බන්ධයෙන් එල්ල වන විවේචන හමුවේ ඔහුව ඉවත් කරන ලෙස ට්රම්ප්ගේ සමීපතමයන් පවා බලපෑම් කරමින් සිටියි.
පසුගිය බදාදා ජනාධිපති ට්රම්ප් ජාතිය අමතමින් කළ ප්රකාශය දේශපාලනික වශයෙන් සාර්ථක නොවූ බවත්, යුද්ධය අවසන් කිරීම සඳහා පැහැදිලි මාර්ග සිතියමක් ඉදිරිපත් කිරීමට ඔහු අපොහොසත් වූ බවත් විචාරකයෝ පවසති.
"බොන්ඩී යනු අවසාන පුද්ගලයා නොවේ," යැයි පවසමින් එක් ධවල මන්දිර නිලධාරියෙකු ඉඟි කළේ මැතිවරණයට පෙර පරිපාලනයේ ක්රියාකාරීත්වය පෙන්වීම සඳහා මෙලෙස කැබිනට් මණ්ඩලය වෙනස් කිරීම අත්යවශ්ය වී ඇති බවයි. කෙසේ වෙතත්, ධවල මන්දිර ප්රකාශක ඩේවිස් ඉන්ගල් පවසන්නේ ජනාධිපතිවරයාට තම කැබිනට් මණ්ඩලය කෙරෙහි පූර්ණ විශ්වාසය පවතින බවයි
ට්රම්ප්, උඹ ආවේ යුද්ධ ඉවර කරනව කියල මිසක් යුද්ධ පටන් ගන්නවා කියල නෙමේ.
ReplyDeleteලංකාවේ පවා මිනිස්සු සතුටු උනා උඹ ජනාධිපති උනාම. උඹ මුල් ටිකේ ලස්සනට රට කරගෙන ගියා. ඊට පස්සේ මොනව උනාද මන්දා. එකපාර ටැක්ස් එකක් ගහන්න ගිහින් ලෝකෙටම කෙලියා. ඊට පස්සේ වෙනිසියුලාවෙ ජනාධිපතිව පැහැර ගත්තා. ඒකෙන් රහ වැටිලා කෙහෙල් ගහට කෙටුවා. දැන් හොට පැටලිලා. උඹට හෙනේට හිටියේ චීනෙටයි, ඉරානෙටයි තිබුන ඉරිසියාව. දියුණුවේ රහස ඉරිසියාව නෙමේ ලොක්කා.
Ammata Siri Deela thiyanawa Trumpta andennma.
Delete