මාතර සමුපකාර රෝහලේ පරිපාලනමය බලය අත්පත් කරගැනීම සම්බන්ධයෙන් ඇති වූ අර්බුදකාරී තත්ත්වයක් හේතුවෙන් අද දින එම පරිශ්රය තුළ දැඩි නොසන්සුන්තාවයක් වර්ධනය විය.
විධිමත් නිලවරණ ක්රියාවලියකින් බැහැරව රෝහලේ පාලනය තමන් යටතට ගැනීමට ජාතික ජන බලවේගයට සම්බන්ධ යැයි පැවසෙන පිරිසක් දැරූ උත්සාහය මෙම ගැටුමට මූලික හේතුව වී ඇත.
මීට පෙර අවස්ථාවලදී ද මෙම පාර්ශවය මෙවැනිම උත්සාහයන් දරා තිබුණ ද, අද පස්වරුවේ එය ප්රචණ්ඩකාරී ස්වරූපයක් ගත්තේය.
බාහිර කණ්ඩායමක මෙම මැදිහත්වීමට එරෙහිව රෝහල් කාර්ය මණ්ඩලය සිය සේවාවන්ගෙන් ඉවත් වී විරෝධතාවයක නිරත විය.
රෝහල් සමිතියේ සාමාජිකයන් ලෙස පෙනී සිටි පිරිස සහ සේවකයින් අතර ඇති වූ බහින්බස්වීම් අවසානයේ පහරදීම් දක්වා දුරදිග ගොස් ඇත.
මෙහිදී තුවාල ලැබූ සේවකයින් දෙදෙනෙකු ප්රතිකාර සඳහා මාතර මහ රෝහල වෙත යොමු කෙරිණි.
සභාපතිවරයාගේ නිල කාමරයේ අගුළු කඩා බලහත්කාරයෙන් ඇතුළු වීමට අදාළ පිරිස උත්සාහ කළ ද, මැදිහත් වූ පොලිස් නිලධාරීන් එය වළක්වා ඇත.
තත්ත්වය පාලනය කිරීමට උත්සාහ කළ පොලිස් නිලධාරීන්ට ද එහිදී ප්රහාරයන්ට ලක්වීමට සිදු වූ බව වාර්තා වේ.
පවතින මෙම අස්ථාවර වාතාවරණය හේතුවෙන් රෝහලේ දෛනික වෛද්ය සේවාවන් සහ පරිපාලන කටයුතු සම්පූර්ණයෙන්ම අඩාල වී ඇති අතර, රෝගී සත්කාරක සේවාවන්ට ද ඉන් දැඩි බලපෑම් එල්ල වී තිබේ.
කව්ද බලාපොරොත්තු වෙන්නේ තිරිසන් ගල්කටස් ජෙප්පොන්ගෙන් කිසිම දෙයක්...වෑඩ බෑරි පච මෑශින් .... අවුරුදු 76 ක් රට කෑවේ මේ ජෙප්පෝ......හෑමවෑඩක් ම කඩාකප්පල් කලා....වර්ජන ...මිනීමෑරුම්....
ReplyDelete