රුසියාවෙන් බොරතෙල් මිලදී ගැනීමට අදාළ ගෙවීම් චීන 'රෙන්මින්බි' (RMB) හෙවත් යුවාන් මුදලින් පියවීමට ශ්රී ලංකාව එකඟ වී ඇති බව නව බලශක්ති අමාත්ය අනුර කරුණාතිලක මහතා පවසයි.
ගල්අඟුරු ආනයනයේදී සිදුවූ බව කියන වංචා සහ අක්රමිකතා සම්බන්ධ පරීක්ෂණ නිමවන තෙක් කුමාර ජයකොඩි මහතා ධුරයෙන් ඉල්ලා අස්වීමෙන් පසු, ජනාධිපති අනුර කුමාර දිසානායක මහතා විසින් අනුර කරුණාතිලක මහතා නව අමාත්යවරයා ලෙස පත් කරන ලදී.
මේ වසරේ ජූලි මස අවසානය දක්වා අවශ්ය ඉන්ධන තොග දැනටමත් සුරක්ෂිත කර ඇති බවත්, ඉන් ඉදිරියට සැපයුම් පවත්වාගෙන යාම සඳහා අවශ්ය ක්රමවේද සකස් කරමින් සිටින බවත් ඔහු සඳහන් කළේය.
රුසියාවෙන් තෙල් මිලදී ගැනීම සම්බන්ධයෙන් තවමත් සාකච්ඡා මට්ටමේ පවතින බවත්, තවත් සාකච්ඡා වට දෙකකින් පසු එය අවසන් කිරීමට අපේක්ෂා කරන බවත් අමාත්යවරයා පැවසීය. සම්බාධක පනවා ඇති රුසියානු තෙල් මුහුදේදී මිලදී ගැනීම සඳහා ඇමරිකානු භාණ්ඩාගාර දෙපාර්තමේන්තුව ලබා දී ඇති සහන කාලය මැයි 16 වනදා දක්වා වලංගු වේ.
ඒ අනුව, රුසියානු සමාගම් සමඟ ගනුදෙනු කිරීමේදී පියවීම් මුදල් ඒකකය ලෙස චීන යුවාන් (RMB) තෝරාගෙන ඇති අතර, වරායන්හි ගොඩබෑම් සහ අනෙකුත් ප්රවාහන පහසුකම් පිළිබඳව දැනට සාකච්ඡා වෙමින් පවතී.
දැන් මහ ලොකු පොරවල් වගේ යුවාන් වලින් ගෙවලා රුසියන් තෙල් ගන්න ට්රයි කරාට විදේශ සංචිතයේ තියෙන ඩොලර් බිලියන එක හමාරක් වටින යුවාන් කවුද ගෙනත් දුන්නේ- රාජපක්ෂලා
ReplyDelete