දශක දෙකකට වැඩි කාලයක් සාමකාමී අරමුණු සඳහා පමණක් බව පැවසූ ඉරානයේ න්යෂ්ටික වැඩපිළිවෙළ, එරට හිටපු උත්තරීතර නායක අයතුල්ලා අලි කමේනිට එල්ල වූ ප්රහාරාත්මක මරණයත් සමඟ නව මාවතකට අවතීර්ණ වෙමින් පවතින බව CNN පුවත් සේවය වාර්තා කරයි.
මීට පෙර අයතුල්ලා අලි කමේනි විසින් න්යෂ්ටික අවි තහනම් කරමින් පනවා තිබූ ආගමික නියෝගය හෙවත් 'ෆත්වා' (Fatwa) නියෝගය දැන් වලංගු නොවන තත්ත්වයට පත්ව ඇත.
විශේෂයෙන්ම පසුගිය මාසයේදී ඇමරිකාව සහ ඉශ්රායලය එක්ව එල්ල කළ ප්රහාරයකින් උත්තරීතර නායකයා මියයාමෙන් පසු, ඉරානයේ දැඩි මතධාරී කණ්ඩායම් න්යෂ්ටික බෝම්බයක් නිපදවීම කෙරෙහි වැඩි අවධානයක් යොමු කරමින් සිටින බව එම වාර්තාවේ සඳහන් වේ.
ඉරානයේ නව උත්තරීතර නායකයා ලෙස පත් වී සිටින මොජ්තාබා කමේනි (මියගිය නායකයාගේ දෙවන පුත්රයා), සිය පියාගේ න්යෂ්ටික විරෝධී ස්ථාවරය වෙනස් කරන්නේද යන්න පිළිබඳව මෙතෙක් පැහැදිලි ප්රකාශයක් කර නොමැත. දැනට ඔහු රහසිගතව ජීවත් වන අතර, ඔහු විසින් නිකුත් කරන ලද පළමු ප්රකාශයේදී පියාගේ මරණයට පළිගන්නා බවට ප්රතිඥා දුන්නද න්යෂ්ටික වැඩසටහන පිළිබඳව කිසිවක් සඳහන් කර නැත.
ඉරානය සතුව දැනට කිලෝග්රෑම් 400කට වැඩි ඉහළ සාන්ද්රණයකින් යුත් යුරේනියම් තොග පවතින අතර, එය න්යෂ්ටික ආයුධ කිහිපයක් නිපදවීමට ප්රමාණවත් වේ.
ඉරාන විප්ලවීය ආරක්ෂක බලකාය (IRGC) විසින් සිය න්යෂ්ටික ප්රතිපත්තිය වෙනස් කළ යුතු බවට රජයට බලපෑම් කරමින් සිටී.
ඉරානය න්යෂ්ටික බෝම්බයක් නිපදවීමට උත්සාහ කළහොත් සෞදි අරාබිය ද හැකි ඉක්මනින් න්යෂ්ටික අවි නිපදවීමට පෙළඹෙනු ඇති බව සෞදි ඔටුන්න හිමි මොහොමඩ් බින් සල්මාන් කුමරු මීට පෙර පවසා ඇත.
විශේෂඥයන් පෙන්වා දෙන්නේ ඉරානය දැනටමත් දෙවතාවක් විදේශීය ප්රහාරයන්ට ලක්ව ඇති බැවින්, තවදුරටත් ඔවුන් න්යෂ්ටික අවි නිපදවීමෙන් වැළකී සිටිනු ඇතැයි අපේක්ෂා කළ නොහැකි බවයි.
මින් ඉදිරියට ඉරානය සිය ආරක්ෂාව උදෙසා න්යෂ්ටික බලවතෙකු වීමට උත්සාහ කිරීමේ වැඩි ප්රවණතාවක් පවතින බව CNN වැඩිදුරටත් වාර්තා කර ඇත.
අරගලයක් සන්විධානය කරලා අනුර කුමාර කෙනෙක් පත් කරගත්තනම් ඔය ප්රශ්න නෑ
ReplyDeleteතව ටික දවසයි, ඉරානේ ඉතුරු වෙලා තියෙන කෑලි බෑලි ටිකත් කුඩු. ඊට පස්සේ හදයි මැටියෙන්.
ReplyDelete