දැරිය අපහරණයට අටමස්ථානාධිපති හිමි අත්අඩංගුවට ගන්නවා..- පොලිසියෙන් නිවේදනයක්..

 පොලිසිය විසින් නිකුත් කරන ලද නිවේදනයක් මෙහි දැක්වෙයි.

2026.03.06 වන දින වයස්කාර දැරියක් අපහරණය කර රඳවාගෙන සිටින බවට නිට්ටඹුව පොලිස් ස්ථානයට ලද පැමිණිල්ලක් මත නිට්ටඹුව පොලිසිය මඟින් විර්මශන සිදුකර අදාල සැකකරු අත්අඩංගුවට ගෙන අත්තනගල්ල ගරු මහේස්ත්‍රාත් අධිකරණයට ඉදිරිපත් කරන ලදී. මෙම වින්දිත බාල වයස්කාර දැරිය ගරු අධිකරණ නියෝග මත රාගම ළමා සුරක්ෂා මධ්‍යස්ථානයේ රඳවා ඉදිරි විමර්ශනයක් සිදු කරන ලදී.

එහිදී දැරිය පෙර සිදු වූ අතවරයක් සම්බන්ධයෙන් ප්‍රකාශයක් ලබාදී ඇති අතර, ඒ සම්බන්ධයෙන් ගම්පහ ජ්‍යෙෂ්ඨ පොලිස් අධිකාරිගේ අධීක්ෂණය මත අත්තනගල්ල සහකාර පොලිස් අධිකාරිගේ සෘජු අධීක්ෂණය යටතේ නිට්ටඹුව මූලස්ථාන පොලිස් පරීක්ෂක සහ ළමා කාන්තා කාර්යංශයේ මඟින් විර්මශනක් ආරම්භ කරන ලදී. ඒ අනුව, එම විමර්ශන නිලධාරින් විසින් දැරිය ප්‍රථමයෙන් අතවරයට ලක් වූ ස්ථානයෙහි ස්ථානීය පරීක්ෂාවක් සිදුකර පුද්ගල, විද්‍යාත්මක හා පර්යේෂණ සාක්ෂි ලබා ගැනීමෙන් පසු අනුරාධපුර ගරු මහේස්ත්‍රාත් අධිකරණය වෙත ඉදිරිපත් කර එහිදී අධිකරණ නියෝග මතනඩු භාණ්ඩ රජයේ රස පරීක්ෂක වෙත යොමු කිරීමට කටයුතු කර ඇත.

2026.05.08 වන අද දින මෙම නඩුවට අදාලව වැඩිදුර වාර්තාවක් නිට්ටඹුව මූලස්ථාන පොලිස් ස්ථානයේ විමර්ශන නිලධාරින් විසින් අනුරාධපුර ගරු මහේස්ත්‍රාත් අධිකරණයට ඉදිරිපත් කරමින් වින්දිත දැරියගේ වීඩියෝ සාක්ෂි පටිගත කිරීම සඳහා ජාතික ළමා රක්ෂණ අධිකාරිය වෙත නියෝග ලබා ගන්නා ලදී. තවද මෙම නඩුවේ සැකකරුවන් ලෙස උඩමලුවේ අටමස්ථානාධිපති හිමියන් හා වින්දිත දැරියගේ මව නම් කරන ලද අතර අටමස්ථානාධිපති හිමියන් හට ගරු අධිකරණය මඟින් විදේශ ගත වීම වැළැක්වීම සඳහා ආගම විගමන පාලක වෙත නියෝගක් නිකුත් කරන ලදී.

මෙම අපරාධ සම්බන්ධයෙන් සැකකාර අටමස්ථානාධිපති හිමියන් අත්අඩංගුවට ගැනීමට නියමිතව ඇති අතර මේ අපරාධය සම්බන්ධයෙන් බාල වයස්කාර වින්දිත දැරියගේ මව මෙම අපරාධයට අධාර අනුබල දීම හා දැරිය මුදලට විකිණීම සම්බන්ධව 2026.05.08 වන දින අත්අඩංගුවට ගෙන අනුරාධපුර ගරු මහේස්ත්‍රාත් අධිකරණයට ඉදිරිපත් කිරීමෙන් අනතුරුව 2026.05.15 වන දින දක්වා රක්ෂිත බන්ධනාගාර ගත කරන ලදී.

මේ සම්බන්ධයෙන් නිට්ටඹුව පොලිස් ස්ථානයේ ළමා හා කාන්තා කාර්යංශය මඟින් වැඩිදුර විමර්ශන සිදු කරනු ලබයි.