කොංග්රස් මණ්ඩලයේ පූර්ව අනුමැතියකින් තොරව කියුබාවට එරෙහිව යුද බලය භාවිතා කිරීමට ජනාධිපති ඩොනල්ඩ් ට්රම්ප් සතු බලතල සීමා කිරීම සඳහා ඩිමොක්රටික් පක්ෂය ගෙන ආ යෝජනාව ඇමෙරිකානු සෙනෙට් මණ්ඩලයේදී පරාජයට පත්ව තිබේ.
රිපබ්ලිකන් පක්ෂයේ බහුතර බලය සහිත සෙනෙට් මණ්ඩලයේදී මෙම යෝජනාව පිළිබඳ ඡන්ද විමසීම පැවැත්වුණු අතර, පක්ෂව ඡන්ද 47ක් සහ විපක්ෂව ඡන්ද 51ක් ලෙස එය පරාජයට පත් විය.
කියුබාව සමඟ දැනට සක්රීය සන්නද්ධ ගැටුම් නොමැති බැවින් මෙම යෝජනාව නීති විරෝධී බව පවසමින් සභා නියෝගයක් මඟින් එය ප්රතික්ෂේප කරනු ලැබීය.
පසුගිය මාර්තු මාසයේදී මෙම යුද බලතල යෝජනාව ඉදිරිපත් කළ වර්ජිනියා ප්රාන්තයේ ඩිමොක්රටික් සෙනෙට් සභික ටිම් කේන් පෙන්වා දුන්නේ, ජනාධිපති ට්රම්ප් විසින් පනවා ඇති දැඩි කියුබානු සම්බාධක හේතුවෙන් එරට තුළ දැවැන්ත මානුෂීය අර්බුදයක් නිර්මාණය වී ඇති බවයි.
විශේෂයෙන්ම වෛද්ය සේවා බිඳවැටීම, පිරිසිදු පානීය ජල හිඟය සහ ආහාර මිල ඉහළ යෑම මේ හරහා උග්ර වී ඇති බව ඔහු වැඩිදුරටත් සඳහන් කළේය.
පසුගිය පෙබරවාරි මාසයේ සිට ජනාධිපති ට්රම්ප් විසින් කියුබාවට එරෙහිව ඉන්ධන සම්බාධක පනවා ඇති අතර, එමඟින් කියුබාවට බොරතෙල් සපයන රටවලට සහ සමාගම්වලට එරෙහිව දැඩි පියවර ගන්නා බවට ඔහු අනතුරු ඇඟවීය.
එමෙන්ම ඉරානය සමඟ පවතින යුදමය වාතාවරණයෙන් පසු කියුබාවේ සමාජවාදී රජය කෙරෙහි ද අවධානය යොමු කරන බව පවසමින් හවානා පාලනය වෙනස් කිරීමට ඔහු කිහිප වරක්ම ඉඟි පළ කර තිබේ.
ඉන්ධන හිඟය හේතුවෙන් කියුබාව පුරා විදුලිය ඇනහිටීම් සහ දැඩි ආර්ථික දුෂ්කරතා මතු වී ඇති අතර, කියුබානු විදේශ අමාත්ය බෲනෝ රොඩ්රිගස් ප්රකාශ කළේ ඇමෙරිකාව එල්ල කරන මෙම සම්බාධක එරට ආර්ථික පද්ධතිය විනාශ කිරීමේ අරමුණින් සිදු කරන්නක් බවයි.
කෙසේ වෙතත්, වෙනිසියුලානු ජනාධිපතිවරයා ඉලක්ක කර ගනිමින් සිදුකළ මෙහෙයුම් ද ඇතුළුව තම "ශක්තිය හරහා සාමය" ප්රතිපත්තිය අතිශයින් සාර්ථක වී ඇති බව ජනාධිපති ට්රම්ප් අවධාරණය කරයි.
මු අමු පිස්සෙක්.
ReplyDelete