ක්ලීන් ශ්රී ලංකා සම්බන්ධීකාරකවරුන් ලෙස දේශපාලන නියෝජිතයන් ප්රාදේශීය ලේකම් කාර්යාල වලට පත් කිරීම සම්බන්ධයෙන් විරෝධය පළ කරන බව ශ්රී ලංකා ප්රාදේශීය ලේකම්වරුන්ගේ හා සහකාර ප්රාදේශීය ලේකම්වරුන්ගේ සංගමය ජනාධිපති ලේකම් නන්දික සනත් කුමානායකට ලිඛිතව දැනුම් දී තිබේ.
ජනාධිපති කාර්යාලය නම් කර ඇති මෙම පුද්ගලයන්ට ප්රාදේශීය ලේකම් කාර්යාලවල පුටුවක්, මේසයක් ඇතුළු භෞතික පහසුකම් ලබා දීමට නොහැකි බව ද එමගින් අවධාරණය කර ඇත.
දේශපාලන පක්ෂයක නියෝජිතයෙකු ප්රාදේශීය ලේකම් කාර්යාලයක තබාගෙන අවංක මහජන සේවයක් ලබා දිය නොහැකි බව පවසන ප්රාදේශීය ලේකම්වරුන්ගේ සංගමය රාජ්ය සේවයේ ස්වාධීනත්වයට බලපෑමක් නොකර මෙම තීරණය ඉවත් කර ගන්නා ලෙසට ජනාධිපති කාර්යාලයෙන් ඉල්ලා ඇත.
මීට පෙර ආණ්ඩු කාලවලදී ද දේශපාලන නියෝජිතයන් ප්රාදේශීය ලේකම් කාර්යාලවලට පත්කිරීමට ගනු ලැබූ උත්සාහයන් වෘත්තීය සමිති ක්රියාමාර්ග මගින් අඩපණ කළ බවත් වත්මන් ආණ්ඩුව යටතේ ද රාජ්ය නිලධාරීන්ට බලපෑම් එල්ල කළහොත් වෘත්තීය ක්රියාමාර්ග ගැනීමට පසුබට නොවන බවත් ප්රාදේශීය ලේකම්වරු කියා සිටිති.
ක්ලීන් ශ්රී ලංකා සම්බන්ධීකාරකවරුන්ගේ ලිපි ලේඛන ඇතුළු රාජකාරී වෙනුවෙන් දිස්ත්රික් හා ප්රාදේශීය ලේකම් කාර්යාල පරිශ්ර තුළ ප්රමාණවත් ඉඩ පහසුකම් හා කාර්යාල උපකරණ සහිත කාර්යාල කාමරයක් ලබා දෙන ලෙසට ජනාධිපති ලේකම් නන්දික සනත් කුමානායක සියලු ම පළාත් ප්රධාන ලේකම්වරුන්ට හා දිස්ත්රික් ලේකම්වරුන්ට මාර්තු මාසයේදී දැනුම් දී තිබිණි.
මෙම සම්බන්ධීකාරකවරුන්ගේ ලිපි ලේඛන පවත්වාගෙන යෑමට කළමනාකරණ සේවා නිලධාරියෙක් හෝ සංවර්ධන නිලධාරියෙක් අනුයුක්ත කරන ලෙස ද එමගින් අවධාරණය කර ඇත.
ජනාධිපති කාර්යාලයේ තීරණයට විරෝධය පළ කරන ශ්රී ලංකා ප්රාදේශීය ලේකම්වරුන්ගේ හා සහකාර ප්රාදේශීය ලේකම්වරුන්ගේ සංගමය ආණ්ඩුවේ දේශපාලන නියෝජිතයන්ට කාර්යාල පහසුකම් ලබා දෙන ලෙසටත් ඔවුන්ගේ සහායට රජයේ නිලධාරීන් යොදවන ලෙසටත් ප්රාදේශීය ලේකම්වරුන්ට දේශපාලනඥයන්ගෙන් බලපෑම් එල්ල වී ඇතැයි කියා සිටී.
ජනාධිපති කාර්යාලය නම් කර ඇති පුද්ගලයන්ට ප්රාදේශීය ලේකම් කාර්යාල තුළ පුටු, මේස ඇතුළු භෞතික පහසුකම් සපයන ලෙසත් ඒ සම්බන්ධයෙන් නිලධාරියකු අනුයුක්ත කර පහසුකම් සොයා බලන ලෙසත් දන්වා තිබීම හේතුවෙන් ප්රායෝගික ගැටලු රැසකට මුහුණ දී ඇතැයි එහි සභාපති ආර්.සෙන්තිල් පැවසීය.
දේශපාලන පක්ෂයක නියෝජිතයෙකු තබා ගැනීමෙන් ප්රාදේශීය ලේකම් කාර්යාල ව්යුහය පිළිබඳ සමාජ පිළිගැනීම බිඳ වැටෙන බවත්, එම කාර්යාල නිර්දේශ පාලන, ස්වාධීන ආයතනයක් ලෙස පවත්වාගෙන යෑමට නොහැකි වන බවත් සභාපතිවරයා පෙන්වා දෙයි.
පළාත්, දිස්ත්රික් හා ප්රාදේශීය මට්ටමින් ක්ලීන් ශ්රී ලංකා සම්බන්ධීකාරකවරුන් පත්කිරීම මැයෙන් ජනාධිපති ලේකම් නන්දික සනත් කුමානායක මාර්තු 20 වන දා පළාත් ප්රධාන ලේකම්වරුන්ට හා දිස්ත්රික් ලේකම්වරුන්ට යොමු කළ ලිපියට අනුව පළාත් සම්බන්ධීකාරවරු 09ක්, දිස්ත්රික් සම්බන්ධීකාරවරු 25ක් හා ප්රාදේශීය සම්බන්ධීකාරවරු 341ක් පත් කර තිබේ.
Mawbima
Clean Sri Lanka kiyana ekema theruma ubala danne nadda , means RATA ta hodata sudda karla dala thamai mun yanne , ekiyanne uparima matiya gaseema
ReplyDeleteමේ එන්නේ කොමියුනිස්ට් රජය ක් පිහිටුවන මාර්ගයේ එක පියවරක් මේකට ඉඩ දුන්නොත් ඉන්පසු රජයේ හැම කාර්යාල යක ට ම මුං රිංගනව මේකට සියලු පක්ෂ විරුද්ධ විය යුතුයි
Deleteජවිපාවුන්ගේ එකම ඉලක්කය වන සන්නද්ධ කැරැල්ලකට ද යන්න හදන්නෙ කියලා බයක් ඇති වෙනවා.
ReplyDeleteclean sri lanka mahmolakaru:
Deletesugeeshwarada
ටිල්වින් අයියට මම නං පුක උනත් දෙනවා
ReplyDeleteමේ මොඩ බූරුවන් සදහා වෙනම ගාල් හදා දෙන්න එපැයි.
ReplyDeleteකෙලින්ම චීනේ වගේ. චීනේ හැම ලොකු කොම්පැනියකම, හැම ආණ්ඩුවේ කන්තෝරුවකම සී.සී.පී පක්ෂයේ කවුරු හරි ඉන්නවා.
ReplyDeleteචීනේ නායකයට රට ගොඩ ගන්න දැක්මක් තියෙනවා, සැලැස්මක් තියෙනවා.
Deleteඒ දැක්ම, සැලැස්ම අනුව රට ආර්ථික වශයෙන් ගොඩ දාලා තියෙනවා. ලංකාවේ ගොන් හැත්තට ඔය මොකුත් නැහැ.
උන්ට ඕන පක්ශෙ උන්ගේ අතේ බලය තියාගන්න විතරයි. රට හදන්නවත්, මිනිස්සුන්ට සෙතක් සලසන්න වත් කිසිම උවමනාවක් නැහැ.