පිම්මේ උඩගිය රුපියල අද නවතී..

 ශ්‍රී ලංකා මහ බැංකුවේ නවතම විදේශ විනිමය දත්තයන්ට අනුව, අද (22) දින ඇමරිකානු ඩොලරයක මිලදී ගැනීමේ අගය රුපියල් 342.67 ක් ලෙසත්, විකිණීමේ අගය රුපියල් 353.17 ක් ලෙසත් සටහන්ව ඇත.

මීට පෙර දිනයේ (21) ඩොලරයේ ගැනුම් අගය රුපියල් 342.63 ක් සහ විකුණුම් අගය රුපියල් 354.03 ක් වූ අතර, එය 2023 මාර්තු 02 වැනිදායින් පසුව වාර්තා වූ ඉහළම අගයන් බව මහ බැංකු දත්ත පෙන්වා දුන්නේය.

බලපත්‍රලාභී වාණිජ බැංකු අංශය දෙස බැලීමේදී, ඩොලරය විකුණනු ලබන මිල ගණන්වල සුළු අඩුවීමක් අද (22) දින නිරීක්ෂණය වේ. ඊයේ (21) ඇතැම් බැංකුවල ඩොලරයක විකුණුම් මිල රුපියල් 354.00 ක මට්ටමකට ඉහළ ගොස් තිබුණ ද, අද වන විට එම අගයන් රුපියල් 349 ත් රුපියල් 354 ත් අතර සීමාවක පවතී.