ඉරානය සමග ගිවිසුම් ගත වුනා.. තෙල් නැවුවල එන්ජින් පණගන්වන්න.. - ට‍්‍රම්ප්

 ඇමෙරිකා එක්සත් ජනපදය සහ ඉරාන ඉස්ලාමීය ජනරජය අතර නව එකඟතා ගිවිසුම සාර්ථකව අත්සන් කර අවසන් වූ බව ඇමෙරිකානු ජනාධිපති ඩොනල්ඩ් ට්‍රම්ප් මහතා නිල වශයෙන් ප්‍රකාශ කරයි.

සිය ‘Truth Social’ සමාජ මාධ්‍ය ගිණුම ඔස්සේ විශේෂ නිවේදනයක් නිකුත් කරමින් ඔහු මේ බව තහවුරු කළේය. 

මෙම ඓතිහාසික එකඟතාවත් සමඟ, ලෝක වෙළෙඳපොළට අතිශය වැදගත් සන්ධිස්ථානයක් වන හෝමූස් සමුද්‍ර සන්ධිය  කිසිදු ගාස්තුවකින් තොරව විවෘත කිරීමටත්, එම කලාපයේ පනවා තිබූ ඇමෙරිකානු නාවික හමුදා අවහිරතා වහාම ක්‍රියාත්මක වන පරිදි ඉවත් කිරීමටත් ඒකගව ඇත.

"ලෝකයේ සියලුම නැව්වල ඇන්ජින් පණගන්වන්න, තෙල් ගලායාමට ඉඩ හරින්න" යැයි පවසමින් ට්‍රම්ප්  ගෝලීය වෙළෙඳ ප්‍රජාවට සුබ පැතුම් එක්කර තිබේ. 

සාම මඟ මඟහැරියහොත් ‘අවසාන විකල්පය’ ලෙස ගුවන් ප්‍රහාර එල්ල කරන බවට කලින් කළ අනතුරු ඇඟවීම මෙම ගිවිසුම අත්සන් කිරීමට පෙර, එනම් පසුගිය සති අන්තයේ ට්‍රම්ප් තැබූ සටහනක දැක්වුණේ, මෙම නව ගිවිසුම ඉරානයට න්‍යෂ්ටික අවි කරා යාමට නොහැකි වන පරිදි දැමූ ‘පවුරක්’ වනු ඇති බවයි.

එහිදී ඔහු වඩාත් ආන්දෝලනාත්මක ප්‍රකාශයක් කරමින් කියා සිටියේ, මෙම සාමකාමී එකඟතාවන්ට පැමිණීමට අපොහොසත් වුවහොත්, ඇමෙරිකානු බී-2 ප්‍රහාරක බෝම්බ හෙලන යානා යොදවා ඉරානයේ කඳුකර ප්‍රදේශවල සඟවා ඇති න්‍යෂ්ටික ද්‍රව්‍ය විනාශ කරමින් නැවත වරක් ප්‍රහාර එල්ල කරන බවයි.

එසේ සාම ගිවිසුමකට නොපැමිණියේ නම්, මින් පෙර කිසිදා භාවිත කර නොමැති ‘අවසාන විකල්පය’ වෙත යාමට තමන් පසුබට නොවන බවට ද හිටපු ජනාධිපතිවරයා දැඩිව අනතුරු අඟවා තිබුණි.