විනිසුරු විශ්‍රාම දීර්ඝ කිරීමට අප ඒකමතිකව විරුද්දයි..- අධිකරණ සේවා සංගමය ජනපතිට ලිඛිතව දැනුම් දේ..

- BBC Sinhala

 

ශ්‍රේෂ්ඨාධිකරණ සහ අභියාචනාධිකරණ විනිසුරුවරුන්ගේ ව්‍යවස්ථාපිත විශ්‍රාම වයස දීර්ඝ කිරීම සම්බන්ධයෙන් තම සංගමයේ සාමාජිකයන් විරුද්ධ බව ඒකමතිකව ප්‍රකාශ කර ඇතැයි මහේස්ත්‍රාත්වරුන්ගෙන් සහ දිසා විනිසුරුවරුන්ගෙන් සැදුම්ලත් අධිකරණ සේවා සංගමය ජනාධිපති අනුර කුමාර දිසානායකට ලිඛිතව දැනුම් දී ඇත.

අධිකරණ සේවා සංගමයේ වැඩබලන සභාපති චාමර වික්‍රමනායකගේ අත්සනින් යුතු ලිපියක් මගින් ජනාධිපති අනුර කුමාර දිසානායකට මේ බව දැනුම් දී තිබේ.

ජනාධිපති අනුර කුමාර දිසානායකට යැවූ ලිපියේ පිටපත් අග්‍රාමාත්‍ය හරිනි අමරසූරිය, කතානායකවරයා, අධිකරණ සහ බන්ධනාගාර කටයුතු ප්‍රතිසංස්කරණ අමාත්‍යාංශයේ ලේකම්වරිය සහ අධිකරණ කොමිසමේ ලේකම්වරයා වෙත ද යොමු කර ඇත.

විනිසුරුවරුන් විශ්‍රාම යාමේ වයස දීර්ඝ කිරීම සම්බන්ධයෙන් අධිකරණ සේවා සංගමයේ සාමාජිකයින්ගේ මතය විමසීම සඳහා ඉකුත් ජූලි 11 වන දා විශේෂ මහා සභා රැස්වීමක් පැවති බවත්, එම විශේෂ මහා සභා රැස්වීම අතරතුර අදාළ කාරණාව සම්බන්ධයෙන් සාමාජිකයන්ගේ මතය දැන ගැනීම සඳහා රහසිගත ඡන්ද විමසීමක් පැවැත්වූ බවත් ජනාධිපතිවරයාට එම ලිපියෙන් දැනුම් දී තිබේ.

එම රහසිගත ඡන්ද විමසීමේදී සියලු ම සාමාජිකයන් විනිසුරුවරුන්ගේ විශ්‍රාම වයස දීර්ඝ කිරීම සම්බන්ධයෙන් ඒකමතිකව සිය විරුද්ධතාව ප්‍රකාශ කර ඇතැයි ද දැනුම් දී ඇත.

උපරිමාධිකරණ විනිසුරුවරුන් ඇතුළු සියලු ම විනිසුරුවරුන්ගේ විශ්‍රාම යාමේ වයස දීර්ඝ කිරීම සම්බන්ධයෙන් තමන් එකඟ නොවන බව අධිකරණ සේවා සංගමයේ සියලු ම සාමාජිකයන් ඒකමතිකව දැනුම් දී ඇති බව ද අදාළ ලිපිය මගින් ජනාධිපතිවරයාට වැඩිදුරටත් දැනුම් දී තිබේ.

පසුගිය ජූලි 11 වන දා පැවති අධිකරණ සේවා සංගමයේ රැස්වීමට එහි සාමාජිකයින් 65 දෙනෙකු සහභාගි වී ඇති අතර එහිදී පැවති රහසිගත ඡන්ද විමසීමේදී සියලු ම දෙනා අධිකරණ විනිසුරුවරුන්ගේ විශ්‍රාම යාමේ වයස් සීමාව දීර්ඝ කිරීමට විරුද්ධව සිය මතය ප්‍රකාශ කර තිබිණි.

මෙම රැස්වීම පැවැත්වීමට පෙර දිනයේදී සිකුරාදා (ජූලි 10) අධිකරණ සේවා සංගමයේ සභාපතිවරයා ලෙස කටයුතු කරන කොළඹ කොටුව මහේස්ත්‍රාත් පසන් අමරසේන සිය තනතුරෙන් ඉල්ලා අස්වීමට කටයුතු කර තිබීම ද විශේෂත්වයකි.

උපරිමාධිකරණ විනිසුරුවරුන්ගේ විශ්‍රාම යාමේ වයස සීමාව වසර 2කින් දීර්ඝ කිරීමට රජය ගෙන ඒමට සූදානම් වන යෝජනාවක් සම්බන්ධයෙන් සමාජය තුළ මේ වන විට සංවාදයක් නිර්මාණය වී තිබේ.

නව ක්‍රමවේදයට අනුමැතිය හිමිවුවහොත් පිළිවෙළින් ශ්‍රේෂ්ඨාධිකරණ විනිසුරුවරුන්ගේ විශ්‍රාම යාමේ වයස අවුරුදු 67ක් දක්වා ද, අභියාචනාධිකරණ විනිසුරුවරුන්ගේ විශ්‍රාම යාමේ වයස අවුරුදු 65ක් දක්වාත් දීර්ඝ කිරීමට රජයේ සූදානමක් ඇති බවට ඇතැම් පාර්ශව සඳහන් කරති.

දැනට ක්‍රියාත්මක ක්‍රමවේදය අනුව, ශ්‍රේෂ්ඨාධිකරණ විනිසුරුවරුන්ගේ විශ්‍රාම යාමේ වයස් සීමාව අවුරුදු 65ක් වන අතර අභියාචනාධිකරණ විනිසුරුවරුන්ගේ වයස සීමාව අවුරුදු 63ක් වේ.

1978 ආණ්ඩුක්‍රම ව්‍යවස්ථාව ප්‍රකාශයට පත් කළ අවස්ථාවේ සිට පවතින අභියාචනාධිකරණ විනිසුරුවරයෙකුගේ විශ්‍රාම වයස වන අවුරුදු 63 සීමාවත් ශ්‍රේෂ්ඨාධිකරණ විනිසුරුවරයෙකුගේ විශ්‍රාම වයස වන අවුරුදු 65 සීමාවත් අත්තනෝමතික ලෙස වෙනස් නොකළ යුතු බවට සඳහන් කරමින් ශ්‍රී ලංකා නීතිඥ සංගමය ජනාධිපතිවරයා වෙත ලිපියක් යොමු කළේ, පසුගිය මැයි 25 වන දා ය.

මෙලෙස උපරිමාධිකරණවල විනිසුරුවරුන්ගේ විශ්‍රාම වයස දීර්ඝ කිරීම සඳහා ආණ්ඩුක්‍රම ව්‍යස්ථා සංශෝධනයක් සිදු කළ යුතු බව නීතිඥ සංගමය පෙන්වා දී තිබේ.

එම සංගමය තවදුරටත් පෙන්වා දෙන්නේ, මේ සඳහා පමණක් ආණ්ඩුක්‍රම ව්‍යවස්ථා සංශෝධයක් ගෙන ඒම මගින් මහජනතාව රජයේ අභිප්‍රායන් සම්බන්ධයෙන් ප්‍රශ්න කිරීමට ඉඩ ඇති බව ය.

මේ අතර, උපරිමාධිකරණ විනිසුරුවරුන් ඇතුළු අධිකරණ විනිසුරුවරුන්ගේ විශ්‍රාම වයස දිගු කිරීම සඳහා ආණ්ඩුක්‍රම ව්‍යවස්ථාව සංශෝධනය කිරීම සම්බන්ධයෙන් නීතිඥ ප්‍රජාවේ ස්ථාවරය පිළිබඳ වැඩිදුර කරුණු දැක්වීම සඳහා සෙනසුරාදා [ජූලි 4] ශ්‍රී ලංකා නීතිඥ සංගමය විසින් 'පොදු සංවාදය' නමින් වැඩසටහනක් සංවිධානය කරනු ලැබ තිබිණි.

එහිදී මහාචාර්ය සාවිත්‍රි ගුණසේකර, මහාචාර්ය දීපිකා උඩුගම, නීතිඥ ජෙෆ්රී අලගරත්න ඇතුළු විද්වතුන් රැසක් එම සංවාදය අමතනු ලැබූහ.

එම විද්වතුන් එහිදී අදහස් දක්වමින් ප්‍රකාශ කළේ, විනිසුරුවරුන්ගේ විශ්‍රාම යාමේ වයස් සීමාව තවදුරටත් දීර්ඝ කිරීම නුසුදුසු බව ය.

විශ්‍රාමික වයසේ පසුවන කෙනෙක් ගන්නා තීන්දු සීයට සියයක් ම නිවැරදි නොවීමට ඉඩ ඇති බවත්, මෙම වෘත්තීය අනෙක් වෘත්තීන් මෙන් නොව රටේ පොදු මහජනතාවගේ ජීවිත සමග සිදුකරන ගනුදෙනුවක් බවත් පෙන්වා දුන් එම විද්වත්තු වයසින් වැඩි විනිසුරුවරුන් විසින් ගන්නා තීරණ වැරදි වුවහොත් එය රටේ නීති පද්ධතිය කෙරෙහි රටේ පොදු මහජනතාවගේ පවතින විශ්වාසය බිඳ වැටීමට ඉඩ ඇති බව ද කරුණු දක්වමින් පෙන්වා දුන්හ.

මීට කලකට පෙර හොංකොං රාජ්‍යයේ විනිසුරුවරුන්ගේ විශ්‍රාම යාමේ වයස දීර්ඝ කිරීමට එරට රජය පියවර ගත්තේ ය. එම තීරණය දෝෂ සහිත බව පෙන්වා දුන් එරට හිටපු අගවිනිසුරුවරයා සිය නියමිත වයස සම්පුර්ණ වූ දිනයේදී අගවිනිසුරු ධූරයෙන් විශ්‍රාම ගොස් ඇති බවත්, එම අගවිනිසුරුවරයාගෙන් පසුව ධූරයට පත්වූ විනිසුරුවරුන් සිව්දෙනෙකු ද ඔවුන්ගේ නියමිත වයසේදී ධූරයෙන් විශ්‍රාම ගොස් තිබෙන බවත් මෙම වැඩසටහනේදී සඳහන් විය.

ජූනි මස 26 වන දා ශ්‍රේෂ්ඨාධිකරණයේ සහ අභියාචනාධිකරණයේ විනිසුරුවරුන්ගේ විශ්‍රාම යාමේ වයස ඉහළ දැමීම අරමුණු කර ගත් යෝජිත ආණ්ඩුක්‍රම ව්‍යවස්ථා සංශෝධන සමග ඉදිරියට යාමෙන් වළකින ලෙස ආසියා සහ පැසිෆික් කලාපීය නීති සංගමය (LAWASIA) නිවේදනයක් නිකුත් කරමින් ශ්‍රී ලංකා රජයෙන් ඉල්ලා සිටියේ ය.

එවැනි පියවරක් අධිකරණ ස්වාධීනත්වය සහ රටේ නීති පද්ධතිය කෙරෙහි මහජන විශ්වාසය අඩපණ කළ හැකි බවට එම සංගමය අනතුරු අඟවයි.

මේ අතර, ශ්‍රේෂ්ඨාධිකරණ සහ අභියාචනාධිකරණ විනිසුරුවරුන්ගේ විශ්‍රාම යාමේ වයස දීර්ඝ කිරීම සඳහා වන ව්‍යවස්ථා සංශෝධනයක් සිදු නොකරන ලෙස කොළඹ නීති සංගමය ද ජනාධිපති අනුර කුමාර දිසානායකගෙන් ඉල්ලා සිටින අතර, එවැනි පියවරක් අධිකරණයේ ස්වාධීනත්වය පිළිබඳ මහජන විශ්වාසයට හානි කළ හැකි බවට එම සංගමය අනතුරු අඟවා ඇත.

2026 ජූලි 2 දිනැති ලිපියක් ජනාධිපතිවරයා වෙත යොමු කරමින් එම සංගමය පැවසුවේ, ඉහළ අධිකරණ විනිසුරුවරුන්ගේ විශ්‍රාම යාමේ වයස ඉහළ දැමීම සඳහා වාර්තා වී ඇති යෝජනාව පිළිබඳ සාකච්ඡා කිරීමෙන් පසු තම විධායක කමිටුව ඒකමතිකව තම ස්ථාවරය මෙලෙස දැනුම් දීමට තීරණය කළ බව ය.

උපරිමාධිකරණ විනිසුරුවරුන් විසින් ලබා දෙන ලද වටිනා දායකත්වය සංගමය අගය කරන නමුත්, ව්‍යවස්ථාපිතව සඳහන් කර ඇති විශ්‍රාම යන වයසට අදාළව සිදුකරනු ලබන ඕනෑ ම වෙනසකමක් පිළිබඳව සලකා බැලිය යුත්තේ අදාළ සියලු පාර්ශ්වකරුවන් සමග පුළුල් උපදේශනයකින් පසුව පමණක් බව එම සංගමය ජනාධිපතිවරයා වෙත යොමු කර ඇති ලිපිය මගින් අවධාරණය කර ඇත.

වත්මන් අගවිනිසුරු ප්‍රීති පද්මන් සූරසේන එම ධූරයේ තවත් කාලයක් තබා ගැනීමට රජය මෙම ක්‍රියාමාර්ගය ගැනීමේ ප්‍රයත්නයක නිරත බවට ඇතැම් පාර්ශව විවිධ අවස්ථාවලදී චෝදනා එල්ල කර තිබේ.

වත්මන් අගවිනිසුරුවරයාගේ සේවා කාලය අවසන් වීමෙන් පසුව එම තනතුර සඳහා පත් කිරීමට සුදුසුකම් ලබන්නේ ශ්‍රේෂ්ඨාධිකරණයේ සිටින ජ්‍යෙෂ්ඨතම විනිසුරුවරයා ය.

ඒ අනුව ශ්‍රේෂ්ඨාධිකරණයේ මේ වන විට ජ්‍යෙෂ්ඨත්වයට අනුව ඉහළින් ම සිටින ශ්‍රේෂ්ඨාධිකරණ විනිසුරුවරුන් වන්නේ යසන්ත කෝදාගොඩ, ඒ.එච්.එම්.ඩී. නවාස්, ඒ.එල්. ශිරාන් ගුණතිලක, ජනක් ද සිල්වා, අචල වෙංගප්පුලි සහ මහින්ද සමයවර්ධන ය.

ජූනි මස 26 වන දා පාර්ලිමේන්තුවේදී අදහස් දක්වමින් ජනාධිපති අනුර කුමාර දිසානායක සඳහන් කළේ, උපරිමාධිකරණවල විනිසුරුවරුන් පත් නොකිරීම පිළිබඳව තමන් අගවිනිසුරුවරයාගෙන් විමසීමක් සිදුකළ බව ය.

එම කරුණ සම්බන්ධයෙන් අගවිනිසුරුවරයා දීර්ඝ කරුණු පැහැදිලි කිරීමක් එවා ඇති බව ද එහිදී ජනාධිපතිවරයා පැවසුවේ ය.

නීතිය හොඳින් පසිඳලමින් වින්දිතයන්ට යුක්තිය ඉටු කිරීමට වෙහෙස වන අතර අධිකරණයක් පාලනය කිරීමේ අවශ්‍යතාවක් කිසිසේත් ම නොමැති බව ජනාධිපතිවරයා පාර්ලිමේන්තුවේදී අදහස් දක්වමින් සඳහන් කළේ ය.

විනිසුරුවරුන්ගේ හිඟය හේතුවෙන් අධිකරණ කිහිපයක් වසා දැමීමට සිදුව ඇති බවත්, ඉදිරියේදී එම තත්ත්වය මග හරවා ගැනීම සඳහා නව මහේස්ත්‍රාත්වරුන් බඳවා ගැනීම සඳහා අධිකරණ සේවා කොමිෂන් සභාව කටයුතු කරමින් සිටින බවත් ජනාධිපතිවරයා තවදුරටත් ප්‍රකාශ කළේ‍ ය.

"අද මහේස්ත්‍රාත් අධිකරණ කීපයක් වැහිලා තිබෙනවා. නීතිපතිතුමා විසින් ත්‍රිපුද්ගල මහාධිකරණයක් ඉල්ලා තිබෙනවා. ඒත් ත්‍රිපුද්ගල මහාධිකරණ පත් කරන්න විනිසුරුවන් නැතුව ඉන්නවා. සමහර තැන්වල හදපු ත්‍රිපුද්ගල මහාධිකරණවල විනිසුරුවන් වැඩිපුර කටයුතු කරමින් සිටිනවා. ඒ නිසා පහළ විශාල පුරප්පාඩු ප්‍රමාණයක් තිබෙනවා. ඒ අනුව පහළ බඳවා ගැනීම් සිදු කරමින් ඉදිරියට යන්න ඕන.

දැනට අධිකරණ කොමිෂන් සභාව අවසර දුන්නා අලුතින් මහේස්ත්‍රාත්වරුන් පනස් දෙනෙකු බඳවා ගැනීමට. මා දන්නා පරිදි දැන් සම්මුඛ සාකච්ඡා පවත්වමින් තිබෙනවා. ඒකෙන් තිස් තුන්දෙනෙක් තමයි තෝරාගෙන තිබෙන්නේ. ඔවුනුත් සම්මුඛ පරීක්‍ෂණවලට සහභාගී වූවාට පසු කී දෙනෙක් තෝරා ගනීදැයි මා දන්නේ නෑ. ඒ ධාරිතාව තිබෙන පිරිස අපි මේ ක්‍ෂේත්‍රයට ගත යුතුයි.

"එනිසා උපරිමාධිකරණයේ විනිසුරුවන් පත් කිරීම පිළිබඳ තීරණය අපි ගන්න ඕන පහළ අධිකරණ කඩා වැටෙන්න ඉඩ නොදී," ජනාධිපතිවරයා පැවසුවේ ය.

මේ අතර විනිසුරුවරුන්ගේ විශ්‍රාම යාමේ වයස දීර්ඝ කිරීම සම්බන්ධයෙන් රජයේ ස්ථාවරය කුමක් ද? යන්න සම්බන්ධයෙන් බීබීසී සිංහල අධිකරණ අමාත්‍ය හර්ෂණ නානායක්කාරගෙන් විමසීමක් කළේ ය.

එහිදී අධිකරණ අමාත්‍යවරයා පැවසුවේ, ඒ පිළිබඳ මෙතෙක් නිල තීරණයක් ගෙන නොමැති බව සහ ඒ පිළිබඳව සාකච්ජා කරමින් පවතින බව ය.

"විනිසුරුවරුන්ගේ විතරක් නෙමෙයි තවත් වෘත්තිකයින් ගැනත් සාකච්ජා කරමින් පවතිනවා. තව ම නිල වශයෙන් තීරණයක් අරන් නැහැ," අමාත්‍යවරයා වැඩිදුරටත් පැවසුවේ ය.

BBC

---

Judicial Service Association Expresses Opposition to Proposed Increase in Retirement Age for Judges

The Judicial Service Association has formally declared its collective opposition to a proposed extension of the retirement age for Supreme Court and Appellate Court judges. This announcement was conveyed in a written communication to President Anura Kumara Dissanayake, signed by the association's active president, Chamara Vikramanayake.

Copies of this letter have been dispatched to several key figures, including Prime Minister Harini Amarasuriya, the Speaker, the Secretary to the Ministry of Judicial and Prison Reforms, and the Secretary of the Judicial Commission.

A special general meeting of the association held on July 11 aimed to gauge members' opinions regarding the proposed increase in retirement age. During this meeting, a confidential ballot was conducted to ascertain members’ views, and the outcome indicated unanimous opposition to any extension of the retirement age for judges.

The letter further affirmed that all members of the Judicial Service Association, including those in the appellate courts, do not support plans to increase the retirement age.

On July 11, the meeting saw participation from 65 members, all voicing their resistance against any changes to the retirement age for judges. Notably, the president of the association, who serves as the Colombo Fort magistrate, Pasan Amarasinghe, resigned from his position just a day before this pivotal gathering.

The government is reportedly contemplating proposals to extend the retirement age for appellate court judges by two years, a development that has sparked public discussion.

Should this new policy be approved, it is suggested that the retirement age for Supreme Court judges would be raised to 67 years, while Appellate Court judges would see an increase to 65 years. Currently, the retirement ages stand at 65 and 63 years for the Supreme Court and Appellate Court judges, respectively.

In a letter sent on May 25, the Bar Association of Sri Lanka emphasized the necessity to maintain these retirement ages, established by the 1978 Constitution, without amendments, asserting that changing these ages would require constitutional amendments.

During a recent public discussion organized by the Bar Association under the theme 'Public Dialogue', prominent legal scholars, including Professor Savithri Gunasekara and Attorney-at-Law Jeffrey Alagaratnam, highlighted their concerns about the implications of extending the retirement age for judges. They argued that allowing older judges to make decisions could undermine public trust in the legal system, given that their judgment may not be as sound.

The legal community has raised comparisons with Hong Kong, where an increase in the retirement age for judges led to controversial outcomes, emphasizing the importance of maintaining strict retirement limits to preserve judicial integrity.

On June 26, the Asia-Pacific Regional Law Association (LAWASIA) expressed its apprehension, urging the Sri Lankan government to refrain from proceeding with proposed constitutional amendments aimed at raising the retirement ages for appellate judges, warning that such actions could diminish judicial independence and public trust in the legal system.

In light of the ongoing discussions and concerns, the Colombo Law Association also called upon President Dissanayake to avoid implementing reforms that could jeopardize the independence of the judiciary. They conveyed their position in a letter dated July 2, after deliberating over reports pertaining to the proposed increase in retirement age.

The current Chief Justice, Priithipal Wickramanayake, has faced accusations regarding efforts to prolong his tenure through these proposed measures. Once his term concludes, the most senior judge from the Supreme Court will be appointed as his successor, with several nominees currently considered for this role.

In a recent parliamentary session, President Dissanayake acknowledged having consulted the Chief Justice about abstaining from appointing appellate judges, indicating that the Chief Justice had provided lengthy clarifications on the matter.

While addressing the challenges facing the judiciary and the need for more judges due to shortages caused by recent court closures, the President reiterated that measures are underway to recruit new magistrates.

"Multiple magistrate courts are currently without judges, and the Attorney General has requested the establishment of a tri-member High Court. However, there aren’t enough judges to fill these positions. It is essential to recruit more judges to prevent further court closures," he stated.

The President's inquiry into the government's stance regarding the increase in retirement age for judges was made to the Minister of Justice, Harshana Nanayakkara, who clarified that no formal decision has yet been made, reaffirming that discussions continue on this and other professional concerns.

"We are not only discussing judges but also other professions. No formal decision has been taken yet," the Minister confirmed.

BBC

*Note: In case of any discrepancy between the Sinhala and English versions, the Sinhala version shall prevail.