ජනාධිපතිට අධිකරණට ගැන උපදෙස් දුන් ප‍්‍රවීණයන් රහසක්..

 ජනාධිපතිවරයා කියනවා අධිකරණ විෂයපථය පිළිබඳව ජ්‍යේෂ්ඨයන්ගෙන් සහ ප්‍රවීණයන්ගෙන් උපදෙස් ගත්තා කියලා. ​දැන් අපි දැනගන්න කැමතියි මේ ජනාධිපතිතුමාට උපදෙස් දෙන ජ්‍යේෂ්ඨයෝ සහ ප්‍රවීණයෝ කවුද යැයි ශ්‍රීලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

ඔහු මේ බව ප්‍රකාශ කලේ නෙළුම් මාවත ශ්‍රී ලංකා පොදුජන පෙරමුණේ පක්ෂ මූලස්ථානයේදී මාධ්‍යවේදීන් නැගූ ප්‍රශ්නවලට පිලිතුරු දෙමිනි.

මෙහිදී වැඩිදුරටත් අදහස් දැක්වූ නාමල් රාජපක්ෂ මහතා, 

දැන් ජනාධිපතිවරයා පැහැදිලිවම මේ රටේ අධිකරණයේ ස්වාධීනත්වය කෙරෙහි බලපාන කාරණයක් සම්බන්ධයෙන් අත්තනෝමතික තීරණයක් ගන්නවා. දැන් ජනාධිපතිවරයා කියනවා විෂයපථය පිළිබඳව ජ්‍යේෂ්ඨයන්ගෙන් සහ ප්‍රවීණයන්ගෙන් උපදෙස් ගත්තා කියලා.

​දැන් අපි දැනගන්න කැමතියි මේ ජනාධිපතිතුමාට උපදෙස් දෙන ජ්‍යේෂ්ඨයෝ සහ ප්‍රවීණයෝ කවුද? දැන් රටේ නීතිඥ සංගමය ඒකට විරුද්ධයි නම්, ගරු විනිශ්චයකාරවරුන්ගේ විරෝධයක් තියෙනවා නම්, පොදුරාජ්‍ය මණ්ඩලීය නීතිඥ සංගමය, ආසියාතික නීතිඥ සංගමය, UN එක මේ පිළිබඳව තමන්ගේ මතය විරුද්ධව ප්‍රකාශ කරලා තියෙනවා නම්, එහෙමත් නැත්නම් මේ පිළිබඳව පැහැදිලි දැක්මක් නැති බව අධිකරණයේ ස්වාධීනත්වයට බලපාන්න හැකියි කියන ආකාරයෙන්, හැකියි කියන කාරණය සම්බන්ධයෙන් ජනාධිපතිවරයාට දැනුවත් කරලා තියෙනවා නම්, ඉතින් මේ ජනාධිපතිවරයා ගන්න අවදානම පිළිබඳව නම් මට හිතාගන්න බෑ.

​හැබැයි ඉතින් අවදානම කෙසේ වෙතත් ජනාධිපතිතුමා කාගේ හරි අවධානය යොමු කරගන්න දඟලන බවක් නම් පේනවා. හැබැයි මේ ජනාධිපතිතුමා මේ වැඩේ කරලා කාගේ අවධානයද යොමු කරගන්නේ කියන කාරණය පිළිබඳව අපි විමසිල්ලෙන් බලන් ඉන්නවා. මොකද අවදානමක් නම් පේන්න නෑ, හැබැයි අවධානයක් ගන්න නම් ජනාධිපතිවරයා ලෑස්ති වෙන බව පේනවා.

​ජනාධිපතිතුමා මුහුණ දීලා තියෙන අත්දැකීම් අනුව එතුමාට එහෙම හිතෙනවා ඇති. මොකද 159ක් මල් පැල ගෙනාවනේ ජ්‍යේෂ්ඨයෝ ඕන නෑයි කියලා. ඒ ගෙනාවට පස්සේ ජනාධිපතිවරයාට හිතෙනවාද දන්නේ නෑ මලකෙළියයි, කරගත්ත වැඩේ අපරාධයක්, ඒ හින්දා අත්දැකීම් තියෙන මිනිස්සු හිටියා නම් හොඳයි කියලා ජනාධිපතිවරයාට හිතෙනවාද දන්නෙත් නෑ.

​හැබැයි ඒක එතුමාගේ දේශපාලන කියවීම. හැබැයි ඉතින් මේ රටේ රාජ්‍ය ආයතන වෙන්න පුළුවන්, අධිකරණ පද්ධතිය වෙන්න පුළුවන්, ආයතන වල ක්‍රියාකලාපය සහ ඒ ආයතන වල පැවැත්ම සඳහා නොයෙක් තීන්දු තීරණ ගත යුතුයි. ඉතින් ඒ වගේම තමයි මේ රටේ අධිකරණ ක්ෂේත්‍රය ගත්තම, නීති ක්ෂේත්‍රය ගත්තම, පළපුරුද්දක් තියෙන, දැක්මක් තියෙන සහ විශාල පිරිසක් මේ ක්ෂේත්‍රය ඇතුලේ ඉන්නවා.

​තවමත් ජනාධිපතිවරයාට පුරප්පාඩු පුරවගන්න බැරි නම්, ඉතින් කාලෙ දික් කරා කියලා පුරප්පාඩු පිරෙන්නේ නෑනේ. පහළ උසාවි සහ හයිකෝට් නැත්නම් ඉහළ උසාවි ප්‍රමාණය වැඩි කරගන්නේ නැතුව, වයස වැඩි කරා කියලා ප්‍රශ්නය විසඳෙන්නේ නෑනේ. ඉතින් මේ වෙනකොටත් තාම ජනාධිපතිවරයාට කන්ටේනර් 323 පන්නපු කෙනා හොයාගන්න බැරි නම්, අර කුඩු කන්ටේනර් දෙක වරායෙන් පන්නපු එක්කෙනා හොයාගන්න බැරි නම්, තමන් මුදල් ඇමති, මේ ජනාධිපති නේද?

​මේ රටේ මුදල් ඇමතිවරයා ඉන්නේ අනුර කුමාර දිසානායක ජනාධිපතිවරයා. ඉතින් එයාගේ ගිණුමෙන් හැකර් කෙනෙක් පැනලා සල්ලි හොරකම් කරේ කවුද කියලා හොයාගන්න බැරි නම්, ඉතින් එතනින් එහාට ඉතින් මේ ජනාධිපතිවරයා කාගේ වයස් සීමාව දික් කරත් ප්‍රතිඵලය කොච්චරම තමයි. ඉතින් මේ නිදහසට කරුණු හොයන්නේ. ඉතින් ඒ හින්දා ඒක තමයි මං කිව්වේ පැහැදිලිවම අපි, අපි අවධානයෙන් ඉන්නවා ජනාධිපතිතුමා කාගේ අවධානය දිනාගන්නද දඟලන්නේ කියලා.

​ජනාධිපතිවරයා හොඳට කතා කරනවා. අපි දැක්කනේ ඉතින් එතුමාගේ දේශපාලන ඉතිහාසයේ ඉඳන් හොඳට කතා කරනවා. අර ලැම්බෝගිනි ගැන කිව්වා, රත්තරන් අස්සයෝ ගැන කිව්වා, ඉතින් එතුමා හොඳ කථිකයෙක්. හැබැයි ඉතින් අනිත් පැත්තෙන් එතුමා අද වෙනකම් මල්වත්තේ අස්ගිරිය මහනායක හාමුදුරුවන්ගේ ලිපිය සම්බන්ධයෙන් පිළිතුරක් දුන්නද නැද්ද කියන ප්‍රශ්නාර්ථයත් තියෙනවා. ඉතින් මහනායක හාමුදුරුවෝ යම්කිසි කාරණයක් මතු කරාම ජනාධිපතිවරයාට යුතුකමක් තියෙනවා ඒ පිළිබඳව උත්තරයක් දෙන්න. දුන්නාද නැද්ද කියලා, නැත්නම් දුන්නා නම් එතුමා කියන්න ඕනේ දුන්නා කියලා, නැත්නම් ඉතින් නෑ.

​අනිත් පැත්තෙන් ඉතින් දැන් ජනාධිපතිවරයා බලනකොට තනියමනේ සාකච්ඡා කරලා තියෙන්නේ. මාධ්‍ය බැලුවාම ජනාධිපතිතුමා තනියම සාකච්ඡා කරලා තියෙන්නේ. නීතිඥ සංගමය අහපු ප්‍රශ්නයක්වත්, තමන් ඉදිරිපත් කරපු කාරණයක්වත් මාධ්‍යයට නිදහස් කරලා, මාධ්‍යයට රිලීස් කරලා නෑනේ. එතකොට දැන් මේ ජනාධිපතිතුමා තනියම සාකච්ඡා කරපු කාරණයක ප්‍රකාශයක් තමයි මාධ්‍යයට දාලා තියෙන්නේ. ඉතින් ජනාධිපතිවරයා ඔය කියන තරම් අවංක නම් අඩුම ගානේ නීතිඥ සංගමය විසින් ඉදිරිපත් කරපු කාරණාවත්, අඩු ගානේ ආණ්ඩුවට වාසි කාරණා කෑල්ලවත් මාධ්‍යයට ඉදිරිපත් කරන්න ඕනේ.

​ඉතින් එහෙමවත් ඉදිරිපත් නොකර ජනාධිපතිවරයාගේ ප්‍රකාශය පමණක් ඉදිරිපත් කෙරුවා නම්, ඉතින් ඒකෙත් මං දැක්කා දැන් ජනාධිපතිවරයා කියනවා මේ ඕන වෙලාවක යන්න ලෑස්තියි කියලා. හැබැයි ඉතින් ජනාධිපතිතුමාගේ ගෝලයෝ බලන් ඉන්නවා පාර්ලිමේන්තුවේ අවුරුදු 20ක් ඉන්න. එයාලා අවුරුදු 20ක් ඉන්න බලන් ඉන්නකොට මෙන්න මෙහෙ යන්න ලෑස්ති වෙලා. ඉතින් පැහැදිලිවම ආණ්ඩුව තමන්ගේ අවශ්‍යතාවය ඉටු කරගන්න, ආණ්ඩුවේ පැවැත්ම සඳහා මේ රටේ අධිකරණ පද්ධතියත් ජනතාවත් පාවලා දෙන තැනට අද පත් වෙලා තියෙනවා.

​සීගිරියත් කඩන් ඇවිල්ලා පෝට් සිටි එක හදපු අයනේ දැන් ආණ්ඩු කරන්නේ? ඒ කියන්නේ සීගිරියත් ගලවන් ඇවිල්ලා පෝට් සිටි එක හදන්න ඕනේ කියපු අය තමයි ආණ්ඩු කරන්නේ. හැබැයි ඉතින් අපේ ගමේ මහ පොළවේ පය ගහලා ඉන්නවා. ඉතින් අපිට වැල්ලත් එකයි ඇලත් එකයි, කමතත් එකයි, කුඹුරත් එකයි, හේනත් එකයි.

ආණ්ඩුවවෙන් අසාධාරණයට ලක්වෙන ඕනෑම පුරවැසියෙක් වෙනුවෙන් අපි පෙනී හිටිනවා. ඒක ගමේද, නගරයේද, ජාත්‍යන්තරයේද කියන එක අපිට අදාළ නෑ.

​අද ආණ්ඩුව පැහැදිලිවම මේ රටේ ජනතාවගේ ප්‍රශ්න වලට ඇහුම්කන් දෙන්නේ නෑ. අද ගම්වල ජනතාව ඉතාමත් අසරණ වෙලා තියෙනවා. තමන්ට වී ටික විකුණගන්න නෑ, පොහොර ටික වේලාවට ලැබෙන්නේ නෑ, ආදායම් වැටිලා තියෙනවා. තවත් පැත්තකින් පහුගිය දිට්ඨවා සුළි කුණාටු වෙලාවේ නාය ගියපු, කඩන් ගියපු, වැව් අමුණු, ඇලවේලි, නිවාස ඉදිකරන්න ආණ්ඩුව මැදිහත් වෙලා නෑ තාම.

​ඒ වගේම තමයි මේ රටේ කර්මාන්තශාලා වැහෙනවා. ඉතින් රැකියා අහිමි වෙනවා. ඉතින් මේවට ආණ්ඩුව උත්තරයක් දෙන්න ඕනේ. ඉතින් උත්තර දෙන්නේ නැතුව රාජපක්ෂලාට බැන බැන හිටියා කියලා ඉතින් ප්‍රශ්න විසඳෙන්නේ නෑ.

​අනුරාධපුර දිස්ත්‍රික්කයේ අපි සමුළුවක් කරන්න බලාපොරොත්තු වෙනවා දිස්ත්‍රික් රැස්වීමක්. ඉතින් විශේෂයෙන්ම ගොවි ජනතාවගේ සටනට දායකත්වය දෙන්න පුළුවන් රැස්වීමක් බවට අපි ඒක පරිවර්තනය කරනවා.

​නෑ ඉතින් අපි හිතන්නේ නැති ගොඩාක් දේවල් මේ අය හිතනවනේ, මේ ආණ්ඩුව. දැන් උදාහරණයකට සීගිරිය කඩලා පෝට් සිටි එක හදන්න වෙයි කියලා හිතුවා. අධිවේගී මාර්ගය හැදුවාම බල්ලෝ බලල්ලුන්ට පාර මාරු වෙන්න බැහැ කියලා හිතුවා. ඉතින් ඒවා අපි හිතුවේ නැති දේවල්. මොකද අපි හිතුවේ නෑ සීගිරිය කඩන්න වෙයි කියලා මේ පෝට් සිටි එක හදනකොට. අපි හිතුවේ නෑ හයිවේ එක හදනකොට මේ බල්ලෝ බලල්ලු තරහා වෙයි කියලා පාර මාරු කරගන්න විදියක් නැතුව.

​ඉතින් අපි හිතන්නේ නැති ගොඩාක් දේවල් මේ ආණ්ඩුව හිතනවා. හැබැයි ඉතින් කෘෂිකර්මාන්තයට තාක්ෂණය ගේන එක හොඳයි. ඉතින් ජනාධිපතිතුමා සහ මේ ආණ්ඩුව මොකක් හරි ක්‍රමයකට කෘෂිකර්මාන්තයට අවශ්‍ය තාක්ෂණය සහ දැනුම ගේනවා නම් ඒක ලොකු දෙයක්.

---

Opposition Questions President’s Legal Advisory Sources

Controversy arose as National Organizer of the Sri Lanka Podujana Peramuna, Member of Parliament Namal Rajapaksha, expressed interest in the identities of the legal experts advising the President on judiciary matters. Rajapaksha's remarks followed the President's announcement that he sought guidance from senior legal figures on issues concerning the independence of the judiciary.

Speaking to reporters at the party headquarters in Nelum Mawatha, Rajapaksha emphasized the need to identify who these senior experts are. He underlined the gravity of the situation, pointing out that if the Bar Association of Sri Lanka and other legal bodies express opposition to the President’s decisions, it could significantly impact the independence of the judiciary.

He further asserted, “If various legal organizations, including international associations, have voiced dissenting opinions, then we must seriously consider the potential implications on judicial independence.” Rajapaksha expressed concern regarding the President's decision-making process, stressing that the need for clarity and transparency has never been more critical in these discussions.

Namal Rajapaksha criticized the government's approach, remarking that the President appears to be attempting to draw attention to certain issues while failing to address significant national concerns. He pointed out that while the President’s statements are compelling, they are not backed by actions to resolve ongoing issues.

He highlighted the challenges faced by ordinary citizens in rural areas, many of whom are struggling to sell their produce and are suffering from delayed access to fertilizer. Rajapaksha noted that the government's lack of response to these pressing issues leaves much to be desired.

Moreover, Rajapaksha criticized the government’s ineffectual handling of various state institutions and warned that failure to address the real concerns of the populace could lead to dire consequences for both the judiciary and the citizens.

In light of the current situation, he announced plans for a district-level meeting in Anuradhapura aimed at empowering farmers and engaging them in activism for their rights. Determined to address the plight of the agricultural community, Rajapaksha asserted that it is crucial for the government to take decisive steps toward ensuring accountability and justice.

The comment about the recent controversies surrounding infrastructure projects such as the construction of the Port City, raised eyebrows. He questioned the logic behind prioritizing such ambitious plans while neglecting local grievances and the preservation of natural landmarks like Sigiriya.

Rajapaksha reiterated the opposition’s commitment to standing up for citizens facing injustice and emphasized the importance of a cooperative dialogue with the public regarding agricultural advancements and technological adoption in the sector.

*Note: In case of any discrepancy between the Sinhala and English versions, the Sinhala version shall prevail.