නල්ලූර්හි තිලීපන් ප‍්‍රතිමාව රජයෙන් ඉවත් කල යුතුයි.. නැතොත් අපි ඉවත් කරනවා.. හිරේ යන්න ලෑස්තියි..

 යාපනය, නල්ලූර් ප්‍රදේශයේ, 2026 සැප්තැම්බර් 15 වන දින ඉදිකරන ලද එල්.ටී.ටී.ඊ සංවිධානයේ සාමාජිකයෙකු වූ තිලීපන්ගේ ප්‍රතිමාව වහාම ඉවත් කරන ලෙසත්, එය ස්ථාපිත කිරීමට වගකිවයුත්තන්ට එරෙහිව නීතිමය පියවර ගන්නා ලෙසත් සර්වජන බලය යාපනය දිස්ත්‍රික් සංවිධායක අරුන් සිද්ධාර්ථ් මහතා රජයෙන් ඉල්ලා සිටී.

රජය විසින් එම ප්‍රතිමාව ඉවත් කිරීමට අපොහොසත් වුවහොත්, එල්.ටී.ටී.ඊ. සංවිධානයෙන් පීඩාවට පත් දෙමළ, මුස්ලිම් සහ සිංහල ජනතාව සංවිධානය කර තමන් විසින්ම ප්‍රතිමාව ඉවත් කරන බවද ඒ මහතා වැඩිදුරටත් ප්‍රකාශ කළේය. එවැනි ක්‍රියාවක් සිදු කිරීමේදී අවශ්‍ය වුවහොත් සිරගත වීමට වුවද තමන් සූදානම් බව ඔහු පැවසීය.

ඔහු මේ අදහස් පළ කළේ  ඔහුගේ කාර්යාලයේ පැවති මාධ්‍ය හමුවකදීය.

මාධ්‍ය අමතමින් සිද්ධාර්ථ් මහතා වැඩිදුරටත් මෙසේද ප්‍රකාශ කළේය.

“මේ මොහොත වන විටත් එල්.ටී.ටී.ඊ සංවිධානය ශ්‍රී ලංකාව තුළ තහනම් ත්‍රස්තවාදී සංවිධානයක් ලෙස පවතී. එසේ තිබියදීත්, ඇතැම් පුද්ගලයින් විසින් එල්.ටී.ටී.ඊ සාමාජිකයෙකු වන තිලීපන්ගේ ප්‍රතිමාවක් යාපනයේ නල්ලූර් හි පොදු ස්ථානයක ඉදිකර තිබෙනවා.

‘බිඳුනු තල්රුක’ (The Broken Palmyra) කෘතියට අනුව, තිලීපන් යාපනයේ එල්.ටී.ටී.ඊ දේශපාලන අංශ නායකයා ලෙස කටයුතු කරන සමයේ, 1987 ජූලි 2 වැනිදා යාපනයේ උරුම්පිරායි ප්‍රදේශයේදී දෙමළ තරුණයන් ඝාතනය කර විදුලි කණුවක ගැටගැසීමේ සිදුවීමට පෞද්ගලිකව සම්බන්ධ වී තිබෙනවා.

'බිඳුනු තල්රුක’ කෘතිය ඔහු ගැන මෙසේ විස්තර කරනවා:

“තිලීපන් හදිසියේ අවිහිංසාවාදයට මාරු වී සිටියේ නැහැ. එල්.ටී.ටී.ඊ. දේශපාලන අංශයේ නායකයා ලෙස ඔහු ප්‍රචණ්ඩකාරී පසුබිමේ ප්‍රබල කොටස්කරුවෙකු වුණා.”

මෙම කරුණු ‘බිඳුනු තල්රුක’ (The Broken Palmyra) කෘතියේ 303, 304 සහ 306 පිටුවල ලේඛනගත කර තිබෙනවා.

‘බිඳුනු තල්රුක’ කෘතිය මානව හිමිකම් සඳහා වූ විශ්වවිද්‍යාල ආචාර්යවරුන්ගේ (යාපනය) සංවිධානයේ සාමාජිකයින් විසින් රචනා කරන ලද්දක් වන අතර, ඊට දිවයින පුරා සිටින විශ්වවිද්‍යාල විද්වතුන් 300 කට අධික පිරිසකගේ දායකත්වය ලැබී තිබෙනවා. ඊට දායක වූවන්ගෙන් කිහිප දෙනෙක්ම මානව හිමිකම් ආරක්ෂකයින් සඳහා වන මාටින් එනල්ස් සම්මානය (Martin Ennals Award) ඇතුළු ජාත්‍යන්තර පිළිගැනීමට ලක්වූ මහාචාර්යවරුන් වනවා. මෙම ප්‍රකාශනය මගින් තිලීපන්ට එරෙහිව ඇති ප්‍රචණ්ඩකාරී ක්‍රියා පිළිබඳ චෝදනා ලේඛනගත කර ඇති අතර ඊට අදාළ සාක්ෂි ද සපයනවා.

එබැවින් පැන නගින ප්‍රශ්නය නම්: ශ්‍රී ලංකාවේ ත්‍රස්තවාදය වැළැක්වීමේ පනත බලාත්මකව පවතින විට, තහනම් ත්‍රස්තවාදී සංවිධානයකට සම්බන්ධ පුද්ගලයෙකු අනුස්මරණය කරන ප්‍රතිමාවක් ප්‍රසිද්ධ ස්ථානයක මෙතරම් විවෘතව ඉදිකරන්නේ කෙසේද යන්නයි.

ප්‍රතිමාව ඉදිකිරීම පමණක් නොව, එල්.ටී.ටී.ඊ ය සහ එහි ප්‍රචණ්ඩත්වය උත්කර්ෂයට නංවන ගීත ද එම ස්ථානයේ වාදනය කර ඇති බව වාර්තා වනවා.

මෙම නීතිවිරෝධී ක්‍රියාවට වගකිවයුත්තන් සම්බන්ධයෙන් ත්‍රස්තවාදය වැළැක්වීමේ පනතේ අදාළ විධිවිධාන යටතේ විමර්ශනය කර, සුදුසු නීතිමය පියවර ගෙන, වගකිවයුත්තන් අධිකරණය හමුවට පමුණුවන ලෙස අපි රජයෙන් ඉල්ලා සිටිනවා.

තිලීපන්, කුට්ටිමනි සහ තංගතුරෙයි වැනි පුද්ගලයින්ගේ ප්‍රතිමා ඉදිකරනවා වෙනුවට, මේ රටට සහ සමාජයට සේවය කළ විද්වතුන් සහ බුද්ධිමතුන් ඇගයීම සඳහා ප්‍රතිමා ඉදිකළ යුතුයි.

යාපනයේදී අප ගෞරව කළ යුත්තේ, යාපනය විශ්වවිද්‍යාලයේ හිටපු උපකුලපති මහාචාර්ය තුරෙයිරාජා මෙන්ම මහාචාර්ය රාජිනි තිරණගම, මහාචාර්ය කෝපාලසිංහම් ශ්‍රීධරන්, මහාචාර්ය රාජන් හූල් සහ මහාචාර්ය දයා සෝමසුන්දරම් වැනි විද්වතුන්ට සහ බුද්ධිමතුන්ටයි.

අපේ සමාජය දැනුම අගය කරන සමාජයක් විය යුතු නම්, අප විසින් සැමරිය යුත්තේ අපේ සමාජයේ ප්‍රගමනය වෙනුවෙන් කැපවූ විද්වතුන් සහ බුද්ධිමතුන්වයි. ඔවුන් අපේ දරුවන්ගේ ආදර්ශමත් චරිත බවට පත් කළ යුතුයි.

ලොව පුරා සමාජයන්, තමන්ගේ ප්‍රජාවන්ට දායකත්වය ලබාදුන් විද්වතුන්ට, බුද්ධිමතුන්ට සහ පුද්ගලයින්ට ගෞරව කිරීම සාමාන්‍ය සිරිතයි. නමුත් මෙහිදී ප්‍රචණ්ඩත්වයට සහ ත්‍රස්තවාදයට සම්බන්ධ පුද්ගලයින්ව ප්‍රතිමා මගින් සමරන විට, අනාගත පරපුරට ප්‍රචණ්ඩත්වය සහ ත්‍රස්තවාදය උත්කර්ෂයට නැංවීමට උගන්වනු ඇතැයි යන අවදානමක් පවතිනවා.

සමාජයේ මනස තුළ වල් පැල සිටුවමින් ඔවුන් අස්වැන්නක් බලාපොරොත්තු වෙනවා. ඔබ සිටුවන්නේ වල් පැල නම්, අනාගත පරපුරට උරුම වන්නේද වල් පැලයි.

අවසාන වශයෙන්, යුද්ධයක ජයග්‍රාහකයින් නොමැති බවත්, අවසානයේදී සියලු දෙනාම පරාජයට පත්වන බවත් තම දරුවන්ට කියා දෙන ලෙස මම දෙමළ දෙමාපියන්ගෙන් සහ අපේ ප්‍රජාවේ සාමාජිකයින්ගෙන් ඉල්ලා සිටිනවා. යුද්ධයේ වීරයන් නොමැති බවත්, යුද්ධයේ කිසිදු කීර්තියක් නොමැති බවත් ඔබේ දරුවන්ට උගන්වන්න.

යුද්ධ වළක්වා ගැනීමේ ගෞරවයක් ඇති බවත්, යුද්ධ වළක්වමින් මිනිස් ජීවිත ආරක්ෂා කරන පුද්ගලයින් වීරයන් ලෙස සිහිපත් කර ගෞරව කළ යුතු බවත් ඔවුන්ට උගන්වන්න.

---

Calls to Remove LTTE Member's Statue Prompt Defiance in Northern Sri Lanka

In a bold move, Arun Siddharth, the district coordinator for the Sri Lanka People's Power in Jaffna, has urged the government to take immediate action to remove a statue honoring Thileepan, a member of the now-defunct Liberation Tigers of Tamil Eelam (LTTE), unveiled on September 15, 2026, in the Nanthikadal area. Siddharth is also calling for legal action against those responsible for erecting the statue.

If the government fails to act, he has declared that he and others from the Tamil, Muslim, and Sinhala communities will take matters into their own hands by removing the statue themselves, even if it means facing incarceration. These comments were made during a media briefing held at his office.

Addressing the media, Siddharth emphasized the present-day legal status of the LTTE as a banned terrorist organization in Sri Lanka. He questioned the audacity of individuals who would erect a statue of Thileepan in a public space in Nanthikadal, despite this designation.

According to "The Broken Palmyra," a detailed work on Sri Lankan history, Thileepan had personal ties to the massacre of Tamil youths on July 2, 1987, in the Urumpirai area of Jaffna during his tenure as the LTTE's political wing leader.

The book describes Thileepan as someone who did not sporadically shift to non-violence but was a prominent figure in a climate of radical violence, further solidifying his controversial legacy.

This troubling history is documented in various sections (pages 303, 304, and 306) of "The Broken Palmyra," a publication crafted by a coalition of university lecturers concerned with human rights, which has contributions from over 300 academic experts across the nation. Some contributors have been recognized internationally, including recipients of the prestigious Martin Ennals Award for human rights defenders.

This raises pressing questions: How can a statue commemorating an individual associated with a banned terrorist organization be so publicly displayed while anti-terrorism laws are actively in force in Sri Lanka?

Reports suggest not only the statue's installation but also that songs glorifying the LTTE and its violent ideologies have been publicly performed at the site.

Siddharth further called on the government to properly investigate those responsible for this illegal act under the provisions of the anti-terrorism laws and to bring them to justice.

He pointed out that instead of commemorating figures like Thileepan, society should honor individuals and intellectuals who have contributed positively to the nation and community. He named esteemed figures such as former University of Jaffna Deputy Vice-Chancellor Professor Thurairajah and other prominent academics as worthy of recognition.

To foster a society that values knowledge, Siddharth posits that citizens should celebrate those who have dedicated themselves to the progression of the community, transforming them into role models for future generations.

Globally, it's customary for communities to honor scholars and contributors to their societies; however, the glorification of violent figures poses a risk of normalizing extremism for future generations.

The metaphoric seeds planted today will yield similar crops tomorrow. If one's roots intertwine with violence, what legacy will future generations inherit?

In conclusion, he urges Tamil parents and community members to convey to their children that there are no victors in warfare and that eventually all participants face defeat. It is vital to impart that there are no heroes in warfare, nor any glorious legacies associated with it.

Instead, Siddharth encourages a cultural shift to honor those who prevent war and protect human lives, thus redefining what constitutes valor and heroism in society.

*Note: In case of any discrepancy between the Sinhala and English versions, the Sinhala version shall prevail.