මැදපෙරදිග කලාපයේ උද්ගතව ඇති භූ-දේශපාලනික නොසන්සුන්තාව සහ යුද බිය හේතුවෙන් ජාත්‍යන්තර තෙල් වෙළඳපොළේ බ්‍රෙන්ට් (Brent) බොරතෙල් මිල මාස පහක ඉහළම අගය සටහන් කරද්දී, ඊට හාත්පසින්ම වෙනස් ආකාරයකින් මැදපෙරදිග සැබෑ භෞතික තෙල් වෙළඳපොළේ (Physical Crude Market) මිල ගණන් සීඝ්‍රයෙන් පහත වැටෙමින් පවතින බව බලශක්ති ක්ෂේත්‍රයේ ප්‍රමුඛතම වෙබ් අඩවියක් වන OilPrice.com වාර්තා කරයි.
ජාත්‍යන්තර වෙළඳපොළ දත්තවලට අනුව, ගෝලීය මිණුම්දණ්ඩක් වන බ්‍රෙන්ට් බොරතෙල් බැරලයක මිල ඊයේ දිනයේදී ඩොලර් 116.72ක් දක්වා සියයට 3.14කින් ඉහළ ගිය අතර, ඇමෙරිකානු ඩබ්ලිව්.ටී.අයි (WTI) බොරතෙල් මිල ද සියයට 3.82කින් ඉහළ ගොස් ඩොලර් 103.27ක් ලෙස සටහන් විය.
මීට අමතරව, ඕපෙක් (OPEC) තෙල් කූඩයේ මිල ඩොලර් 115.09ක් ලෙසත්, මර්බන් (Murban) බොරතෙල් මිල ඩොලර් 118.00ක් සහ ඉන්දීය තෙල් කූඩයේ මිල ඩොලර් 119.99ක් දක්වාත් ඉහළ ගොස් තිබේ. රුසියානු යූරල් (Urals) බොරතෙල් මිල ද ඩොලර් 106.24 දක්වා ඉහළ ගොස් ඇති අතර, ස්වභාවික වායු (Natural Gas) මිල සියයට 5.58කින් පහත වැටී ඇත.
වෙළඳපොළේ තෙල් මිල මෙලෙස ශීඝ්‍රයෙන් ඉහළ යන්නේ මැදපෙරදිග යුද ගැටුම් උත්සන්න වී තෙල් සැපයුම මුළුමනින්ම ඇනහිටිනු ඇතැයි ආයෝජකයන් තුළ පවතින බිය හේතුවෙනි. එහෙත් සැබෑ භෞතික තෙල් වෙළඳපොළේ තත්ත්වය ඊට හාත්පසින්ම වෙනස් බව වෙළෙඳුන් උපුටා දක්වමින් බ්ලූම්බර්ග් පුවත් සේවය පෙන්වා දෙයි.
ඉරාකය සහ ඕමානය වැනි රටවලින් ලබාගන්නා ඇතැම් බොරතෙල් වර්ග, ඩුබායි මිණුම්දණ්ඩට (Dubai Benchmark - $110.50) වඩා විශාල වට්ටම් (Discounts) සහිතව අලෙවි කිරීමට සිදුව තිබේ.
නිදසුනක් ලෙස, මීට මසකට පෙර ඩුබායි මිලට සමානව අලෙවි වූ ඉරාකයේ ‘බස්රා මීඩියම්’ (Basrah Medium) බොරතෙල් බැරලයක්, මේ වන විට ඩුබායි මිණුම්දණ්ඩට වඩා ඩොලර් 10ක දැවැන්ත වට්ටමක් සහිතව අලෙවි වන බව වාර්තා වේ. එමෙන්ම ඩුබායි මිලට සාපේක්ෂව ඕමාන් බොරතෙල් සඳහා අය කළ අධිභාරය පසුගිය ජූලි මස අග භාගයෙන් පසු වාර්තා වූ අවම මට්ටම දක්වා කඩා වැටී ඇත.
භෞතික තෙල් මිල මෙලෙස පහත වැටීමට ප්‍රධාන හේතුව වී ඇත්තේ, පර්සියානු ගල්ෆ් කලාපයෙන් හෝමූස් සමුද්‍ර සන්ධිය හරහා සිදුකෙරෙන තෙල් ප්‍රවාහනය අඩාල නොවී අඛණ්ඩව ඉහළ මට්ටමක පැවතීමයි. මැදපෙරදිග තෙල් නිෂ්පාදකයන් හෝමූස් සමුද්‍ර සන්ධිය හරහා කෙටි දුර ප්‍රවාහන නෞකා වේගවත් කර ඇති අතර, ඕමාන් මුහුදු තීරයේදී නෞකාවකින් තවත් නෞකාවකට තෙල් මාරු කිරීමේ ක්‍රමවේදය ඔස්සේ ආසියානු ගැණුම්කරුවන්ට තරගකාරී අඩු මිලකට තෙල් ලබාදීමට පියවර ගෙන තිබේ.
පසුගිය මාර්තු මාසයේදී හෝමූස් සමුද්‍ර සන්ධිය වැසී යාමේ අවදානම හමුවේ ඕමාන්-ඩුබායි තෙල් මිල පරතරය ඩොලර් 65 දක්වා අහස උසට නැගුණු නමුත්, සැපයුම් යථා තත්ත්වයට පත්වීමත් සමඟ මේ වන විට භෞතික තෙල් සැපයුම ඉල්ලුමට වඩා ඉහළ ගොස් මිල පහළ වැටෙමින් පවතී.
Geopolitical Tensions Drive Brent Crude Prices to New Highs, While Physical Oil Market Experiences Decline
Recent geopolitical unrest and fears of conflict in the Middle East have propelled Brent crude oil prices to their highest levels in five months on international markets. However, contrary to this surge, the physical crude oil market is witnessing a sharp decline in prices, as reported by the prominent energy website, OilPrice.com.
International market data indicates that the benchmark Brent crude reached $116.72 per barrel yesterday, marking a 3.14% increase. Similarly, U.S. West Texas Intermediate (WTI) crude also saw a rise of 3.82%, climbing to $103.27 per barrel.
Additionally, the price of OPEC crude rose to $115.09, while Murban crude oil hit $118.00, and Indian crude reached $119.99. The price of Russian Urals crude increased to $106.24, although natural gas prices dropped by 5.58%.
This rapid increase in oil prices on the market stems from investor fears that ongoing conflicts in the Middle East may completely disrupt oil supplies. However, traders point to a contrasting situation in the actual physical crude oil market, as highlighted by Bloomberg News.
Certain oil grades sourced from countries like Iraq and Oman are being sold at significant discounts compared to the Dubai benchmark price, which currently stands at $110.50. For instance, Iraq's Basrah Medium crude, which was sold at a rate comparable to the Dubai price a month ago, is now being offered at a staggering $10 discount.
Furthermore, the premiums applied to Omani crude relative to the Dubai price have plummeted to their lowest levels since mid-July, following previous highs.
The primary contributor to this drop in physical oil prices is the continuous and uninterrupted flow of oil transportation through the Strait of Hormuz in the Persian Gulf region. Middle Eastern oil producers have expedited short-distance shipping through the Strait, and a system of transferring oil from one vessel to another off the Omani coast has allowed Asian buyers access to competitively lower prices.
Back in March, there were fears that the Strait of Hormuz might close, causing price differentials between Oman and Dubai crude to soar up to $65. However, with supply levels stabilizing, the current situation reflects a surplus in the physical oil supply, leading to a downward trend in prices.
*Note: In case of any discrepancy between the Sinhala and English versions, the Sinhala version shall prevail.
ලංකාවට ලෝකෙ තෙල් මිල ඉහළ ගියාට කිසි ප්‍රශ්නයක් නෑ.දැන් ජනාධිපතිවෙලා ඉන්න හුණ්ඩුවා! ඒ දවස්වල ලෝකෙ මිල ඉහළ ගියහම ලංකාවේ මිල ඉහළ යවන්න ජනාධිපති කෙනෙක් මොකටද කියලා අහපු එකෙක්.ඌ ගාන වැඩි කරන්නේ නෑ
ReplyDelete