ඩීසල්වලට 70ක සහනාධාරයක් සමග මිල වැඩි කලත් සමාගම්වලට පාඩුයි..

 

ලෝක වෙළෙඳපොළේ සීඝ්‍රයෙන් ඉහළ යන බොරතෙල් මිල හමුවේ පාරිභෝගිකයන් මෙන්ම ඉන්ධන බෙදාහරින සමාගම්ද මුහුණ දී ඇති දැඩි පීඩනය අවම කිරීම සඳහා, කැබිනට් මණ්ඩලය විසින් අනුමත කරන ලද රුපියල් බිලියන 41ක ඉන්ධන සහනාධාරය යටතේ ඩීසල් ලීටරයකට රුපියල් 70ක සහනයක් ලබා දීමට රජය පියවර ගෙන ඇතැයි බලශක්ති ඇමැති අනුර කරුණාතිලක මහතා ප්‍රකාශ කළේය.

ජාත්‍යන්තර වෙළෙඳපොළේ ඉන්ධන මිල ඉහළ යාමේ සම්පූර්ණ බර එකවර පාරිභෝගිකයන් මත පැටවීම වැළැක්වීම මෙම සහනාධාරයේ මූලික අරමුණ බව ඇමැතිවරයා පෙන්වා දෙයි.

ගෝලීය තෙල් මිල ශීඝ්‍රයෙන් ඉහළ යාම හේතුවෙන් වත්මන් මිල සූත්‍රය යටතේ මෙරට ඉන්ධන බෙදාහරින සමාගම් විවිධ මට්ටමේ පාඩු ලබන බව වාර්තා කර ඇතැයි පැවසූ ඇමැතිවරයා, ඒ අනුව එක් එක් සමාගම් විසින් ඩීසල් ලීටරයකින් රුපියල් 120 සිට රුපියල් 247 දක්වා පාඩු ලබන බවට ගණනය කර ඇති බවත්, ඒ අනුව ලීටරයකට රුපියල් 135, රුපියල් 247, රුපියල් 192 සහ රුපියල් 120 ආදී වශයෙන් එම පාඩු වාර්තා වී ඇති බවත් සඳහන් කළේය.

මෙම රුපියල් බිලියන 41ක සහනාධාර මුදල ඉදිරි මාස තුන තුළ මුදාහැරීමට රජය සැලසුම් කර ඇති අතර, ඒ අනුව ඔක්තෝබර් මාසය සඳහා රුපියල් බිලියන 15ක්, නොවැම්බර් මාසය සඳහා රුපියල් බිලියන 13.5ක්, දෙසැම්බර් මාසය සඳහා රුපියල් බිලියන 12.5ක් වශයෙන් වෙන් කරනු ලැබේ.

මෙම සහනාධාරය අදාළ මාසය තුළ එක් එක් බෙදාහැරීමේ සමාගම අලෙවි කරනු ලබන ඩීසල් ධාරිතාව පදනම් කරගනිමින් ගණනය කිරීමට නියමිතය.

ඩීසල් ලීටරයකට ලබාදෙන රුපියල් 70ක සහනය මඟින් ඉන්ධන සමාගම් පෙන්වා දෙන සම්පූර්ණ පාඩුව පියවා ගත නොහැකි බව පිළිගත් ඇමැතිවරයා, ඒ අනුව වැඩි වූ පිරිවැයෙන් කොටසක් තවදුරටත් දරාගැනීමට එම සමාගම්වලට සිදුවන බවද කියා සිටියේය. කෙසේ වෙතත්, ඉන්ධන වෙළෙඳපොළ තුළ පවතින අර්බුදය ලිහිල් කරමින් සාමාන්‍ය ජනතාව වෙත දැඩි මිල කම්පනයක් එල්ල වීම වැළැක්වීම මෙමඟින් අපේක්ෂා කරන බව හෙතෙම අවධාරණය කළේය.

ඇතැම් ඉන්ධන බෙදාහැරීමේ සමාගම් ඩීසල් සැපයුම සීමා කිරීමට පටන් ගැනීම හේතුවෙන් ලංකා ඛනිජ තෙල් නීතිගත සංස්ථාව වෙත අමතර පීඩනයක් එල්ල වී ඇති බවද ඇමැතිවරයා සඳහන් කළේය. එසේ වුවද, වසර අවසානයේදී ඛනිජ තෙල් නීතිගත සංස්ථාව සමස්ත මූල්‍යමය පාඩුවක් වාර්තා නොකරනු ඇතැයි තමන් විශ්වාස කරන බව පැවසූ ඇමැති කරුණාතිලක මහතා, පෙට්‍රල්, ඩීසල් සහ ගුවන් යානා ඉන්ධන අලෙවිය මෙන්ම පිරිපහදු මෙහෙයුම් ඇතුළු සංස්ථාවේ අනෙකුත් පුළුල් වාණිජ මෙහෙයුම් හරහා උපයන ආදායම මඟින් එම අමතර පිරිවැය පියවා ගැනීමට හැකිවනු ඇති බව පෙන්වා දුන්නේය.

---

Government Unveils Rs. 41 Billion Fuel Subsidy Amid Rising Oil Prices

In response to the rapidly escalating global oil prices, the Sri Lankan government is set to introduce a fuel subsidy program amounting to Rs. 41 billion. This initiative will provide a relief of Rs. 70 per liter for diesel, as announced by the Minister of Power and Energy, Anura Yapa Karunaratne.

Karunaratne emphasized that the primary objective of this subsidy is to prevent the entire burden of rising international fuel costs from falling solely on consumers. He noted that the ongoing surge in global oil prices has placed local fuel distribution companies under severe financial strain, with reported losses ranging from Rs. 120 to Rs. 247 per liter for various companies.

The Minister pointed out that, under the current pricing formula, losses for diesel distribution have been calculated at levels of Rs. 135, Rs. 247, and Rs. 120 per liter, highlighting the urgency of addressing this issue.

The government plans to disburse the Rs. 41 billion in three installments over the next three months, allocating Rs. 15 billion for October, Rs. 13.5 billion for November, and Rs. 12.5 billion for December.

This subsidy will be calculated based on the diesel supply of each distribution company during the respective month. Despite the relief of Rs. 70 per liter, Karunaratne acknowledged that this assistance will not fully cover the substantial losses incurred by fuel companies, who will need to bear some of the increased costs themselves. He expressed hope that this measure would alleviate the significant market shocks faced by the public.

Furthermore, some fuel distribution companies have started to limit diesel supplies, adding extra pressure on the Ceylon Petroleum Corporation. However, Karunaratne expressed confidence that the corporation would not report an overall financial loss by the end of the year, attributing this to revenue generated from gasoline, diesel, aviation fuels, and other broader commercial operations.

*Note: In case of any discrepancy between the Sinhala and English versions, the Sinhala version shall prevail.