මාධ්‍යවේදී ප්‍රගීත් එක්නැලිගොඩ මහතා පැහැරගෙන ගොස් අතුරුදන් කිරීම සම්බන්ධයෙන් ගොනු කර ඇති නඩුව විභාගයට ගත් අවස්ථාවේදී, හිටපු එල්.ටී.ටී.ඊ. සාමාජිකයකු මෙන්ම නඩුවේ ප්‍රධාන සාක්ෂිකරුවකු වන සුමිතිපාල සුරේෂ් කුමාර් හෙවත් ‘මුරලි’ නමැත්තා අධිකරණය හමුවේ ආන්දෝලනාත්මක සාක්ෂියක් ලබා දුන්නේය.
කොළඹ විජේරාම මාවතේ පිහිටි ස්ථිර ත්‍රිපුද්ගල මහාධිකරණයේදී සභාපති විනිසුරු නයනා සෙනෙවිරත්න, නලින් හේවාවසම් සහ ලක්මාලි හේවාවසම් යන ත්‍රිපුද්ගල විනිසුරු මඬුල්ල හමුවේ මෙම නඩුව කැඳවනු ලැබිණි.
එහිදී දෙවන විත්තිකරු වෙනුවෙන් පෙනී සිටි නීතිඥ අසිත් සිරිවර්ධන මහතා විසින් සාක්ෂිකරුගෙන් හරස් ප්‍රශ්න විමසන ලදී. තමන් ප්‍රගීත් එක්නැලිගොඩ සමඟ සහෝදරයෙකු මෙන් සමීප ඇසුරක් පැවැත්වූ බව පිළිගත් සාක්ෂිකරු, එම සබඳතාව පිළිබඳව කොටි සංවිධානයේ තමිල්චෙල්වම්, බුද්ධි අංශ දෙවැනියා වූ ඥානවේල් සහ පොට්ටු අම්මාන් යන ඉහළ පෙළේ නායකයින් දැනුවත් කර තිබූ බව පැවසීය.
හිටපු ජනාධිපති මහින්ද රාජපක්ෂ මහතා ඉලක්ක කර ගනිමින් මිසයිල ප්‍රහාරයක් එල්ල කිරීම සම්බන්ධයෙන් හබරණදී සාකච්ඡා වූයේ දැයි නීතිඥවරයා ඇසූ ප්‍රශ්නයට සාක්ෂිකරු පිළිතුරු දෙමින් කියා සිටියේ, අදාළ ප්‍රකාශය පිළිබඳව පොට්ටු අම්මාන් දැනුවත් කළේ ඊට පෙරාතුව බවයි.
අනතුරුව නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජෙනරාල් වසන්ත පෙරේරා මහතා නැවත ප්‍රශ්න කිරීමේදී, ප්‍රගීත් එක්නැලිගොඩ තමන් සමඟ පැවසූ කරුණු පිළිබඳව සාක්ෂිකරු මෙසේ විස්තර කළේය.
"මමයි නාදන් සරුයි, එක්නැලිගොඩයි එකට කතා කර කර හිටියා. එතැනදී කිව්වා යුද්ධය ඉවර වුණාට සියලු ප්‍රශ්න ඉවර වෙන්නේ නැහැ කියලා. එතකොට එයා කිව්වා ඒක අද හිතුණත් වෙනස් කරන්න පුළුවන් කියලා. එතකොට අපි ඇහුවා ඒ කොහොමද කියලා. එයා කිව්වා ජනාධිපති, ඇමැතිලා ඔක්කොම එක ෆ්ලයිට් එකක නැඟලා යනකොට ඒ වෙලාවේ මිසයිලයක් ගැහුවහම ඔක්කොම ඉවරයි කියලා."
කෙසේවෙතත්, තමන් එම ප්‍රකාශය තේරුම් ගත්තේ කුමන ආකාරයෙන්දැයි නියෝජ්‍ය සොලිසිටර් ජෙනරාල්වරයා විමසූ විට සාක්ෂිකරු සඳහන් කළේ, එක්නැලිගොඩ මහතා එය උදාහරණයක් ලෙස සඳහන් කළ බවත් එය ඔහුගේ සාමාන්‍ය කතා විලාශය බවත්ය.
මේ අතර, නඩුවේ 90 වැනි සාක්ෂිකරු ලෙස නම් කර සිටින රාජ්‍ය බුද්ධි සේවයේ හිටපු ප්‍රධානී විශ්‍රාමික මේජර් ජෙනරල් සුරේෂ් සලේ මහතා ද විශේෂ පොලිස් ආරක්ෂාවක් යටතේ අධිකරණයට ඉදිරිපත් කෙරිණි.
බුද්ධි අංශය තුළ දුරකථන නිකුත් කිරීම, ලේඛන සහ බුද්ධි තොරතුරු වාර්තා හසුරුවන ආකාරය පිළිබඳව නියෝජ්‍ය සොලිසිටර් ජෙනරාල්වරයා එහිදී සුරේෂ් සලේ මහතාගෙන් කරුණු විමසීය. ඊට පිළිතුරු දෙමින් හෙතෙම සඳහන් කළේ, බුද්ධි තොරතුරුවල රහස්‍යභාවය හා නිලධාරීන්ගේ ජීවිත ආරක්ෂාව වෙනුවෙන් මෙහෙයුම් සඳහා භාවිත කරන දුරකථන වෙනත් පුද්ගලයින්ගේ නම්වලින් ලියාපදිංචි කිරීම සාමාන්‍ය බුද්ධි ක්‍රියා පටිපාටියක් බවයි. එමෙන්ම අධ්‍යක්ෂ මණ්ඩලයේ සෘජු මැදිහත්වීමකින් තොරව වෙනම නිලධාරීන් විසින් එම ලේඛන පවත්වාගෙන යන බව ද හෙතෙම පැහැදිලි කළේය.
ඉදිරිපත් වූ කරුණු සලකා බැලූ ත්‍රිපුද්ගල මහාධිකරණ විනිසුරු මඬුල්ල, නඩුවේ 53 සිට 58 දක්වා වන සාක්ෂිකරුවන්ට සිතාසි නිකුත් කරමින් නඩු විභාගය ලබන ඔක්තෝබර් 22 වැනිදා දක්වා කල් තැබීය.
High-Profile Testimony in Media Abduction Case Unfolds in Court
In a dramatic courtroom session, former LTTE member and key witness, Sumithipal Suresh Kumar, commonly known as 'Murali', provided compelling evidence regarding the abduction and disappearance of journalist Prageeth Eknaligoda. His testimony took center stage at the Colombo High Court located on Vijayarama Mawatha.
The proceedings, presided over by Judge Nayana Senewiratne, along with judges Nalin Hewawasam and Lakmali Hewawasam, delved into the intricate details surrounding the case.
Suresh Kumar acknowledged having a close, brotherly relationship with Eknaligoda, revealing that this bond was known to senior figures of the LTTE, including Tamilchelvan, intelligence second-in-command Gnanavel, and senior leader Pottu Amman.
In response to queries raised by attorney Asith Siriwardena, representing the second defendant, Kumar discussed discussions surrounding a missile attack targeting former President Mahinda Rajapaksa. He clarified that Pottu Amman was informed about the missile plan prior to any related statements made to him.
During a follow-up examination by Deputy Solicitor General Wasantha Perera, Kumar elaborated on the context of his conversations with Eknaligoda. He recounted, "We both discussed that even though the war was over, not all issues would be resolved. At that point, he commented that it could change today; we inquired how that might happen. He said that if the President and ministers all boarded the same flight and a missile was launched at that time, then it would all be over."
However, when questioned about his interpretation of those comments, Kumar clarified that Eknaligoda referred to the hypothetical scenario as a mere example illustrating his conversational style.
In a notable development, Major General (Retd) Suresh Saley, the former head of the state intelligence service and the 90th witness in the case, was brought before the court under specialized police protection. Deputy Solicitor General Perera sought details regarding the management of telephone records, documents, and intelligence information within the intelligence unit. Saley confirmed that using phone lines registered under other individuals for operational purposes is standard practice, aimed at ensuring the confidentiality of intelligence reports and the safety of officers involved. He further clarified that independent officers manage these records without direct intervention from the executive board.
After careful consideration of the presented evidence, the three-judge panel of the High Court has postponed the trial proceedings until October 22, granting freedom to witnesses numbered 53 to 58 during this interim period.
*Note: In case of any discrepancy between the Sinhala and English versions, the Sinhala version shall prevail.
එක්නැලිගොඩ දොන් ජුවන් ධර්මපාලගේ පරම්පරාවෙ එකෙක් වියයුතුයි.
ReplyDelete