නව අධ්‍යාපන ප්‍රතිසංස්කරණ ජනතාව වෙත ගෙන යන්නැයි අගමැතිනි මාධ්‍යට කියයි...

රටක ඉදිරි ගමන තීරණය වන්නේ අධ්‍යාපනය මත බැවින්, නව අධ්‍යාපන ප්‍රතිසංස්කරණ ක්‍රියාත්මක කිරීම පිළිබඳ ජාතික සංවාදයක් ඇති කරමින් එය ජනතාව වෙත රැගෙන යාමේ පුරෝගාමි පාර්ශ්වකරුවෙකු වන්නේ රටේ ජනමාධ්‍ය බව අධ්‍යාපන,උසස් අධ්‍යාපන හා වෘත්තිය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය ප්‍රකාශ කළා ය.

​නව අධ්‍යාපන ප්‍රතිසංස්කරණ පිළිබඳ සත්‍ය සහ නිවැරදි තොරතුරු ජනතාව වෙත සන්නිවේදනය කිරීම සඳහා සකස් කළ 'RIES' (Reform Information &  Enquiry Service) නිල වෙබ් අඩවිය එළිදැක්වීම සහ අධ්‍යාපන ප්‍රතිසංස්කරණ ක්‍රියාවලිය පිළිබඳ විද්‍යුත් හා මුද්‍රිත මාධ්‍ය ආයතන ප්‍රධානින් දැනුම්වත් කිරීම සඳහා අරලියගහ මන්දිරයේදී පැවති වැඩසටහනට එක්වෙමින් අග්‍රාමාත්‍යවරිය මේ බව සඳහන් කළා ය.

නව අධ්‍යාපන ප්‍රතිසංස්කරණ ක්‍රියාවලිය සම්බන්ධයෙන් නිවැරදි තොරතුරු ජනතාව වෙත සන්නිවේදනය කිරීම සඳහා විශේෂයෙන් සකස් කරන ලද 'RIES' (Reform Information & Enquiry Service) වෙබ් අඩවිය මෙහිදී නිල වශයෙන් එළිදැක්වීම ද අග්‍රාමාත්‍යවරියගේ සහභාගීත්වයෙන් සිදු කෙරිණි. ඒ අනුව, අධ්‍යාපන ප්‍රතිසංස්කරණ පිළිබඳ මහජන ගැටලු යොමු කිරීම සඳහා https://edureformfact.moe.gov.lk වෙබ් අඩවියට පිවිසිය හැකිය.

මෙහිදී වැඩිදුරටත් අදහස් දැක් වූ අග්‍රාමාත්‍යවරිය,

​මෙය විෂයමාලා වෙනසකට එහා ගිය සමස්ත අධ්‍යාපන ක්‍රමවේදයේම පරිවර්තනයක්. අපේ රටේ අනාගතය ගොඩනැඟෙන්නේ ගුණාත්මක අධ්‍යාපනයක් සමඟයි. ඒ නිසාම මේ නව අධ්‍යාපන ප්‍රතිසංස්කරණය අධ්‍යාපන අමාත්‍යාංශයේ වැඩකට එහා ගිය ජාතික කර්තව්‍යයක් ලෙස අපි දකිනවා. 

අපි මේ වැඩසටහනේ එක් අදියරක් 2026 පළමු ශ්‍රේණියෙන් ආරම්භ කළා. 2027 වසරේදී කනිෂ්ඨ ද්විතීයික  අංශයට එනම්, 6 ශ්‍රේණියට මෙම ප්‍රතිසංස්කරණ හඳුන්වා දීමට කටයුතු කරනවා, අධ්‍යාපන පද්ධතියේ සූදානම තහවුරු කරමින් ගුරු පුහුණු කිරීම්, යටිතල පහසුකම් සංවර්ධනය සහ ඩිජිටල්කරණය ඇතුළු ක්‍රමෝපායයන් රැසක් මේ වන විටත් ක්‍රියාත්මක කරමින් පවතිනවා. 

මේ මොහොතේදී ඔබේ දරුවෙක් හෝ මගේ දරුවෙක් අධ්‍යාපන පද්ධතිය තුළ නොසිටින්න පුළුවන්. නමුත් රටේ දරුවන්ගේ අධ්‍යාපනයේ අනාගතය මේ මත තීරණය වන නිසා ඒ වෙනුවෙන් ධනාත්මක සංවාදයක් ඇති කරමින් නව අධ්‍යාපන ප්‍රතිසංස්කරණයයට ක්‍රියාත්මක කිරීමට දායක වීම අප සියලු දෙනාගේ වගකීමක්. අපට විවිධ දේශපාලන මතවාද තියෙන්න පුළුවන්, නමුත් දරුවන්ගේ අධ්‍යාපනය දේශපාලන පොර පිටියක් ලෙස භාවිත නොකර සිටින එක වැදගත් යනුවෙන් ද අග්‍රාමාත්‍යවරිය සඳහන් කළා ය.

​නව අධ්‍යාපන ප්‍රතිසංස්කරණ පිළිබඳ විශේෂ දේශනයක් පැවැත්වූ අධ්‍යාපන, උසස් අධ්‍යාපන හා වෘත්තිය අධ්‍යාපන අමාත්‍යාංශයේ අධ්‍යාපන ප්‍රතිසංස්කරණ පිළිබඳ මහජනතාව දැනුම්වත් කිරීමේ අනු කමිටුවෙහි සහාපති මහාචාර්ය ප්‍රභාත් ජයසිංහ මහතා,

නව ප්‍රතිසංස්කරණ හරහා අධ්‍යාපන ක්ෂේත්‍රයේ සිදුවන ප්‍රධාන පරිවර්තන කිහිපයක් තියනවා. කටපාඩම් කරවීම මත පදනම් වූ ගුරු කේන්ද්‍රීය ක්‍රමයෙන් ඔබ්බට ගොස්, සිසුන් කේන්ද්‍ර කරගත්, ගැඹුරු සහ සත්‍ය ලෝකයේ අත්දැකීම් සමඟ බද්ධ වූ ඉගෙනුම් ක්‍රමයක් කරා යොමුවීම මෙහිදී සිදු වෙනවා. 

එහිදී සංජානන වර්ධනයට අමතරව ළමයාගේ චිත්තවේගීය, සමාජීය, ශාරීරික හා සදාචාරාත්මක සංවර්ධනය තහවුරු කිරීම තමයි අරමුණ වෙන්නේ.

​21 වැනි සියවසේ නිපුණතා රාමුව ලෙස මූලික සාක්ෂරතා (තාක්ෂණික, මූල්‍ය, මාධ්‍ය සහ විද්‍යාත්මක), අන්තර්පුද්ගල නිපුණතා (විවේචනාත්මක චින්තනය, සන්නිවේදනය) සහ වටිනාකම් පද්ධතියකින් දරුවන් සන්නද්ධ කිරීම මෙහිදී සිදු වෙනවා.

​විකල්ප ඉගෙනුම් මාර්ග අනුගමනය කරමින් සාමාන්‍ය අධ්‍යාපනය, වෘත්තීය අධ්‍යාපනය සහ තෘතීයික අධ්‍යාපනය එකිනෙක සම්බන්ධ කරමින්, 13 වන ශ්‍රේණිය දක්වා කිසිදු දරුවෙකු අතහැර නොදමන පුළුල් මාවතක් නිර්මාණය කිරීමත් නව අධ්‍යාපන ප්‍රතිසංස්කරණ තුළ සිදුවෙනවා.

​නව ඇගයීම් ක්‍රමවේද භාවිත කරමින් මෙතෙක් පවතින මතක තබා ගැනීම පරීක්ෂා කරන අවසාන විභාග ක්‍රමයෙන් මිදී, සිසුවාගේ විශ්ලේෂණ, නිර්මාණ සහ ගැටලු විසඳීමේ හැකියාවන් අඛණ්ඩව මනින ක්‍රමවේද හඳුන්වා දීම තුළින් අඛණ්ඩ ඇගයීම හරහා දරුවන්ගේ දක්ෂතාව තීරණය කිරීම මෙහිදී සිදු වන බවද මහාචාර්ය ප්‍රභාත් ජයසිංහ මහතා පැවසීය.

අනතුරුව මාධ්‍ය ආයතන ප්‍රධානින්, ජ්‍යෙෂ්ඨ මාධ්‍යවේදීන් සහ අධ්‍යාපන විශේෂඥයන් අතර අධ්‍යපන ප්‍රතිසංස්කරණයෙහි යෝජිත වෙනස්කම් පිළිබඳ සංවාදශීලි කතිකාවක් ද පැවැත්විණි.

​මෙම අවස්ථාවට අධ්‍යාපන හා උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න, වෘත්තීය අධ්‍යාපන නියෝජ්‍ය අමාත්‍ය නලින් හේවගේ, අධ්‍යාපන අමාත්‍යාංශයේ ලේකම් නාලක කලුවැව, ජාතික අධ්‍යාපන ආයතනයේ අධ්‍යක්ෂ ජනරාල් අඕ.ජී දයාරත්න,​ අධ්‍යාපන ප්‍රතිසංස්කරණ අංශයේ අතිරේක ලේකම් වාසනා එදිරිසූරිය, අධ්‍යාපන ප්‍රතිසංස්කරණ පිළිබඳ ජාතික කමිටුවේ කමිටු සාමාජිකයින් සහ අමාත්‍යාංශයේ නිලධාරින පිරිසක් එක්ව සිටියහ.

---

National Dialogue on Education Reform Launched by Minister Harini Amarasuriya

The future trajectory of a nation is fundamentally determined by its educational landscape, a sentiment echoed by Minister of Education, Higher Education, and Vocational Training, Dr. Harini Amarasuriya. She emphasized the crucial role of the media in facilitating a national dialogue around new educational reforms, ensuring that these significant changes reach the citizenry.

At a recent event held at the Araliyagaha Mandiraya, the official launch of the 'RIES' (Reform Information & Enquiry Service) website took center stage. This platform aims to effectively communicate accurate information about the upcoming educational reforms to the public. It will also assist media representatives in disseminating essential updates regarding the reform processes.

The website, designed specifically to convey accurate information about the reforms, was inaugurated in the presence of the Prime Minister. Citizens can access the initiative by visiting https://edureformfact.moe.gov.lk, which serves as a resource for addressing public queries related to educational reforms.

In her remarks, the Prime Minister described this endeavor as more than just a curriculum change; it represents a comprehensive transformation of the entire educational system. She stressed that the future of the country relies heavily on the foundation of quality education, viewing this reform as a national obligation that extends beyond the confines of the Ministry of Education.

The reform initiative will commence with Grade 1 in 2026 and will progressively introduce changes to the curriculum in Grade 6 by 2027. Various preparatory efforts, such as teacher training, infrastructure development, and digitization, are already underway to ensure the education system is adequately equipped for these reforms.

Recognizing the need for a positive discourse around educational changes, the Prime Minister pointed out that while diverse political views might exist, it is vital that children's education does not become a political battleground.

Professor Prabath Jayasinghe, chairman of the Public Awareness Committee on Educational Reforms, elaborated on the significant transformations expected within the educational sector through these reforms. He noted that the focus has shifted from a teacher-centered approach to a student-centered one, promoting experiential learning rooted in real-world contexts.

This initiative is not merely about academics; it aims to ensure holistic development by fostering emotional, social, physical, and ethical growth among students.

As part of the 21st-century skills framework, the reform will enhance fundamental literacies (technical, financial, media, and scientific), interpersonal skills (critical thinking and communication), and value systems among students.

The reform also seeks to create a comprehensive pathway that interlinks general education, vocational training, and tertiary education, ensuring that no child is left behind up to Grade 13.

By moving away from traditional examination methods that primarily assess memory, the new approach will focus on continuous assessment of students’ analytical, creative, and problem-solving capabilities.

A lively discussion on proposed changes within the educational reform was held among senior media personnel, journalists, and educational experts at the event.

Notable attendees included State Minister of Education and Higher Education, Dr. Madura Senavirathna, State Minister of Vocational Training, Nalin Hewage, Secretary of the Ministry of Education, Nalaka Kaluwawela, Director General of the National Education Institution, O.G. Dayarathna, Additional Secretary of the Education Reform Division, Wasana Edirisinghe, along with members of the national committee on educational reforms and ministry officials.

*Note: In case of any discrepancy between the Sinhala and English versions, the Sinhala version shall prevail.