කස්සප හිමිට පොලිසියෙන් ගැහුවා කියන අයට නීතිය ක‍්‍රියාත්මක කරනවා..- පොලිස් මාධ්‍ය ප‍්‍රකාශක

 කොළඹ විහාරමහාදේවී උද්‍යානයේ පැවැත්වෙන සත්‍යග්‍රහය අතරතුර පූජ්‍ය බලංගොඩ කස්සප හිමියන්ට පොලිසියෙන් පහරදුන් බවට සමාජ මාධ්‍ය ඔස්සේ පළවන ප්‍රචාර සම්පූර්ණයෙන්ම අසත්‍ය බව ශ්‍රී ලංකා පොලීසිය පවසන අතර, රෝහල්ගත කෙරුණු උන්වහන්සේ වැඩිදුර ප්‍රතිකාර ප්‍රතික්ෂේප කර පැයකට පමණ පසු රෝහලෙන් පිටව ගිය බව කොළඹ ජාතික රෝහල තහවුරු කරයි.

කොළඹ ජාතික රෝහලේ අධ්‍යක්ෂ වෛද්‍ය සම්පත් ඉන්දික කුමාර මහතා මේ සම්බන්ධයෙන් කරුණු දක්වමින් කියා සිටියේ, රාත්‍රී 8.30ට පමණ හදිසි අනතුරු ඒකකයට ඇතුළත් කෙරුණු බලංගොඩ කස්සප හිමියන්  විශේෂඥ වෛද්‍යවරුන්ගේ දැඩි පරීක්ෂාවට ලක් කළ බවයි. 

එහිදී උන්වහන්සේගේ රුධිර පරීක්ෂණ, එක්ස්-රේ පරීක්ෂණ මෙන්ම අල්ට්‍රා සවුන්ඩ් ස්කෑන් පරීක්ෂණ ද සිදු කළ බවත්, එම කිසිදු පරීක්ෂණයකින් උන්වහන්සේගේ ශරීර අභ්‍යන්තරයේ කිසිදු ආබාධයක් හෝ බරපතළ හානියක් සිදුව ඇති බවට සටහන් වී නොමැති බවත් අධ්‍යක්ෂවරයා සඳහන් කළේය.

හිස ප්‍රදේශයට පහරක් වැදුණු බවට ප්‍රකාශ වීම හේතුවෙන් පූර්ව ආරක්ෂිත පියවරක් ලෙස වැඩිදුර නිරීක්ෂණය සඳහා හදිසි අනතුරු වාට්ටුවක නේවාසිකව රැඳී සිටින ලෙස වෛද්‍යවරුන් උන්වහන්සේට උපදෙස් දී තිබුණි. 

එහෙත් තමන් වහන්සේට වැඩිදුර ප්‍රතිකාර අනවශ්‍ය බව දන්වමින් බලංගොඩ කස්සප හිමියන් පැයකට පමණ පසුව, එනම් රාත්‍රී 9.30ට පමණ සිය කැමැත්තෙන්ම රෝහලෙන් නික්ම ගොස් තිබේ.

මේ අතර, මාධ්‍ය වෙත විශේෂ ප්‍රකාශයක් කරමින් පොලිස් මාධ්‍ය ප්‍රකාශක ෆෙඩ්රික් වුට්ලර් මහතා සඳහන් කළේ, විහාරමහාදේවී උද්‍යානයේ රැඳී සිටියදී උන්වහන්සේ රෝහල්ගත කිරීමට සිදුව ඇත්තේ පය ලිස්සා බිම ඇද වැටීමෙන් මිස කිසිදු ආකාරයක පොලිස් පහරදීමක් නිසා නොවන බවයි.

මෙම සිදුවීම මුල් කරගනිමින් ඇතැම් පාර්ශ්ව සමාජ මාධ්‍ය ජාලා ඔස්සේ අසත්‍ය තොරතුරු ප්‍රචාරය කරමින් මහජනතාව කුපිත කිරීමටත්, නොසන්සුන්තාවක් ඇවිලවීමටත් දරන උත්සාහයන් නිරීක්ෂණය වී ඇතැයි පෙන්වා දුන් ඒ මහතා, මෙවැනි අසත්‍ය හා නොමඟ යවන ප්‍රචාර සමාජගත කරන පුද්ගලයින්ට එරෙහිව නීතිය දැඩිව ක්‍රියාත්මක කරන බවට ද අවධාරණය කළේය.

---

Police Deny Assault Claims Amid Controversy Surrounding Colombo Monk's Hospitalization

The Sri Lankan police have categorically rejected claims circulating on social media that an assault was inflicted upon Venerable Balangoda Kassapa Thera during the ongoing Satyagraha at the Viharamaha Devi Park in Colombo. Asserting the accuracy of their assessment, they confirmed that the monk was discharged from the hospital approximately one hour after receiving treatment.

Dr. Sampath Indika Kumara, Director of the Colombo National Hospital, provided details regarding the incident, stating that the monk was admitted to the Emergency Unit at roughly 8:30 PM. Following a thorough examination by a team of specialists, multiple tests including blood work, X-rays, and an ultrasound were conducted.

Dr. Kumara affirmed that none of the tests indicated any internal injuries or severe harm. Due to reported trauma to the head, doctors initially recommended that he be monitored overnight as a precautionary measure.

However, the monk opted to leave the hospital around 9:30 PM, indicating that he did not require further treatment.

In an official statement to the media, Police Spokesperson Frederick Wuttler clarified that the monk's hospitalization resulted from him slipping and falling rather than any act of police violence. He noted that certain factions have taken to social media to propagate false information, inciting public outrage and unrest, and emphasized that the police would take strict legal action against those disseminating misleading claims.

*Note: In case of any discrepancy between the Sinhala and English versions, the Sinhala version shall prevail.