පළිබෝධනාශක භාවිතයේදී ගොවීන් මුහුණ දෙන සෞඛ්‍ය අවදානම් අවම කරමින් ඔවුන්ගේ ජීවිත හා වෘත්තීය ආරක්ෂාව තහවුරු කිරීමේ අරමුණින් BASF සන්රක්ෂන් කිට් (BASF Sanrakshan Kit) ආරක්ෂක ඇඳුම් කට්ටලය ශ්රී ලංකාවට හඳුන්වාදීමේ ජාතික වැඩසටහන කෘෂිකර්ම අධ්‍යක්ෂ ජනරාල් ආචාර්ය තුෂාර වික්‍රමාරච්චි මහතාගේ ප්‍රධානත්වයෙන් (28) සවස නුවරඑළියේදී පැවැත්විණි.
පළිබෝධනාශක නිසි ආරක්ෂක ක්‍රමවේද අනුගමනය නොකර භාවිත කිරීම හේතුවෙන් ගොවීන් විෂවීම්, විවිධ රෝගී තත්ත්වයන් සහ ජීවිත අවදානම්වලට මුහුණ දීමේ හැකියාව පවතින බැවින්, ඒ සඳහා නිසි ආරක්ෂක පියවර අනුගමනය කිරීමේ වැදගත්කම මෙම ජාතික වැඩසටහන මඟින් අවධාරණය කෙරිණි.
මෙම වැඩසටහනට සමගාමීව පළිබෝධනාශක භාවිතයේදී ගොවීන් අනුගමනය කළ යුතු ආරක්ෂක මාර්ගෝපදේශ පිළිබඳ දැනුවත් කිරීමේ දේශනයක් ද කෘෂිකර්ම අධ්‍යක්ෂ ජනරාල් ආචාර්ය තුෂාර වික්‍රමාරච්චි මහතා විසින් පවත්වන ලදී.
එහිදී පළිබෝධනාශක භාවිතයේදී ගොවීන් තම සෞඛ්‍යය හා ආරක්ෂාව පිළිබඳ විශේෂ අවධානයක් යොමු කළ යුතු බව පැහැදිලි කළ අධ්‍යක්ෂ ජනරාල්වරයා, නිසි ආරක්ෂක ක්‍රමවේදවලින් තොරව පළිබෝධනාශක භාවිත කිරීමෙන් විෂ ශරීරගත වීම, විවිධ රෝගී තත්ත්වයන් ඇතිවීම මෙන්ම ජීවිත අවදානම් ද මතුවිය හැකි බව පෙන්වා දුන්නේය. එබැවින් පළිබෝධනාශක භාවිතයේදී ප්‍රමිතියෙන් යුත් ආරක්ෂක ඇඳුම් කට්ටල පැළඳීම, නිෂ්පාදන ලේබලයේ සඳහන් උපදෙස් නිවැරදිව පිළිපැදීම සහ නිර්දේශිත ආරක්ෂක ක්‍රමවේද අනුගමනය කිරීම අත්‍යවශ්‍ය බව ද ඔහු අවධාරණය කළේය.
ගොවියාගේ ආරක්ෂාව ඔහුගේ පෞද්ගලික සෞඛ්‍යයට පමණක් සීමා නොවන බවත්, පළිබෝධනාශකවලට නිරාවරණය වූ ඇඳුම් හා උපකරණ නිසි ලෙස පිරිසිදු කිරීම, රසායනික ද්‍රව්‍ය දරුවන්ට ළඟා විය නොහැකි ස්ථානවල ආරක්ෂිතව ගබඩා කිරීම සහ ඒවා ආහාරපානවලින් වෙන්කර තැබීම මඟින් පවුලේ සාමාජිකයන් ද ආරක්ෂා කරගත යුතු බවත් ඔහු පැහැදිලි කළේය.
එමෙන්ම පළිබෝධනාශක භාවිතයෙන් පසු දෑත් හා ශරීරයේ නිරාවරණය වූ කොටස් හොඳින් පිරිසිදු කිරීම, භාවිතයෙන් පසු ඇඳුම් වෙනම සෝදා පිරිසිදු කිරීම සහ රසායනික ද්‍රව්‍ය ජල මූලාශ්‍රවලට එක්වීම වැළැක්වීම මඟින් ගොවීන්ගේ සෞඛ්‍යය මෙන්ම පවුලේ සාමාජිකයන්ගේ සහ පරිසරයේ ආරක්ෂාව ද තහවුරු කරගත හැකි බව අධ්‍යක්ෂ ජනරාල්වරයා පෙන්වා දුන්නේය.
ප්‍රමිතිය තහවුරු කළ ආරක්ෂක ඇඳුම් කට්ටලයක් මෙරටට ගෙන්වා බෙදාහැරීමේ අවශ්‍යතාව පැවතිය ද, ඒ සඳහා ආයතනයක් ඉදිරිපත් නොවූ පසුබිමක BASF ආයතනය මූලිකත්වය ගෙන කෘෂිකර්ම දෙපාර්තමේන්තුව සමඟ එක්ව මෙම ආරක්ෂක ඇඳුම් කට්ටල මෙරටට ගෙන්වා බෙදාහැරීමේ කටයුතු සිදු කිරීමට පියවර ගෙන තිබේ.
මෙහිදී අදහස් දැක්වූ BASF ලංකා ආයතනයේ කළමනාකාර අධ්‍යක්ෂ අජිත් වික්‍රමසේකර මහතා සඳහන් කළේ, ආයතනයේ අනුග්‍රාහක දායකත්වය යටතේ දිවයින පුරා ගොවීන් දැනුවත් කරමින් ගොවි මහතුන් 4,500 දෙනකුට මෙම ආරක්ෂක ඇඳුම් කට්ටල නොමිලේ බෙදාදීමට සැලසුම් කර ඇති බවයි.
නුවරඑළියේ පැවැති මෙම සමාරම්භක වැඩසටහනට කෘෂිකර්ම දෙපාර්තමේන්තුවේ අතිරේක අධ්‍යක්ෂ ජනරාල් (පර්යේෂණ) ආචාර්ය ජේ.ඒ. සුමිත්, මධ්‍යම පළාත් කෘෂිකර්ම අධ්‍යක්ෂ ජයලත් බණ්ඩාර, නියෝජ්‍ය කෘෂිකර්ම අධ්‍යක්ෂ රංගන චන්ද්‍රසිරි, නුවරඑළිය සීතාඑළිය පර්යේෂණ ආයතනයේ ප්‍රධාන අධ්‍යක්ෂ ආචාර්ය අභයතිලකරත්න, කෘෂිකර්ම සංවර්ධන නියෝජ්‍ය කොමසාරිස් ශ්‍රීනාත් රූපසිංහ, පළිබෝධනාශක කාර්යාලය නියෝජනය කරමින් සහකාර අධ්‍යක්ෂ මොහාන් හතුරුසිංහ, BASF ලංකා ආයතනයේ කළමනාකාර අධ්‍යක්ෂ අජිත් වික්‍රමසේකර, කළමනාකාර සඳරේකා රූපසිංහ සහ ප්‍රවර්ධන කළමනාකරු එරංග ගුණවර්ධන යන මහත්වරුන් ඇතුළු පිරිසක් සහභාගී වූහ.
- ආර්.එෆ්.එම්.සුහෙල්
BASF Launches Safety Kit to Protect Sri Lankan Farmers
A national program aimed at introducing the BASF Sanrakshan Kit protective clothing set was launched in Nuwara Eliya under the stewardship of Dr. Tushara Vikramarachchi, the Director General of Agriculture, on October 28. This initiative is focused on ensuring the safety and well-being of farmers while they use pesticides, minimizing health risks associated with agricultural practices.
The program highlights the dangers faced by farmers who use pesticides without following proper safety protocols, including the risk of poisoning, various health issues, and potential life-threatening situations. The importance of adhering to safety measures was a significant point underscored during the event.
Alongside the introduction of the safety kit, Dr. Vikramarachchi also delivered a lecture on safety guidelines that farmers should follow when utilizing pesticides. He stressed the need for farmers to pay close attention to their health and safety while handling these chemicals, pointing out that improper use can lead to toxic exposure, health complications, and even life-threatening risks.
Wearing standardized protective clothing, following the instructions on product labels, and adhering to recommended safety protocols were emphasized as essential practices for farmers during pesticide application.
Dr. Vikramarachchi further explained that safety goes beyond individual health, stressing the necessity for proper cleaning of clothes and equipment exposed to pesticides. He advised that these items should be stored securely in places inaccessible to children and kept separate from food and beverages to safeguard family members.
Moreover, he highlighted that thorough cleaning of hands and any exposed body parts after pesticide use, washing clothes separately, and preventing chemical runoff into water sources are critical steps to ensure not only the health of farmers but also that of their families and the surrounding environment.
With an urgent need identified for distributing verified safety clothing kits in the country, BASF has taken the initiative to collaborate with the Department of Agriculture in this endeavor, filling the gap left by the absence of a designated institution for this purpose.
Ajith Vikramasekara, the Managing Director of BASF Lanka, shared that under the organization’s sponsorship, plans are in place to distribute these protective clothing kits free of charge to 4,500 farmers across the country, while simultaneously raising awareness about safe practices in pesticide use.
This introductory program was attended by a distinguished group of officials, including Dr. J.A. Sumith, Additional Director General (Research) of the Department of Agriculture, Jayalath Bandara, the Central Province Agriculture Director, and representatives from various agricultural agencies.
- R.F.M. Suhail
*Note: In case of any discrepancy between the Sinhala and English versions, the Sinhala version shall prevail.
